რა პროცესები ხდება ტვინში დეპრესიის დროს
ჭკუასუსტობის განვითარების რისკს ზრდის. მრავალწლიანი დაკვირვება მათ 949 პაციენტზე აწარმოეს. კვლევის საწყის ეტაპზე არც ერთ პირს არ აღენიშნებოდა დემენციის სიმპტომები, თუმცა, 125 მათგანი (13 %) მძიმე დეპრესიით იყო შეპყრობილი.
ექსპერიმენტის ბოლოსკენ საკვლევ პირთა საშუალო ასაკი 79 წელს შეადგენდა. 164-ს ჭკუასუსტობა ჰქონდა დიაგნოსტირებული, ხოლო 136-ს -ალცჰაიმერის დაავადება. დემენცია აღენიშნა იმ პაციენტთა 22 %-ს, რომლებსაც კვლევის დასაწყისში დეპრესია ჰქონდა და არადეპრესიული ნაწილის 17 %-ს.
მეცნიერთა ანალიზით დეპრესიულმა მდგომარეობამ 70 %-ით გაზარდა დემენციის განვითარების რისკი. შედეგებზე გავლენა არ მოახდინა ისეთმა ფაქტორებმა, როგორებიცაა ასაკი, სქესი, განათლება, ალცჰაიმერის დაავადებასთან დაკავშირებული APOE გენის არსებობა და სხვ.
“რა თქმა უნდა, ჯერ ძალიან ნაადრევია იმაზე საუბარი, რომ დეპრესია საბოლოოდ დემენციას განაპირობებს, თუმცა, შეიძლება რამდენიმე პროცესის გამოყოფა, რომელიც ხელს უწყობს დემენციის განვითარებას. მაგალითად, დეპრესიის დროს ტვინის ქსოვილში ვითარდება ანთება, იზრდება გარკვეული ცილების კონცენტრაცია, ყოველივე ეს კი ხელს უწყობს ჭკუასუსტობის აღმოცენებას. Gგარდა ამისა, ხანგრძლივი დეპრესია აისახება ცხოვრების წესზეც, იცვლება დიეტისადმი, სოციალიზაციისადმი და ფიზიკური აქტივობისადმი პიროვნების დამოკიდებულება, რაც თავისთავად ზრდის დემენციის რისკს”, - აცხადებს კვლევის ავტორი ჯეინ საჩინსკი.
თინათინ გოცაძე