ზოგიერთი გენები სიკვდილის შემდეგაც განაგრძობს მუშაობას
ბიოლოგებმა გააანალიზეს დონორთა სიკვდილის შემდეგ 24 საათში აღებულ ქსოვილთა ნიმუშები, დაადგინეს მატრიცული რნმ-ის ნუკლეოტიდური თანმიმდევრობა - აქტიურ გენთა პროდუქტები. მონაცემებს სიკვდილის დადგომამდე აღებული სისხლის ნიმუშების შესწავლის შედეგებს ადარებდნენ. აღმოჩნდა, რომ ზოგიეთი გენები პიროვნების სიკვდილის შემდეგაც განაგრძობდა მუშაობას, ამასთან, მათი ნაწილი აქტიურდებოდა გულის გაჩერების შემდეგ.
მეცნიერთა ვარაუდით, ამ გზით უჯრედი რეაგირებს ჟანგბადის ნაკლებობაზე, რომელიც სისხლის ნაკადის შეწყვეტასთან არის დაკავშირებული, თუმცა, საინტერესო მოვლენის ზუსტი მიზეზები ჯერ კიდევ უცნობია. მკვლევარები იმასაც აღნიშნავენ, რომ მათი მუშაობის შედეგები საშუალებას მისცემს სპეციალისტებს, შეიმუშაონ ახალი მეთოდები რნმ-ის დონეების მიხედვით ადამიანის სიკვდილიდან გასული დროის განსზაღვრისთვის.
თინათინ გოცაძე