რუბრიკები
ოჯახის მკურნალიs ანონსი
როგორ მოვაგვაროთ კუჭ-ნაწლავის პრობლემები

მთელი ზაფხული მეგობრებთან ერთად გავატარე. ხან მთაში, ხანაც ზღვაზე ვისვენებდით. ძირითადად მზა საკვებს მივირთმევდით კაფეებსა და რესტორნებში. ასეთი რეჟიმის წყალობით კუჭ-ნაწლავის მოქმედება ამერია. მირჩიეს ორგანიზმის გაწმენდა, რათა კუჭ-ნაწლავის ნორმალური ფუნქციონირება აღდგეს. არც კანი მაქვს კარგ დღეში. როგორ მოვიქცე?


კუჭ-ნაწლავი უნიკალური სისტემაა. მის ჯანმრთელობაზე უშუალოდ არის დამოკიდებული მთელი ორგანიზმის მდგომარეობა. მისი მუშაობის დარღვევა პირდაპირ აისახება კანზე. საკვებმა, რომელიც ვნებს კუჭს, შეიძლება დისბაქტერიოზი და ალერგიაც გამოიწვიოს.

ასე რომ, თუ თქვენი კანის მდგომარეობით უკმაყოფილო ხართ, მიმართეთ გასტროენტეროლოგს და შეამოწმეთ, ყველაფერი რიგზე გაქვთ თუ არა. გარემოს დაბინძურება, არასწორი კვება, უმოძრაო ცხოვრების წესი კუჭ-ნაწლავის ფუნქციის დარღვევას, მისი მოქმედების შეფერხებას იწვევს. ყაბზობის დროს ნაწლავებში გროვდება გადამუშავებული საკვების ნარჩენები და მთელ ორგანიზმს წამლავს. ორგანიზმში დაგროვილი ტოქსიკური ნარჩენები, წიდა, შეიძლება კანის დაავადებების, ქრონიკული სისუსტისა და თავის ტკივილის, ჰიპერტონიის, ასთმური შეტევების, ხშირი გაციების, ალერგიის მიზეზად იქცეს. როგორ გავიწმინდოთ კუჭ-ნაწლავი? კუჭ-ნაწლავის მუშაობის აღდგენის ყველაზე ეფექტური მეთოდია გამორეცხვა, რომელსაც ჯერ კიდევ ჰიპოკრატე იყენებდა. დღეს ამ მეთოდის მიმართ, ისევე როგორც სხვა ბუნებრივი მეთოდების მიმართ, ინტერესი გაიზარდა.


წყლის პროცედურები
ჰიდროკოლონოთერაპია - ეს არის კუჭ-ნაწლავის გამორეცხვა ჟანგბადით გამდიდრებული მინერალური წყლებით, რომელსაც ემატება სამკურნალო ბალახების ექსტრაქტი. პროცედურის შედეგად ორგანიზმიდან გამოიდევნება ტოქსიკური პროდუქტები, რომლებიც ნივთიერებათა ცვლას არღვევს, აღდგება კუჭ-ნაწლავის მოძრაობითი აქტიურობა და ზომა (ნაწლავები, რომლებიც გარკვეული დროის განმავლობაში არ იწმინდება, კარგავს ტონუსს და მუცელი ეშვება - ეს პრობლემა ბევრი ქალისათვის არის ცნობილი). სამკურნალო სეანსი 45-60 წუთი გრძელდება, ამ ხნის განმავლობაში ერთჯერადი დაბოლოებით ორგანიზმში შეჰყავთ განსაზღვრული ტემპერატურისა და რაოდენობის წყალი. შემდეგ შეყვანილი სითხე დაშლის პროდუქტებთან ერთად გამოიდევნება. ამ დროს იღებენ მასას ანალიზისთვის. ბაქტერიოლოგიური გამოკვლევების შემდეგ პათოგენური მიკროორგანიზმების აღმოჩენის შემთხვევაში ინიშნება შესაბამისი მკურნალობა. შეიძლება აღმოაჩინონ სხვადასხვა დაავადება: "ზარმაცი" ნაწლავის სინდრომი (ატონია) - ნაწლავების კუნთების შესუსტება, რომელიც წარმოიშობა ორგანიზმის საერთო ტონუსის შემცირების, მჯდომარე ცხოვრების წესისა და არარეგულარული კვების, დეფეკაციის ხშირი დარღვევის გამო. ატონიური ყაბზობა - გამოწვეულია დაბალი ფიზიკური აქტივობით, ნაწლავებში ფეკალური მასების სუსტი გადაადგილებით. მეტი იმოძრავეთ, ივარჯიშეთ, რაციონში ჩართეთ თაფლი, წიწიბურა, მაწონი, გახუხული პური, ქლიავი, გარგარი.  სპასტიკური ყაბზობა - იწვევს ნერვული სპაზმები (სტრესი, დეპრესია) და მოწამვლები. ალიმენტური ყაბზობა - უკავშირდება კვების ხასიათს. მიიღეთ უჯრედისით მდიდარი ბოსტნეული და ხილი (მიირთვით კანიანად). სიტუაცია ძალიან რთულდება სერიოზული დაავადებების დროს, როგორიც არის, მაგალითად, მსხვილი ნაწლავის დიფუზური პოლიპოზი. დაიმახსოვრეთ: პოლიპები ნაწლავში - დიდი საფრთხის მაუწყებელია. პოლიპოზს მემკვიდრეობით დაავადებად მიიჩნევენ, რომელიც ზოგჯერ თავს იჩენს სისხლიანი და ლორწოვანი აშლილობით. თუ ეს დიაგნოზი ოდესმე დაუსვეს თქვენი ოჯახის რომელიმე წევრს, მაშინ სასურველია, სხვებმაც ჩაიტარონ გამოკვლევები. თუ ამ დაავადების სიმპტომების შემჩნევა დაგვიანდა, მოსალოდნელია ნივთიერებათა ცვლის მკვეთრი დარღვევა და ანემია. გარდა ამისა, დროთა განმავლობაში პოლიპები იზრდება და ავთვისებიანი ზრდის სტადიაში გადადის. მათ სახეცვლილებას ხელს უწყობს ის გარემოება, რომ ჩვენ უპირატესობას ვანიჭებთ რაფინრებულ პროდუქტებს, მივირთმევთ

