რატომ არ შეიძლება დიდი ზომის ბოკალით ალკოჰოლის დალევა
კემბრიჯის უნივერსიტეტის მკვლევარებმა გამოარკვიეს, რაზეა დამოკიდებული მიღებული ღვინისა და შამპანურის მოცულობა. როგორც აღმოჩნდა, მნიშვნელოვან როლს ასრულებს ბოკალი. რაც უფრო დიდია სასმისი, მით მეტია სპირტიანი სასმელის უზომო მოხმარების რისკი.
დიდი ბოკალი ქმნის არასრულად შევსებულის შთაბეჭდილებას, რაც ადამიანს, კონტროლის დაკარგვის შიშის გარეშე, სასმელის დამატებისკენ უბიძგებს.
ანალოგიური სქემა მოქმედებს საჭმელთან დაკავშირებითაც. დიდი თეფში ადამიანს ნაყროვანებისკენ უბიძგებს. საკვების მცირე ულუფით სრულად შევსებული პატარა თეფში, დანაყრების ალბათობას ზრდის.
ლალი ჩხიკვაძე