მეცნიერებმა „ფეისბუქზე“ დამოკიდებულებისა და ნარკომანების ტვინს შორის გარკვეული მსგავსება შენიშნეს
სოციოფობია დაკავშირებულია „ფეისბუქზე“ დამოკიდებულებასთან. თავის მხრივ, ეს დამოკიდებულება უარყოფითად მოქმედებს ადამიანის მოსწრებაზე, პროდუქტიულობაზე, ჯანმრთელობასა და კეთილდღეობაზე.
სპეციალისების აზრით, ვისაც სოციოფობია აღენიშნება, ძალიან მოსახერხებელია შეტყობინებების საშუალებით ურთიერთობა. სწორედ, ამიტომ იზრდება დამოკიდებულების განვითარების რისკი. კალიფორნიის უნივერსიტეტის მეცნიერებმა შენიშნეს გარკვეული მსგავსება „ფეისბუქზე“ დამოკიდებულებისა და ნარკომანების ტვინს შორის. სოციალურ ქსელებზე დამოკიდებულ ადამიანებს იმპულსურობასთან დაკავშირებული ტვინის მიდამოს აქტივობა ასევე მომატებული აქვთ. თუმცა, მსგავსი ქცევის შეკავებაზე პასუხისმგებელი სტრუქტურები მათ შემთხვევაში ნორმალურად მუშაობს, კოკაინდამოკიდებული ადამიანებისგან განსხვავებით. სპეციალისებს მიაჩნიათ, რომ „ფეისბუქზე“ დამოკიდებულ ადამიანებს იმპულსური ქცევის კონტროლის საშუალება აქვთ, მაგრამ არ აქვთ შესაბამისი მოტივაცია.
ლალი ჩხიკვაძე