რუბრიკები
ოჯახის მკურნალის ანონსი
გულის მსოფლიო დღე - როგორ შევამციროთ დაავადების რისკი
გულის მსოფლიო დღე - როგორ შევამციროთ დაავადების რისკი
29 სექტემბერს გულის მსოფლიო დღე (World Heart Day) აღინიშნება. გულის მსოფლიო ფედერაციის ინიციატივით ეს დღე 1999 წელს დაარსდა და მას შემდეგ, 29 სექტემბერს, ყოველწლიურად აღინიშნება. ამ დღის ორგანიზატორების მიზანია, გულ-სისხლძარღვთა სისტემის დაავადების ეპიდემიით გამოწვეული საშიშროებისა და პროფილქტიკური ღონისძიებების შესახებ მოსახლეობის ინფორმირებულობა და ცოდნის ამაღლება.

ჯანდაცვის მსოფლიო ორგანიზაციასთან პარტნიორობით, გულის მსოფლიო ფედერაცია 100-ზე მეტ ქვეყანაში ატარებს ღონისძიებებს, რომელიც მოიცავს ჯანმრთელობის მასობრივ შემოწმებას, საჯარო ლექციებს, სამეცნიერო ფორუმებს, სპექტაკლებს, გამოფენებს, კონცერტებს, ფესტივალებს, ორგანიზებულ სეირნობებსა და სპორტულ შეჯიბრს.

დღეისათვის გულსისხლძარღვთა დაავადებები მსოფლიოში ინვალიდობისა და
სიკვდილიანობის ძირითად მიზეზს წარმოადგენს. გულ-სისხლძარღვთა სისტემის დაავადებებისა და ინსულტის განვითარების რისკ-ფაქტორებია: ატერიული წნევის, სისხლში ქოლესტერინისა და გლუკოზის დონის მომატება, თამბაქოს მოხმარება, ხილისა და ბოსტენულის არასაკმარისი რაოდენობით მიღება, ჭარბი წონა, სიმსუქნე და ფიზიკური ინერტულობა.

ინფარქტითა და ინსულტით გამოწვეული ნაადრევი სიკვდილის 80% თავიდან აცილება შესაძლებელია ჯანსაღი ცხოვრების
წესით, თამბაქოს აკრძალვითა და ფიზიკური აქტივობით. ფიზიკური ვარჯიში, ფეხით სიარული ყოველდღიური მოთხოვნილება უნდა გახდეს ყველასთვის, თუ გვსურს შევინარჩუნოთ შრომის უნარი, გვქონდეს სრულფასოვანი და ხალისიანი ცხოვრება. გარდა ამისა, მნიშვნელოვანია თანამედროვე საზოგადოებაში ჯანმრთელობაზე ზრუნვის კულტურის განვითარება, რაც რეგულარულ სამედიცინო დაკვირვებასა და სტრესთან ბრძოლას გულისხმობს.

საქართველოში გულის მსოფლიო დღე წლებია აღინიშნება. ამასთან დაკავშირებით ეწყობა სპეციალური ღონისძიებები. წლევანდელი ღონისძიებები გაიმართება ბათუმში და მისი ორგანიზატორები არიან "გულის საერთაშორისო ფედერაცია", "საქართველოს გულის ფონდი", აჭარის ჯანმრთელობის დაცვისა და სოციალური უზრუნველყოფის სამინისტრო, კარდიოლოგიური კლინიკა “ადაპტი”.

როგორც "მკურნალი.გე"-ს "საქართველოს გულის ფონდის" პრეზიდენტმა, პროფესორმა მერაბ მამაცაშვილმა განუცხადა, ღონისძიებები მიეძღვნება ჯანსაღი ცხოვრების წესის დამკვიდრებას, ხოლო დევიზია “გული ჯანმრთელობისთვის”.

