რუბრიკები
ოჯახის მკურნალიs ანონსი
კითხვა-პასუხი
კისრის ოსტეოქონდროზი

ხერხემლის ოსტეოქონდროზი დაავადებაა, რომელსაც ამერიკელმა პროფესორმა ჯ. ჰუიტმა ზურგში ჩასახლებული ჭინკა უწოდა. ადამიანთა მოდგმა ამ დაავადებით მრავალი საუკუნეა იტანჯება. ამის დასტურია ხერხემლის დამახასიათებელი ცვლილებები, რომლებიც ფარაონთა მუმიებსა და რომაელი პატრიციუსების ნეშტებს აღმოაჩნდათ.
ურბანიზაციის, მცირე ფიზიკური აქტივობის, კვების არასათანადო რეჟიმისა და ხარისხის, ეკოლოგიური პირობების გაუარესების გამო

 

 

ხერხემლის ოსტეოქონდროზი დღეს დედამიწის მოსახლეობის 80%-ს აწუხებს. ქალებს ეს დაავადება უფრო ხშირად ემართებათ, მაგრამ გამწვავება უმთავრესად მამაკაცების ხვედრია. ოპერაციული ჩარევაც მათ უფრო ხშირად სჭირდებათ. ოსტეოქონდროზი ხერხემლის დისტროფიული დაავადებაა. ყველაზე ადრე მალათაშუა დისკები ზიანდება, დეფორმირდება და

აშრევდება. განსაკუთრებით სათუთია ხერხემლის კისრის ნაწილი. სწორედ აქ მდებარეობს საძილე და ხერხემლის არტერიები, რომლებიც თავის ტვინს სისხლით ამარაგებს. აქვეა ფარისებრი ჯირკვალი, სასულე. კისერი იჭერს თავს.

ხერხემლის კისრის ნაწილის ოსტეოქონდროზი სიმპტომების მრავალფეროვნებით გამოირჩევა, რაც ხერხემლის ამ მონაკვეთის თავისებური ანატომიური აგებულების ბრალია. ჯერ ერთი, კისრის არეში გადის უამრავი

შეკითხვა ექიმს
- გამარჯობათ, დღეს მქონდა სექსუალური კავშირი , პრეზერვატივით ვიცავდით თავს, პრეზერვატივი ზომით ცოტა პატარა აღმოჩნდა და ასოს მთლიანად არ ფარავდა, ცოთახნის მერე პრეზერვატივი ვეღარ ვნახეთ. ყველგან ვეძებეთ, დიდი ალბათობით საშოში ჩარჩა. ხელით ვცადე გამოღება თუმცა ვერ მოვახერხე, ისიც ვერ გავარკვიე შიგნით მაქვს თუარა. ხვალ ვაპირებ გინეკოლოგთან მისვლლას. თუშეგიძლიათ მითხრათ პრეზერვატივის გამოსაღებათ რა სახის პროცედურები იქნება საჭირო, მტკივნეულია თუარა, ქირურგიული ჩარევა დასჭირდება თუარა და ასე შემდეგ. ასევე მაინტერესებს ეგ პროცედურა დაახლოებით რა ჯდება და თუშეგიძლიათ მირჩიოთ რომელ კლინიკას მივმართო. ვარ სრულიად გამოიცდელი 20 წლის და დაახლოებით ერთი თვეა რაც დავკარგე ქალიშვილობა. ძალიან ვნერვიულობ მომხდარზე და თქვენი რჩევები ძალიან მჭირდება.
სისხლძარღვი და ნერვი, რომლებიც კვებავს და აინერვირებს კისრის, თავის ქალას და სახის ქსოვილებს. მეორე მნიშვნელოვანი ფაქტორი ის არის, რომ კისრის არეში მალები მჭიდროდ ეკვრის ერთმანეთს, ამიტომ ხერხემლის ნებისმიერი, თუნდაც მცირე პათოლოგიური ცვლილება ან მომატებული დატვირთვა მთელი ნაწილის ფუნქციის მოშლას იწვევს.

