რუბრიკები
ოჯახის მკურნალი
კითხვა-პასუხი
ღვიძლის დაავადებათა მიზეზები და სიმპტომები
ღვიძლის დაავადებათა მიზეზები და სიმპტომები

- რა გართულება შეიძლება მოჰყვეს ღვიძლის ციროზს?
- ღვიძლის ციროზისთვის დამახასიათებელია შემდეგი გართულებები: სისხლდენა საყლაპავის ვარიკოზული ვენებიდან; ასციტი; ღვიძლისმიერი ენცეფალოპათია; ჰეპატოცელულარული კარცინომა (კიბო); ღვიძლის უკმარისობა - კომა.

- რა არის ასციტი?
- ასციტი, იგივე წყალმანკი, არის თავისუფალი სითხის დაგროვება მუცლის ღრუში. ათიდან ცხრა შემთხვევაში მისი მიზეზი ღვიძლის დაავადებაა. დანარჩენ შემთხვევებში ასციტი გამოწვეულია გულის ან თირკმელების უკმარისობით, ბად-კიარის სინდრომით, კარის ვენის ბლოკადით, ტუბერკულოზური პერიტონიტით, პანკრეატიტით... ასციტი ერთბაშადაც შეიძლება განვითარდეს და თანდათანობითაც. ასციტის სწრაფი განვითარება ახასიათებს ციროზს დეკომპენსაციის ფაზაში.

- როგორ შეიძლება ამ მდგომარეობის მართვა?
- ძირითადი მკურნალობა მიმართული უნდა იყოს იმ დაავადებისკენ, რომელმაც ეს გართულება გამოიწვია. ზოგადი ღონისძიებები ხორციელდება ექიმის მეთვალყურეობით და მოიცავს:

  • წოლით რეჟიმს;
  • სუფრის მარილის შეზღუდვას (2 გრამამდე დღე-ღამეში);
  • სითხის შეზღუდვას (750-1000 მლ-მდე);
  • ცილითა და ვიტამინებით მდიდარი საკვების მიღებას;
  • დიურეტიკების - შარდმდენი პრეპარატების - მიღებას, სასურველია, მინიმალური დოზით.

თუ ასეთმა მკურნალობამ შედეგი არ გამოიღო, მიმართავენ ლაპაროცენტეზს - მუცლის ღრუდან სითხის გამოღებას. ლაპაროცენტეზი ძველი, მაგრამ ეფექტური და უსაფრთხო მეთოდია. გამოკვლევები მოწმობს, რომ ის დადებითად მოქმედებს პაციენტის ჰემოდინამიკაზე. თუმცა აქვე ისიც უნდა ითქვას, რომ ასციტური სითხის ხშირი და დიდი რაოდენობით გამოღება იწვევს მასში ცილის დაქვეითებას, ამან კი შესაძლოა სპონტანური ბაქტერიული პერიტონიტის განვითარებას შეუწყოს ხელი, ამიტომ არ შეიძლება, ლაპაროცენტეზი დაენიშნოს ყველა ასციტიან პაციენტს მუდმივ რეჟიმში. ის ნაჩვენებია მხოლოდ რეფრაქტერიული ასციტის დროს. რეფრაქტერიული ასციტისთვის დამახასიათებელია მდგრადობა უმარილო საკვებისა და დიურეტიკების მაღალი დოზების მიმართ.

- როგორ მკურნალობენ ციროზს?
- ეს დაავადება, საბედნიეროდ, ნელა პროგრესირებს, ასე რომ, დროული მკურნალობა პროცესს აჩერებს. უპირველეს ყოვლისა საჭიროა ალკოჰოლზე უარის თქმა. სპეციალური დიეტა შემუშავებული არ არის, მაგრამ საჭიროა ჯანსაღი კვება, რაციონიდან ნოყიერი, შემწვარ-მოხრაკული საკვების ამოიღება. სასურველია ახალი ხილი, ბოსტნეული, ვიტამინებით მდიდარი საკვები. საჭიროა, შეიზღუდოს მარილის მიღება. დაზიანებული ღვიძლი ვეღარ აუვნებლებს და ორგანიზმიდან ვეღარ გამოყოფს წამალს, ამიტომ საჭიროა, ექიმთან შეთანხმებით შეიზღუდოს ან საერთოდ უარი ითქვას მედიკამენტების მიღებაზე (აუცილებელი წამლების გარდა). თანამედროვე მიდგომით, ციროზის არააქტიური ფორმის დროს მედიკამენტური მკურნალობა საჭირო არ არის. ასეთ პაციენტებს სჭირდებათ რეგულარული დაკვირვება. ისინი უნდა განაგრძნობდნენ აქტიურ ცხოვრებას. სხვა საქმეა კლინიკურად მანიფესტირებული ციროზი. ასეთ პაციენტებს მედიკამენტური და ხშირად სტაციონარული მკურნალობა სჭირდებათ. თუ ავადმყოფს გამოაჩნდა რომელიმე ზემოთ ნახსენები გართულება, ესე იგი საქმე გვაქვს დეკომპენსირებულ ციროზთან და მკურნალობის დაუყოვნებლივ დაწყებაა საჭირო. დღესდღეობით ციროზის მკურნალობა, ფაქტობრივად, ციროზის გართულებათა მკურნალობაა. დეკომპენსირებული ციროზის მკურნალობის რადიკალური გზაა ქირურგიული ჩარევა - ღვიძლის გადანერგვა.