გულის მსოფლიო დღესთან დაკავშირებული ღონისძიებების ნუსხა მრავალფეროვანია და მოიცავს სამეცნიერო კონსულტაციას, ლექციებს, გამოფენას, პაციენტების პროფილაქტიკურ გამოკვლევებს, სკრინინგს, სპორტულ ასპარეზობას. განსაკუთრებული აქცენტი გაკეთდება მოსახლეობის ახალგაზრდულ ასაკობრივ ჯგუფებზე, ვინაიდან ბოლო ხანებში ყურადღებას იპყრობს გულ-სისხლძარღვთა დაავადებების გაახალგაზრდავების ტენდენცია, განსაკუთრებით ქალებში. ამის მიზეზად სახელდება თამბაქოს მზარდი მოხმარება. გულ-სისხლძარღვთა დაავადებების პრევენცია ადრეული ასაკიდან უნდა ხორციელდებოდეს, ვინაიდან არასწორი კვება, პასიური ფიზიკური ცხოვრება, თამბაქოს მოხმარება, ალკოჰოლის ჭარბი მიღება მნიშვნელოვნად ზრდის დაავადებების რისკებს.

გულის მსოფლიო დღესთან დაკავშირებული ძირითადი ღონისძიება ბათუმში 7 ოქტომბერს ჩატარდება. გამარჯვებულები მიიღებენ საჩუქრებს და გადაეცემათ სამახსოვრო პრიზები. სპორტულ-გამაჯანსაღებელი ნაწილი გაიხსნება ველომრბოლელთა ასპარეზობით. დღის მეორე ნახევარში სასტუმრო ”Wyndham"-ის საკონფერენციო დარბაზში ჩატარდება საერთაშორისო სამეცნიერო კონფერენცია ქართველი და უცხოელი ექიმების მონაწილეობით.

ლალი ჩხიკვაძე
თამარ მამაცაშვილი
კომენტარი არ გაკეთებულა
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ამ კატეგორიის სხვა სტატიები
გულის მასაჟი არის მექანიკური ზემოქმედება გულის კუნთზე გულის გაჩერებისას. მასაჟი კეთდება იმისთვის,
აღმოსავლეთ ფინეთის უნივერსიტეტის მკვლევარებმა დაამტკიცეს, რომ საუნა გულსისხლძარღვთა სისტემაზე ისევე მოქმედებს, როგორც
38 წლის მამაკაცი, რომელმაც 18 საათის განმავლობაში 24 ქილა რედბული დალია სპირტიან სასმელთან ერთად, საავადმყოფოში მიყვანის შემდეგ
გული სისხლის მიმოქცევის სისტემის ცენტრალური ორგანოა. იგი სისხლს სისხლძარღვოვან კალაპოტში ამოძრავებს.
კანადაში მაკმასტერის უნივერსიტეტის მკვლევარებმა დაადგინეს, რომ
გერმანელი მეცნიერების განცხადებით, ადამიანის გულისცემის სიხშირესთან დაკავშირებულია
23 თებერვალი 2018
როცა დედა ტყუპისცალია. ბავშვი შარშია :)
22 თებერვალი 2018
ქსანტოგუმოლი, სვიაში შემავალი კომპონენტი და ლუდის ერთ-ერთი ძირითადი ინგრედიენტი, შესაძლოა სასარგებლო აღმოჩნდეს ჭარბ
გუშინ სოციალურ ქსელში გავრცელდა ცნობა მაია ასათიანის ჯანმრთელობის გაუარესების შესახებ. ჩვენს საიტზე უამრავი წერილი შემოდის, აინტერესებთ მაიას მდგომარეობა
ზოგიერთი გენები ადამიანის სიკვდილის შემდეგაც განაგრძობს მუშაობს. ამ დასკვნამდე სწავლულთა საერთაშორისო ჯგუფი მივიდა.
პოლონელი მეცნიერების დასკვნით, ადამიანის ფეხის სიმაღლე შეიძლება მისი ჯანმრთელობის მდგომარეობის მარკერი აღმოჩნდეს.