კისრის ოსტეოქონდროზის დროს თავს იჩენს უსიამოვნო შეგრძნება ხელის არეში, რომელიც მხარს, წინამხარსა და თითებს გადაეცემა. ამ მიდამოში ჩნდება ჩხვლეტის შეგრძნება, ზოგჯერ იმატებს ან მცირდება მგრძნობელობა, რის გამოც ადამიანს ღამით გაღვიძება და ხელის კუნთების დაზელა უხდება. ზოგჯერ ტკივილი მწვავეა და თან სდევს დენის დარტყმის შეგრძნება. არცთუ იშვიათად ტკივილს ხელის მინიმალური დატვირთვაც აძლიერებს. ზოგიერთს პალტოს ჩაცმაც კი არ შეუძლია, რადგან ის უსაშველოდ მძიმე ეჩვენება.

ტკივილი ძლიერდება ხველებისას, ცემინებისას, გაჭინთვისას, ყველაზე მეტად - ჯანსაღ მხარეს გადახრისას. მოსალოდნელია მოძრაობის (განსაკუთრებით - ხელის მტევნებისა და თითების მოძრაობის) დარღვევა. როგორც წესი, ზიანდება ხერხემლის კისრის ნაწილის ქვედა 2-3 ფესვი. ზოგჯერ ყოველივე ამას ერთვის ენის, ხელების ან ფეხების დაბუჟება, ქავილი, ჩხვლეტა, ქვედა ან ზედა კიდურთა მოძრაობის შეზღუდვა, მგრძნობელობის დარღვევა. კისრის შაკიკის განვითარება ხერხემლის არტერიის დაზიანებაზე მიუთითებს. ირღვევა თავის ტვინის ნათხემის, ღეროსა და კეფის ნაწილების სისხლის მიმოქცევა. მუდმივი სიმპტომია თავის ტკივილი. ის, ჩვეულებრივ, კეფის არეში აღმოცენდება და თხემ-საფეთქლის მიდამოს გადაეცემა. ტკივილი მუდმივია. ძლიერდება კისრის მოძრაობისას, უმეტესად - დილაობით, ან ერთსა და იმავე მდგომარეობაში დიდხანს ყოფნის (მაგალითად, ტელევიზორის ყურების, მაგარ და მაღალ სასთუმალზე ძილის) შემდეგ. ეს მოვლენები შეიძლება იყოს ცალმხრივიც და ორმხრივად სიმეტრიულიც.

ხანში შესული ადამიანები ხშირად კარგავენ გონებას თავის მკვეთრი მობრუნებისას, რასაც წინ უძღვის თავბრუხვევა, ყურების შუილი, მხედველობისა და სმენის სიმახვილის დაქვეითება, გულისრევა, ღებინება. ერთ-ერთი ხშირი სიმპტომია გულმკერდის მარცხენა ნახევრისა და მარცხენა ხელის ტკივილი. ზოგჯერ ტკივილის შეგრძნება გულის არეშიც აღმოცენდება. ის შეიძლება იყოს ხანგრძლივი, მბურღავი და სტენოკარდიას წააგავდეს. დიფერენცირებისთვის გამოგადგებათ იმის ცოდნა, რომ ოსტეოქონდროზით გამოწვეული ტკივილი ნიტროგლიცერინის მიღების შემდეგ არ გაივლის.

კისრის ოსტეოქონდროზის გართულებაა მხრის, იდაყვის, ლავიწის სახსრების ართროზი, რომელსაც თან სდევს მოძრაობის შეზღუდვა და ხელისა და მხრის ტკივილი მოძრაობისას. ხერხემლის კისრის ნაწილის ოსტეოქონდროზის დროს, განსაკუთრებით - ხანში შესულ და ხანდაზმულ ასაკში, აღინიშნება რბილი ქსოვილების გამკვრივება. გამკვრივებული ადგილები შეიმჩნევა კისრის კუნთებში, კისრის მალების მორჩების მიდამოში, სხივ-მაჯის, იდაყვის სახსრებში, ლავიწზედა და ლავიწქვეშა ფოსოებში. ასაკთან ერთად ჩნდება ხელისგულების ნაწიბუროვანი შემსხვილებები, რომლებსაც მყესების სტრუქტურის ცვლილება იწვევს.