ცხიმიან ხორცს და არა ფაფას, ვსვამთ ჩაის შაქრით და არა თაფლით, ზედმეტად გვიტაცებს ისეთი პროდუქტები, რომლებიც მდიდარია ქიმიური დანამატებით (გემოს სტაბილიზატორებით, კონსერვანტებით, საღებავებით, არომატიზატორებით) და არ ვიცით, რომ პოლიპების (ასევე - კუჭ-ნაწლავის ტრაქტის სხვა პრობლემების) წარმოშობის მთავარი მიზეზი საკვებში უჯრედისის დეფიციტია. პოლიპების მკურნალობის ერთადერთი ეფექტური მეთოდია მათი მოცილება ჩვეულებრივი ქირურგიული ოპერაციით ან ენდოსკოპიური ტექნიკის დახმარებით. ენდოსკოპიური მეთოდი პრაქტიკულად უმტკივნეულოა, ნაწლავის ტრავმირების ალბათობა მინიმუმამდეა დაყვანილი. მეორე დღესვეა შესაძლებელი სტაციონარიდან გამოსვლა.


 

თარიღი : 07-10-2016
kqquun
rgVqkJ thodcfpaoimz, [url=http://uarjanfvzwwc.com/]uarjanfvzwwc[/url], [link=http://ajbmdfvtvlfk.com/]ajbmdfvtvlfk[/link], http://qliwttybzhph.com/
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ხშირად ადამიანები რეალობისან შორს არსებულ მოვლენებზე შფოთავენ. მიჩიგანის უნივერსიტეტში დაამტკიცეს, რომ თუ ქაღალდზე ჩამოვწერთ შფოთვის გამომწვევი საგნებისა თუ მოვლენების სიას, შეიძლება სტრესისა და შფოთვის დონის დაქვეითება.
დემოგრაფიული უსაფრთხოების საზოგადოების დირექტორი, ირინა მედვედევა საზოგადოებაში მიმდინარე ცვლილებებს და კონკრეტული საკითხისადმი ახალგაზრდების დამოკიდებულებებს სამედიცინო შეფასებას აძლევს და ქცევის გარკვეულ მომენტებს შიზოფრენიასთან აკავშირებს.
სამედიცინო ჟურნალში Pediatrics გამოქვეყნდა ამერიკელ მეცნიერთა, კერძოდ, სენტ ლუისში არსებული ვაშინგტონის უნივერსიტეტის მკვლევართა დასკვნა, ქათმის კვერცხის სასარგებლო თვისებებზე. როგორც სტატიაშია აღნიშნული, ქათმის კვერცხს განსაკუთრებული მნიშვნელობა აქვს მოზარდი ორგანიზმისათვის.
ამ კატეგორიის სხვა სტატიები
კვლევამ აჩვენა, რომ შოკოლადი აწესრიგებს ძილს და დადებითად მოქმედებს ტვინის მუშაობაზე. ვაშინგტონის უნივერსიტეტის სამედიცინო სკოლის მეცნიერების მიერ ჩატარებული კვლევის თანახმად, ტრიფტოფანით (შეუცვლელი ამინომაჟავა) მდიდარი პროდუქტები, მათ შორის შოკოლადი, ნაწლავებისთვის სასარგებლოა.
ჰორმონ ქოლეცისტოკინინს, რომელიც საკვების მიღების შემდეგ ნაღვლის ბუშტის შეკუმშვაში დიდ როლს თამაშობს, სედატიური მოქმედებაც ახასიათებს. ფინელ მეცნიერთა ვარაუდით, ჩვილების მუცლის ტკივილის მიზეზი, შესაძლოა, ნაღვლის ბუშტის ფუნქციის დარღვევით გამოწვეული ქოლეცისტოკინინის დეფიციტი იყოს.
