რუბრიკები
ოჯახის მკურნალი
კითხვა-პასუხი
11 მიზეზი, რატომ უნდა მივირთვათ ბროწეული რეგულარულად
11 მიზეზი, რატომ უნდა მივირთვათ ბროწეული რეგულარულად
როგორც ამბობენ, თუ რეგულარულად მივიღებთ ბროწეულს, გული საათივით იმუშავებს და სიბერეც დიდხანს არ მოგვიკაკუნებს კარზე.

-ბროწეული უზრუნველყოფს ორგანიზმს სასარგებლო ნივთიერებებით. მასში შედის 15 ამინომჟავა, რომელთაგან 5 შეუცვლელია, იგი ასევე მდიდარია К, С, В9, В6 ვიტამინებით და მინერალებით (კალიუმი, სპილენძი, ფოსფორი). ამასთან, ბროწული დაბალკალორიული პროდუქტია.

-ბროწეული ამაგრებს გულს. მასში უხვადაა პუნიკალაგინი (Punicalagin). ეს ნივთიერება ანეიტრალებს თავისუფალ რადიკალებს და ზრდის ანტიოქსიდანტურ სტატუსს. იგი ასევე ამაგრებს სისხლძარღვების კედლებს და აქვეითებს სისხლში ცუდი ქოლესტერინის დონეს.

-ბროწეული ხელს უშლის ართროზის განვითარებას. იგი მდიდარია К ვიტამინით, რომელიც მნიშვნელოვან როლს ასრულებს ძვლებისა და შემაერთებელი ქსოვილის ნივთიერებათა ცვლაში, კალციუმის ათვისებაში. ბროწეული აფერხებს ხრტილოვანი ქსოვილის დეფორმაციას, ხსნის ანთებასა და ამცირებს შეშუპებას.

-ბროწეული კარგია კბილებისთვის. მისი წვენი ხელს უწყობს კბილის ნადების მოცილებას, გააჩნია ანტიმიკრობული და ანტივირუსული თვისებები, ასუფთავებს პირის ღრუს ბაქტერიებისგან, რის გამოც მცირდება ღრძილების დაავადებების განვითარების რისკი.

-ბროწეული იცავს ორგანიზმს კიბოსგან, მისი რეგულარული მიღება რამდენადმე ამცირებს სარძევე ჯირკვლის კიბოს განვითარების რისკს. ბროწეულის წვენი აფერხებს კიბოს უჯრედების ზრდას.

-ბროწეული აძლიერებს იმუნიტეტს, С ვიტამინის შემცველობის ხარჯზე.

-ბროწეული აუმჯობესებს საჭმლის მონელებას. ბროწეულის წვენი ზრდის მადას და შესანიშნავად უმკლავდება წყურვილის გრძნობას.

-ბროწეული ხელს უწყობს ჭრილობების შეხორცებას. აუმჯობესებს ეპიდერმისის უჯრედების რეგენერაციას.

-ბროწეული ამაღლებს სისხლში ჰემოგლობინს. ბროწეულის წვენს ხშირად ნიშნავენ ანემიების დროს, ნახევარი ჩაის ჭიქის ოდენობით, დღეში 3-ჯერ, ჭამამდე ნახევარი საათით ადრე.

-ბროწეული ნაჩვენებია შაქრიანი დიაბეტის დროს. თუმცა სჯობს ამ შემთხვევაში მივიღოთ წყლით გაზავებული ბროწეულის ახლად გამოწურული წვენი.

-ბროწეული გვინარჩუნებს ახალგაზრდობას. მისი ექსტრაქტი მედიცინაში ხშირად გამოიყენება როგორც ანტი-აგე დანამატი. იგი აფერხებს კანის დაბერების პროცესს და ხელს უშლის ასაკობრივი პიგმენტური ლაქების წარმოქმნას.