- როგორია პროგნოზი ღვიძლის ციროზის დროს?
- კიდევ ერთხელ გავიმეორებ: ღვიძლის ციროზი პროგრესირებადი დაავადებაა და სახიფათო გართულებებს იწვევს. შესაძლებელია მისი მხოლოდ შეჩერება, ისიც - მხოლოდ ადრეულ სტადიებში. ჩვენი მიზანია, მკურნალობით შევასუსტოთ სიმპტომები და შეძლებისდაგვარად შევაჩეროთ გართულებების პროგრესირება.

- საუბრისას ცხიმოვანი ჰეპატოზი ახსენეთ. რა დაავადებაა ეს?
- ცხიმოვანი ჰეპატოზი, იგივე ცხიმოვანი ინფილტრაცია, სტეატოზი, ღვიძლის ცხიმოვანი დისტროფია - არის დაავადება, რომლის დროსაც ღვიძლის უჯრედები გაცხიმოვნებას განიცდის. ჰეპატოზს მრავალი ფაქტორი განაპირობებს, მათ შორის:

  • ალკოჰოლის ბოროტად გამოყენება;
  • შაქრიანი დიაბეტი;
  • სიმსუქნე;
  • დაუბალანსებელი კვება;
  • კუჭ-ნაწლავის ქრონიკული დაავადებები;
  • ჰეპატოტოქსიკური ნივთიერებების, ზოგიერთი წამლის მიღება.

ჰეპატოზის დროს პაციენტი უჩივის:

  • თავის ტკივილს;
  • ადვილად დაღლას;
  • ყრუ ტკივილს მარჯვენა ფერდქვეშ;
  • გულისრევის შეგრძნებას;
  • მუცლის შებერილობას;
  • ყაბზობას ან დიარეას.

ჰეპატოზის დიაგნოზის დასმა შეუძლია მხოლოდ ექიმს სპეციალურ გამოკვლევათა შედეგების საფუძველზე.



თარიღი : 24-01-2017
giorgi
მარტო გვიდზლიზ კიბოს სიმპტომებს აკვს პირსჰი მცარე გემოს სჰეგრდზნება?უფრო იოდის გემოს უფრო ვამსგავსებ,იკნებ სხვა და სხვა ეს ორი სჰემტხვევა?
თარიღი : 03-09-2016
nino
მართალია ეს სიმტომები მარა ჩემი აზრით ექიმთან ცასვლას ურჩევდი ვისაც პატარათიცკი იგრზნობს რამეს მაგალითად ამ სიმტომებს
თარიღი : 03-09-2016
gio
არა ესე
თარიღი : 03-09-2016
shishi daivicyet da mimartet eqims esa scoret moqceva da gamokvleva
კლ
თარიღი : 29-05-2016
eka
გტხოვტ მიპასუხოთ,მუცლის,პეხების,თვალების,მკერდის დასიება კატასტროპულად იცის გვიძლმა?
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ნორვეგიელი მეცნიერები მიიჩნევენ, რომ მღელვარება და დეპრესია სიმსივნური პათოლოგიის განვითარებაში მთავარ როლს ასრულებს.
როგორც მეცნიერები აცხადებენ, სექსისთვის საუკეთესოა ის დრო, როდესაც ტესტოსტერონის დონე მაქსიმალურ კონცენტრაციას აღწევს სისხლში. ეს კი გამთენიას 05:48 საათზე მიიღწევა. დიდ ბრიტანეთში მკვლევარებმა ჩაატარეს საინტერესო ექსპერიმენტები, რომელთა შედეგებითაც გაირკვა, რომ
ალბათ, ბევრს გსმენიათ ტელევიზორების ტექნოლოგიური ტერმინების შესახებ, რომლებიც ბოლო წლებში განსაკუთრებით პოპულარული გახდა. მაგრამ რა ვიცითიმ ფუნქციონალურობისა და უპირატესობების შესახებ, რომლებსაც გვთავაზობენ პლაზმური, LCD, LED, 3D და Curved ტელევიზორები?

