ფარისებრი ჯირკვლის ჰორმონთა მატება ათეროსკლეროზულ პროცესს აჩქარებს
ხელს უწყობს ათეროსკლეროზული პროცესების პროგრესირებას და ზრდის ნაადრევი სიკვდილის რისკს.
კვლევაში მონაწილეობა მიიღო 60-65 წლის ასაკის 9 420 პაციენტმა. მათ ორგანიზმში მეცნიერები რეგულარულად იკვლევდნენ თირეოტროპული ჰორმონისა და თავისუფალი თიროქსინის დონეს, აფასებდნენ ჰორმონთა გავლენას ათეროსკლეროზული პროცესისა და გულის იშემიური დაავადების მიმდინარეობაზე, ასევე სისხლის სხვადასხვა პათოლოგიის დინამიკასა და სიმძიმის ხარისხზე.
აღმოჩნდა, რომ პაციენტებს, რომელთა სისხლშიც მომატებული იყო თავისუფალი თიროქსინის დონე, 2-ჯერ უფრო ხშირად ვლინდებოდა კორონარების (გულის გვირგვინოვანი არტერიების) კალციფიკაცია, რაც ათეროსკლეროზის ერთ-ერთი პირდაპირი სიმპტომია. გარდა ამისა, დასახელებულ პაციენტებთან 87 %-ით მომატებული იყო გულის იშემიური პათოლოგიის გართულებათა რისკი.
თინათინ გოცაძე