ზოგიერთს დეფეკაციის პროცესში თვალებიდან ცრემლები მოდის. ასეთი რეაქცია პარასიმპათიკური ნერვული სისტემის არაკორექტული მუშაობითაა განპირობებული:
1. მაკარონი კეტჩუპითა და ყველით- პომიდორი მჟავე პროდუქტია და მისი შერევა სახამებლის ნახშირწყლებთან (მაკარონის ნაწარმი) ნიშნავს, რომ ზიანი მივაყენოთ საკვების მონელებას. ასევე არაა რეკომენდებული მაკარონი გახეხილ ყველთან ერთად, რადგანაც ასეთი რთული ერთობლიობა იწვევს სიმძიმის გრძნობას.
ცნობილია, რომ ცხოველური ფერმენტების სისტემატურად მიღება არასასურველია. ამ დროს ორგანიზმი საკუთარი ფერმენტების გამომუშავებას წყვეტს, მცენარეული ფერმენტები კი, პირიქით, ასტიმულირებს ორგანიზმში ფერმენტების წარმოქმნას.
კუჭუკანა ჯირკვლის (პანკრეასის) პრობლემები უფრო ხშირად მათ აღენიშნებათ, ვინც ალკოჰოლის მოყვარულია, რეგულარულად მიირთმევს ცხიმიან ხორცს, კონსერვებს, ე.წ. ფასტ-ფუდს (ანუ იკვებება სწრაფი კვების ობიექტებზე) და სხვა მძიმე საკვებს.
05 სექტემბერი 2017
ამერიკელ ექსპერტთა განმარტებით, ინტერნეტდამოკიდებულება მჭიდრო კავშირშია გაღიზიანებადობასთან, განგაშისა და შფოთვის სინდრომთან, აკვიატებულ ფიქრებსა და ქცევებთან. გარდა ამისა, ის უარყოფითად აისახება ადამიანის ჯანმრთელობის მდგომარეობასა და ადამიანებთან ურთიერთობაზე.
07 აგვისტო 2017
ამბობენ, რომ პარტნიორის შერჩევისას ქალსა და მამაკაცს შორის ის განსხვავებაა, რომ, როგორც წესი, ქალი უფრო რაციონალური, მოხერხებული და გარკვეულ საკითხებში ცბიერიც არის მამაკაცთან შედარებით. თუმცა ზოგიერთ შემთხვევაში შეიძლება პირიქითაც მოხდეს, მაგრამ მაინც იშვიათად...

მეცნიერებმა აღმოაჩინეს, რომ ღამის ცვლაში მუშაობა ცირკადული რითმების მარეგულირებელი ჰორმონ მელატონინის გამომუშავებას თრგუნავს. ამის გამო ირღვევა თავისუფალი რადიკალებით დაზიანებული დნმ-ის რეპარაციის პროცესი და იზრდება კიბოს მაპროვოცირებელი მუტაციის წარმოქმნის რისკი.
ამერიკელი მედიკოსების განცხადებით, საღეჭი რეზინის (კევის) წყალობით შესაძლოა ბევრ პაციენტს ეშველოს, მაგალითად, მათ, ვისაც მუცლის ღრუს ოპერაცია ჩაუტარდათ, ასევე, ქალბატონებს, რომლებსაც საკეისრო კვეთა გაუკეთდათ.
ბევრი ცუდ მეხსიერებას პრობლემად მიიჩნევს, თუმცა გულმავიწყობასაც აქვს თავისი პლუსები. მეცნიერების აზრით, მეხსიერების ფუნქცია ყველაფრის კი არა, მხოლოდ ფასეული ინფორმაციის შენახვაა. ამიტომ რაღაცის დავიწყება უბრალოდ აუცილებელია.