ოფთალმოლოგები ფერადლინზებიანი მზის სათვალის ხშირად გამოყენებას არ გვირჩევენ
მათი განცხადებით, ფერადი ლინზების გამო თვალის შიდა წნევა იმატებს და ნერვული სისტემის აგზნებადობა მნიშვნელოვნად იზრდება. ამასთან, ლურჯი და ცისფერი სათვალეები საერთოდ ვერ იცავს თვალებს მზის კაშკაშა შუქისგან.
შედარებით უსაფრთხოა მწვანელინზებიანი სათვალე. ის ნაკლებად ირეკლავს ბუნებრივ ფერებს. მწვანე ლინზების წყალობით, საზოგადოდ, თვალის შიდა წნევა კლებულობს, შესაბამისად, ასეთი ტიპის სათვალე რეკომენდებულია ასაკოვნებისა და იმ პირებისთვის, რომლებსაც გლაუკომა აწუხებთ.
ყველაზე უსაფრთხო კი ყავისფერლინზებიანი სათვალეა. ის ზრდის კონტრასტს და საშუალებას აძლევს ადამიანს, ნათლად აღიქვას სამყარო მზის კაშკაშა სინათლის პირობებშიც კი.
თინათინ გოცაძე