როგორ ვუმკურნალოთ კისრის ოსტეოქონდროზს
ოსტეოქონდროზისაგან განკურნების საშუალება ჯერ კიდევ არ არსებობს, თუმცა მიზანმიმართული სამკურნალო ღონისძიებების კომპლექსი საკმაოდ შედეგიანია.
მკურნალობის დაწყების წინ აუცილებელია სათანადო გამოკვლევების ჩატარება, რათა გამოვლენილ იქნეს შინაგანი ორგანოების, შინაგანი სეკრეციის ჯირკვლებისა და ცენტრალური ნერვული სისტემის დაავადებები, რადგან ოსტეოქონდროზის მკურნალობის ზოგიერთი მეთოდი უკუნაჩვენებია მაღალი არტერიული წნევის, სისხლძარღვოვანი კრიზების, აქტიური ანთებითი პროცესის დროს.

ოსტეოქონდროზის მკურნალობისას მიზნად არ უნდა დავისახოთ ”მარილების დაშლა ან გაწოვა” - ამ დროს ხდება არა ”მარილების დაგროვება”, არამედ რეაქტიული გაძვალება, ამიტომ ბუნებრივია, ვერავითარი ღონისძიება ვერ შეძლებს ”მარილოვანი წანაზარდების” დაშლას.
ოსტეოქონდროზის მკურნალობის ზოგადი პრინციპია მოძრაობის ადეკვატური რეჟიმის დაცვა და სამკურნალო ვარჯიშების შესრულება. ამასთანავე, კისრის ოსტეოქონდროზის დროს უნდა შესრულდეს ისეთი ვარჯიშები, რომლებიც სრული უმოძრაობის პირობებში მნიშვნელოვან კუნთოვან დაძაბულობას იწვევს.

სწორედ ასეთ ვარჯიშებს (მათ იზომეტრიულ ვარჯიშებს უწოდებენ) ძალუძს კისრის კუნთოვანი ბოჭკოების გამაგრება და მიზანმიმართული წვრთნა. ასევე აუცილებელია კვების რაციონალური პრინციპის დაცვა (რაციონში ცილების, ვიტამინების შემცველობა საკმარისი უნდა იყოს. ცხარე კერძები და სპირტიანი სასმელების მიღება არ არის მიზანშეწონილი). სამკურნალო კვება მიმართულია სიმსუქნის წინააღმდეგ (საკვების ენერგეტიკული ღირებულება უნდა შემცირდეს ცხიმების, ადვილად ასათვისებელი ნახშირწყლების შემცირების ხარჯზე; სასარგებლოა განტვირთვის დიეტები).