ამ კატეგორიის სხვა სტატიები
ედინბურგის რეგენერაციული მედიცინის ცენტრისა და სკოლკოვსკის მეცნიერებისა და ტექნოლოგიების ინსტიტუტის მკვლევარებმა მრავალწლიანი ერთობლივი კვლევით აჩვენეს, რომ ღვიძლშიდა სანაღვლე სადინრების უჯრედები აქტიურად მონაწილეობენ ღვიძლის ქსოვილის განახლების (რეგენერაციის) პროცესში.
საქართველოში დაახლოებით 110 ათასმა ადამიანმა არ იცის, რომ C ჰეპატიტით არის ინფიცირებული, - ამის შესახებ დაავადებათა კონტროლისა და საზოგადოებრივი ჯანმრთელობის ცენტრის ხელმძღვანელმა, ამირან გამყრელიძემ პრესკონფერენციაზე განაცხადა.
ღვიძლის ჰემანგიომა კეთილთვისებიანი სიმსივნეა, რომელიც მთლიანობაში ორგანოს ფუნქციობაზე ნეგატიურ გავლენას არ ახდენს. სპეციალისტების აზრით, ეს წარმონაქმნი, უხშირესად, მემკვიდრული დეფექტია, რადგანაც ძალიან პატარა ასაკის ბავშვებთანაც გვხვდება. ღვიძლის ჰემანგიომა უფრო ხშირია ქალებთან, ვიდრე მამაკაცებთან, ამიტომაც ზოგიერთი სპეციალისტი მის განვითარებას ჰორმონულ ფონს, უფრო კონკრეტულად, მდედრობითი სასქესო ჰორმონების ცვლას უკავშირებს. მით უფრო, რომ ღვიძლის ჰემანგიომის პროგრესირება შეინიშნება ჰორმონული პრეპარატების მიღების დროს, ან კიდევ ორსულობის პერიოდში. საბოლოოდ, ღვიძლის ჰემანგიომის აღმოცენების კონკრეტული მიზეზი ჯერ კიდევ დაუდგენელია.

ჩვენი ჯანმრთელობა სამზარეულოდან იწყება. ჯანსაღი კვება და ჩვევები აუცილებელია ჯანმრთელობისთვის. როგორ ამოვიცნოთ ღვიძლის ტოქსიური გადაძაბვა.
(ქართველი პროფესიონალები და ახალი ერა მედიცინაში)

ტრანსპლანტოლოგია რომ მედიცინაში ახალი ერაა - ამას ბევრი აღიარებს. ამ ერას რომ მხოლოდ გამორჩეული პროფესიონალები ქმნიან - ამაზეც არავინ კამათობს. მთავარი კი ის არის, რომ ასეთი გამორჩეული სპეციალისტები საქართველოსაც ჰყავს და ეს ახალი ერა ჩვენს მედიცინაშიც დაიწყო. დიახ, ღვიძლის გადანერგვა უკვე საქართველოშიც წარმატებით ხორციელდება. ცხადია, ეს უდიდესი მიღწევა და გამარჯვებაა!

4 წლის თავზე, C ჰეპატიტით ინფიცირებულთა 90% - გამოკვლეული, ხოლო დაავადებულთა 95% განკურნებული უნდა იყოს
მომავალი ოთხი წლის განმავლობაში, საქართველოში, C ჰეპატიტი, ფაქტობრივად აღმოიფხვრება,
23 აგვისტო 2017
ამერიკელმა მეცნიერებმა ტვინის ვიზუალიზაციის მეთოდის გამოყენებით ჩატარებული კვლევის 46 034 მონაცემი გააანალიზეს. ქალებს ტვინის აქტივობა უფრო მაღალი აღმოაჩნდათ, ვიდრე მამაკაცებს. კერძოდ, მნიშვნელოვნად უფრო აქტიური იყო კონცენტრაციასთან, იმპულსური ქცევის კონტროლთან, განწყობასთან და ღელვასთან დაკავშირებული უბნები.
13 მარტი 2017
ალკოჰოლის ხშირი მოხმარება ჯანმრთლობისთვის მავნებელია, თუმცა დღესასწაულებზე სასმელზე უარის თქმა ზოგჯერ შეუძლებელია. დღესასწაულებისთვის მომზადებაა საჭირო. რამდენიმე დღით ადრე, იოდშემცველი პროდუქტების მიღებაა რეკომენდებული (ზღვის კომბოსტო, ზღვის თევზი, ზღვის პროდუქტები, ფეიხოა).
სპეციალისტები დიდხანს მუშაობას არ გვირჩევენ. ლონდონის საუნივერსიტეტო კოლეჯის მეცნიერთა განცხადებით, ადამიანები, რომლებიც ბევრს მუშაობენ, გულის უკმარისობის სერიოზულ საფრთხეს იქმნიან. ისინი იმავდროულად ინსულტისა და დემენციის განვითარების რისკჯგუფშიც არიან.
ოქსფორდის უნივერსიტეტის მეცნიერების აზრით, ძალიან ბევრი ძილი ისევე მავნებელია, როგორც უძილობა. დამტკიცებულია, რომ ცხრა საათზე მეტი ხანგრძლივობის ძილი ღამის კოშმარებს იწვევს. ასეთი ხანგრძლივობისას, ადამიანი დროის დიდი ნაწლს სწრაფი ძილის ფაზაში ატარებს.
ქრონიკული მწეველები მავნე ჩვევის მიტოვების შემთხვევაში ხშირად ხანგრძლივი დროის განმავლობაში ვერ შეიგრძნობენ ორგანიზმის ზოგადი მდგომარეობის გაუმჯობესებას. ამის მიზეზი ის გახლავთ, რომ მოწევის გამო წლების განმავლობაში ორგანიზმში დაგროვილი მავნე ნივთიერებები (ტოქსინები) უმალ არ გამოძევდება.