ექსპერტები აღშფოთებულნი არიან -შიდსის ვირუსი პოზიციებს არ თმობს
ვაშინგტონის ჯანდაცვის შეფასებისა და მაჩვენებლების ინსტიტუტის ექსპერტი ჰაიდონ ვანგი აცხადებს, რომ სიტუაცია შესაძლოა კიდევ უფრო გაუარესდეს შესაბამისი სამედიცინო პროგრამების არასაკმარისი დაფინანსების გამო.
ხოლო დასახელებული ინსტიტუტის დირექტორის,ქრისტეფორ მიურეის რჩევაა, საერთაშორისო სააგენტოებმა და ქვეყნების მთავრობებმა ძალისხმევა და დაფინანსება (ყოველწლიურად 36 მილიარდი დოლარის შესაბამისი) არ უნდა დაიშურონ იმისთვის, რომ მოხერხდეს კაცობრიობის ერთ-ერთი მთავარი მიზნის მიწევა - 2030 წლისთვის შევაჩეროთ შიდსი!
სადღეისოდ მსოფლიოში 38,8 მილიონი ადამიანია აივ-ინფექციით დაინფიცირებული. შედარებისთვის, 2000 წელს ეს მაჩვენებელი 28 მილიონი იყო.სამაგიეროდ ბოლო ათწლეულის განმავლობაში აღნიშნული პათოლოგიით გამოწვეული სიკვდილიანობა 1,8–დან 1,2 მილიონამდე შემცირდა. ეს, თავის მხრივ, ანტირეტროვირუსული თერაპიის გამოყენების შედეგია.
თინათინ გოცაძე