რა საფრთხეს ავიცილებთ თავიდან, თუ ფორთოხლის წვენს ყოველდღიურად მივირთმევთ
მოტეხილობების რისკი ორჯერ შემცირდება. ჩინელმა მეცნიერებმა 10 000-ზე მეტი ადამიანის კვლევა ჩაატარეს. აღმოჩნდა, რომ ფორთოხლის წვენი ამაგრებდა ძვლებს და იცავდა მოტეხილობებისგან. საიდუმლო С ვიტამინშია, რომელიც ასევე ბევრია პომიდორში, მარწყვში, კივსა და ბროკოლში.
კვლევის ფარგლებში დადგინდა, რომ ადამიანებს, რომლებიც ყველაზე მეტ С ვიტამინს მოიხმარდნენ, უფრო იშვიათად აღენიშნებოდათ მოტეხილობები. ეს აღმოჩენა განსაკუთრებით აქტუალურია ხანდაზმული ადამიანებისთვის, რომელთაც ხშირად აღენიშნებათ ოსტეოპოროზი. С ვიტამინი ასტიმულირებს ძვლის ახალგაზრდა უჯრედებს - ოსტეობლასტებს.
დღეში ყოველი 50 მილიგრამი С ვიტამინი (ჩაის ჭიქის მეოთხედი) მოტეხილობის რისკს 5%-ით აქვეითებს. ექიმები ხაზგასმით აღნიშნავენ, რომ მნიშვნელოვანია საკვებთან ერთად С ვიტამინის ყოველდღიური მიღება, რადგანაც სხეული ამ ვიტამინს არ ინახავს. ფორთოხალი, ისევე როგორც გრეიპფრუტი და ლიმონი აქვეითებს დემენციის რისკს ლიმონის მჟავის შემცველობის ხარჯზე. ეს მჟავა შეიცავს ფლავონოიდ ნობილეტინს, რომელიც დემენციის განვითარებას აფერხებს.
ლალი ჩხიკვაძე