ლალი ჩხიკვაძე

ბროწეული - სახსრების მკურნალი

მკურნალი ბროწეული


You must have Flash Player installed in order to see this player.
თარიღი : 16-03-2016
ვაშლი
თუ ასეთი კარგია ბროწეული მაშინ მიირთვით იგი და მე თავი დამანებეთ!
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
როგორც კვლევამ აჩვენა, ცხიმებითა და ნახშირწყლებით მდიდარი საკვები დამოკიდებულებას იწვევს. ამიტომ ყველაზე ხშირად დამოკიდებულება შოკოლადზე, პიცაზე, ნაყინსა და ჰამბურგერებზე ვითარდება. მეცნიერების აზრით, ენდორფინულ დონეზე ნარკოტიკული დამოკიდებულება აღმოცენდება ცხიმიანისა და ტკბილის ერთობლიობისას.
აშშ-ში მოუსვენარი ცხოვრება საზოგადოებაში მაღალი მდგომარეობის ახალი მაჩვენებელია. ადრე მაღალი სტატუსის სიმბოლო ხუთვარსკვლავიან სასტუმროში დასვენება და სადილის შემდეგ გოლფის თამაში იყო. ჰარვარდის უნივერსიტეტის თანამშრომლებმა გამოარკვიეს, რომ
ნორვეგიელი მეცნიერები მიიჩნევენ, რომ მღელვარება და დეპრესია სიმსივნური პათოლოგიის განვითარებაში მთავარ როლს ასრულებს.
ამ კატეგორიის სხვა სტატიები
გოგრის თესლში უხვად არის მიკროელემენტები: თუთია, რკინა, მაგნიუმი, კალციუმი, ფოსფორი. ასეთი შემადგენლობის წყალობით გოგრის თესლს დიდი სარგებლობა მოაქვს ორგანიზმისთვის.
ნიორი უნიკალური ანტიბიოტიკია. კლავს სხვადასხვა სახეობის ბაქტერიას. ექსპერიმენტული კვლევებით ნაჩვენებია, რომ ნიორი თავისი თვისებებით არ ჩამოუვარდება, მეტიც, ზოგიერთი მოქმედებით აღემატება კიდეც ყველასათვის კარგად ცნობილ პრეპარატ ტეტრაციკლინს. ნიორს, გარდა იმისა, რომ აქვს იმუნომასტიმულირებელი მოქმედება ადამიანის ორგანიზმზე, ფლობს ფართოდ გამოხატულ ანტისეპტიკურ, შარდმდენ და ოფლმდენ თვისებებს.
ბროწეული - სამოთხის ხილი, კვიპროსზე აფროდიტას მიერ დარგული ხის ნაყოფი, რომლის წვენიც „სიყვარულის ნექტარის“ სახელითაა ცნობილი, უამრავი მითითა და ლეგენდით მოცული უძლიერესი აფროდიზიაკი.
ბრიტანელი დერმატოლოგები და კოსმეტოლოგები კარტოფილის ჯადოსნურ თვისებებზე მიუთითებენ. მათი აზრით, ამ კულტურით მართლაც შეიძლება ძვირადღირებული კოსმეტოლოგიური საშუალებების ჩანაცვლება.
ექიმი დერმატოლოგი ემა უელჯუორტი განსაკუთრებულ ყურადღებას ამახვილებს კარტოფილის წვენის სამკურნალო თვისებებზე.
მშრალი ხველის შეტევა, განსაკუთრებით ღამით, გარკვეულწილად საფრთხის შემცველია. არაპროდუქტიული ხველის შეტევამ შესაძლოა აპნოემდე მიიყვანოს ადამიანი. აპნოე სუნთქვის შეჩერებაა.
სტომატიტი პირის ღრუს ლორწოვანი გარსის ანთებაა. სხვადასხვა ფაქტორით გამოწვეული სტომატიტი მძიმე მდგომარეობაში აგდებს ადამიანს. ამ დროს პაციენტებს არა თუ ჭამა, წყლის დალევაც კი უჭირთ.
07 აგვისტო 2017
ჭურჭლის სარეცხი ღრუბელი სერიოზული ბაქტერიული ინფექციების წყაროა. ჩვეული მოხმარების საგნები დიდი რაოდენობით საშიშ ბაქტერიას შეიცავს. მათ შორის ჭურჭლის სარეცხი ღრუბელი შეიცავს უამრავ ბაქტერიას, რომელთა შორისაა პნევმონიისა და მენინგიტის გამომწვევებიც.
22 აგვისტო 2017
როგორც ცნობილია, დედები გაუცნობიერებლად უწევენ ხმას ბავშვებთან საუბრისას. დასავლეთ სიდნეის უნივერსიტეტის სპეციალისტები ამტკიცებენ, რომ ეს ევოლუციური მექანიზმია, რომელიც დედებს ბავშვების დამშვიდებისა და კეთილგანწყობის გამოვლენის საშუალებას აძლევს.
სპეციალისტები დიდხანს მუშაობას არ გვირჩევენ. ლონდონის საუნივერსიტეტო კოლეჯის მეცნიერთა განცხადებით, ადამიანები, რომლებიც ბევრს მუშაობენ, გულის უკმარისობის სერიოზულ საფრთხეს იქმნიან. ისინი იმავდროულად ინსულტისა და დემენციის განვითარების რისკჯგუფშიც არიან.
ოქსფორდის უნივერსიტეტის მეცნიერების აზრით, ძალიან ბევრი ძილი ისევე მავნებელია, როგორც უძილობა. დამტკიცებულია, რომ ცხრა საათზე მეტი ხანგრძლივობის ძილი ღამის კოშმარებს იწვევს. ასეთი ხანგრძლივობისას, ადამიანი დროის დიდი ნაწლს სწრაფი ძილის ფაზაში ატარებს.
ქრონიკული მწეველები მავნე ჩვევის მიტოვების შემთხვევაში ხშირად ხანგრძლივი დროის განმავლობაში ვერ შეიგრძნობენ ორგანიზმის ზოგადი მდგომარეობის გაუმჯობესებას. ამის მიზეზი ის გახლავთ, რომ მოწევის გამო წლების განმავლობაში ორგანიზმში დაგროვილი მავნე ნივთიერებები (ტოქსინები) უმალ არ გამოძევდება.