ჯანმო ზიკას ვირუსის გავრცელების საშიშროების გამო ოლიმპიადის გადადების რეკომენდაციას იძლევა
თუმცა ჯერჯერობით რისკი "დაბალ" და "ზომიერ" დონეზე რჩება. ვირუსის გამოვლენის ალბათობა ყველაზე მაღალი იმ რეგიონებშია, სადაც Aedes aegypti კოღოების პოპულაცია აღინიშნება. ასეთ რეგიონებს მიეკუთვნება შავი ზღვის ჩრდილო-აღმოსავლეთი სანაპირო და კუნძული მადეირა (რისკის რეიტინგის 10 ბალიდან ამ რეგიონებმა 9 ბალი მიიღეს).
ზომიერი რისკის ზონაში 21 ქვეყანა მოხვდა: საფრანგეთი, იტალია, ესპანეთი, საბერძნეთი, თურქეთი, მალტა, ხორვატია, ისრაელი, მონაკო, სან-მარინო, შვიცარია, ბულგარეთი, რუმინეთი, რუსეთი, უკრაინა, სლოვენია, საქართველო, ალბანეთი, ბოსნია, ჰერცოგოვინა და ჩერნოგორია.
ზიკას ვირუსის აფეთქების დაბალი და ძალიან დაბალი აქტივობის ალბათობა კიდევ 36 ქვეყანაში აღინიშნება. ჯანდაცვს მსოფლიო ორგანიზაცია, ზიკას ვირუსის გავრცელების საშიშროებასთან დაკავშირებით 2016 წლის ზაფხულის ოლიმპიადის გადადების რეკომენდაციასაც იძლევა. როგორც ცნობილია, ოლიმპიური თამაშები აგვისტოში, რიო-დე-ჟანეიროში უნდა გაიმართოს. რიოს მერის განცხადებით, ამის აუცილებლობა აღარაა, რადგანაც ვირუსის გადამტანი მოსკიტები განადგურებულია. თუმცა, სპეციალისტების აზრით, ჯანდაცვის სისტემის გაუმართაობის გამო, ვირუსის განადგურების პროგრამა ჩავარდა, რაც ოლიმპიადის უსაფრთხოდ ჩატარებას ეჭვქვეშ აყენებს.
ლალი ჩხიკვაძე