თარიღი : 09-11-2017
Taki
Gamarjobat.xerxemlis areshi vgrznob dabrushebas da risfan sheizleba iyos gamowveuli.
თარიღი : 10-08-2016
gurami 33wlis
გამარჯობატ.ყველა ეს სიმპტომი მაწუხებს.ყველანაირი მქურნალობა ჩავიტარე მაგრამ უშედეგოდ.გთხოვტ მირჩიოთ რაიმე.გმადლობთ
თარიღი : 16-06-2016
შოთა
ყველა ეგ სიმტომი მაწუხებს და 37 სიცხეც მაქვს სიცხის სხვა მეთოდი ვეძებო თუ ტკივილისგან არის შესაძლებელი რომ იყოს გამოწვეული?
თარიღი : 28-05-2016
ნანიკო
მაწუხებს მარცხენა მკლავი.ძვლები სულ მიტკაცუნებს, მაგრამ ისაა ცუდი რომ ამ ვარჯიშების კეთება ძალიან მიჭირს, აუტანელი ტკივილები მაქვს და მეხსიერებაც ძალიან დამიქვეითდა,თავბრუსხვევა მაქვს და კისერში დაჭიმულობა..ხელებიც მენასკვება მაინტერესებს როგორ მივეხმარო ჩემს თავს
თარიღი : 18-04-2016
იამზე
კისრის მიდამოშოში მაქვს შგრძნება თითქოს რაღაც მაქვს შეშუპებული და არცთუ იშვითად არასასიამოვნო შგრძნებას მიტოვებს არ ვიცი ეს ოსტეოქონდროზია.
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
საქართველოს ტექნიკური უნივერსიტეტის აგრარული მეცნიერებისა და ბიოსისტემების ინჟინერინგის ფაკულტეტმა და ბიოტექნოლოგიების ცენტრმა აზიური ფაროსანას
საქართველოს პრეზიდენტის მეორე ვაჟი თომა მარგველაშვილი და პირველი ლედი ღუდუშაურის კლინიკაში რჩებიან
შეკითხვა ფსიქოლოგს - საღამოს, როცა სააბაზანოში მყოფ მეუღლეს ელოდები ლოგინში ჩაწოლილი
ამ კატეგორიის სხვა სტატიები
რაც უფრო მეტია გა­მრუდების რკალი და გა­მრუდების კუთხე, მით უფრო რთულია მდგომარეობა. იდიოპათიური სკოლიოზი სკოლიოზის განსაკუთრებით საშიში ფორმაა.
კორნელის უნივერსიტეტის თანამშრომლები გვაფრთხილებენ, რომ ბისფოსფონატებს (ძვლების გამამაგრებელი წამლები) უკუეფექტი შეიძლება
სადღეისოდ უამრავ ადამიანს აქვს საოფისე სამუშაო და შესაბამისად, კომპიუტერთან ხანგრძლივად ჯდომა უწევთ. მონიტორის წინ ზოგჯერ მთელ დღეს ვატარებთ და არც კი ვეჭვობთ, რომ ეს ნანატრი სამსახური, შესაძლოა, ძალიან ძვირად, ჯანმრთელობის ფასადაც კი დაგვიჯდეს.

ოსტეოპოროზი - ეს სიტყვა სულ უფრო ხშირად გვესმის
წელის ტკივილის გამომწვევ მიზეზებსა და პრობლემის გადაჭრის გზებზე გვესაუბრება სამედიცინო ცენტრ “ალმედისა” და “ავერსის” კლინიკის ექიმი-ნევროლოგი ნანი მანაგაძე.

სამწუხაროდ, ცივილიზაციის განვითარებამ, ტექნიკურმა პროგრესმა ბევრი დაავადების გაღრმავება და გავრცელება გამოიწვია. საზოგადოდ, “კომპიუტერიზაციამ”, საოფისე სამსახურმა, მობილური მოწყობილობებით გატაცებამ და საუკუნის სხვა მანკიერებებმა სულ უფრო მეტად დაამკვიდრეს ცხოვრების უმოძრაო წესი (ჰიპოდინამია) ამ უკანასკნელს კი ბევრი პათოლოგია და პრობლემა სდევს თან.

16 იანვარი 2018
საბავშო ბაღებში ჩუტყვავილას შემთხვევების რაოდენობამ იმატა. დაავადებათა კონტროლის ეროვნულ ცენტრში ამბობენ,
17 იანვარი 2018
საქართველოში 29 ათას 222 დოზა მოხმარებიდან ამოსაღები ვაქცინა გაიხარჯა,-ამის საფუძველზე სახელმწიფო აუდიტის სამსახური
გრიპისა და ვირუსული ინფექციების შემდეგ ხშირად მრჩება ჰაიმორიტი, რომელსაც პროპოლისის ნაყენით ვუმკლავდები, - გვწერს
კოლუმბიის უნივერსიტეტის მეცნიერების დასკვინით, ადამიანებს, რომლებიც სამსახურის გამო,
ავადმყოფობის დრ­ოს ბავშვები ხშირად კარგავენ მადას. თუმცა