სიმსუქნე მეხსიერებას ვნებს
სპეციალისტებმა გადაწყვიტეს ტვინის ვარჯიშის ეფექტურობა ადამიანის სხეულის მასის ინდექსთან დამოკიდებულებით შეესწავლათ. აღმოჩნდა, რომ მსუქნებთან ტვინის ვარჯიშს არანაირი შედეგი არ აქვს. ექსპერტა აზრით, მიღებული შედეგები კიდევ ერთხელ ადასტურებს იმას, რაოდენ საზიანოა ორგანიზმისთვის გაცხიმოვნება და უმოძრაო წესი ცხოვრების ყველა ასპექტთან მიმართებაში.
ინდიანას უნივერსიტეტის მკვლევარები 10 წლის განმავლობაში აკვირდებოდნენ და შეისწავლიდნენ ადამიანთა დიდი ნაწილის (რამდენიმე ჯგუფის) კოგნიტიურ შესაძლებლობებს. ცვლილებათა ტრაექტორიას ისინი საგულდაგულოდ აფასებდნენ კვლევაში მონაწილეთა ასაკისა და სხეულის მასის ინდექსის გათვალისწინებით. აღმოჩნდა, რომ გაცხიმოვნების პრობლემის მქონე და ძალიან მსუქან პირებთან ტვინის ვარჯიშს არანაირი ეფექტი არ ჰქონდა.
სხვა მკვლევარების მიერ ნაჩვენებია ისიც, რომ წონაში მნიშვნელოვნად დაკლება აუმჯობესებს ტვინის ფუნქციობას, განამტკიცებს მეხსიერებას, გარდა ამისა, მსუქან პირებთან თავის ტვინის მოცულობის შემცირება, კონკრეტულად ჰიპოკამპის არეში, ბევრად სწრაფად მიმდინარეობს მათთან შედარებით, ვისაც წონის პრობლემა არ აქვს.
სწორედ ამიტომაც მნიშვნელოვანია კვებისა და აქტიურობა-მოძრაობის ნორმალური რეჟიმის დაცვა, განსაკუთრებით ასაკოვნებისთვის!
თინათინ გოცაძე როგორ ვავარჯიშოთ ტვინი