რუბრიკები
ოჯახის მკურნალიs ანონსი
დაუსვით კითხვა ექიმს
ონლაინ
სტანდარტული / უფასო
  • პასუხი 10 დღეში
  • საჯარო შეკითხვა
პასუხი 3 საათში / 5 ლარი
  • პასუხი max 3 საათში
  • ფოტოს ატვირთვა
  • კონფიდენციალურობა
  • SMS შეტყობინება
პაკეტი / 15 ლარი
  • 5 კითხვის ლიმიტი
  • პასუხი max 3 საათში
  • ფოტოს ატვირთვა
  • კონფიდენციალურობა
  • SMS შეტყობინება
  • ვადა სამი თვე
კითხვა–პასუხი - ფიტნესი და სპორტი
კატეგორია - ფიტნესი და სპორტი
02-06-2010
- აი, ვფიქრობ და ვერ გამიგია, თქვენ რომ არ იყოთ, რა მეშველებოდა?! ძალიან მეხმარებით, რისთვისაც უღრმესი მადლობა. ახლა რაც შეეხება კითხვას - საქმე იმაშია, რომ მაქვს ე.წ. ქალური ფორმები, ანუ ქვიშის საათის თუ ვიოლინოს მსგავსი სილუეტი (ზუსტად არ ვიცი, როგორ ქვია) მე კი არ მომწონს, უფრო სწორად, მინდა ცოტა ფეხები გავახდუნო, მაგრამ ვარჯიშის შედეგად კუნთოვანმა მასამ მოიმატა და ჩემს ძველ ქვედა ტანებშიც კი ვეღარ ვარ კომფორტულად. ძალიან გთხოვთ მიპასუხოთ, ვარჯიშის დაწყებიდან დაახლოებით რამდენ ხანში იწყებს სხეული ფორმირებას და რამე ეფექტურ ვარჯიშებს ხომ ვერ მირჩევდით?
პასუხი
- ვარჯიშის (თუ კუნთები ძალიან იტვირთება) შემდეგ კუნთოვანი მასა მოიმატებს, მაგრამ ხდება ცხიმების დაწვა. თქვენ ალბათ თეძოებისა და ბარძაყების გახდომა გსურთ... ქალისთვის თეძოები მეტად პრობლემური ადგილია. ჩვენ გთავაზობთ ვარჯიშების კომპლექსს, რომელიც ყოვლდღიურად უნდა შეასრულოთ 1-2 თვის განმავლობაში.
1. ნახევრად ხიდი. დაწექით ზურგზე, ხელები დააწყვეთ ტანის გასწვრივ, ხელისგულები ძლიერად  მიაჭირეთ  თეძოებს. ერთ დათვლაზე აწიეთ  მუხლები მაღლა, ისე რომ ტერფები არ მოაშოროთ იატაკს, ”ორზე”  წამოწიეთ მენჯი მაღლა, ამ დროს დაეყრდენით თავითა და ტერფებით იატაკს. ”სამზე” დაწიეთ მენჯი, ”ოთხზე” გაასწორეთ ფეხები. ვარჯიშის შესრულების დროს უნდა ისუნთქოთ თავისუფლად. ვარჯიში გაიმეორეთ 10-15-ჯერ.
2. რამდენიმე დღის შემდეგ გაართულეთ ეს ვარჯიში. დაწექით ზურგზე, ფეხები დააწყვეთ სკამის კიდეზე, ხელები დააწყვეთ ტანის გასწვრივ, ხელისგულები  იატაკს ეხებოდეს. ერთ დათვლაზე წამოწიეთ ტეძოები და მენჯი, დაჭიმეთ დუნდულა კუნთები და თავითა და ფეხის თითების წვერებით დაეყრდენით იატაკს. ხელები იატაკზე უნდა გედოთ. ”ორზე” გაჩერდით ამ პოზიციაში, ”სამზე” დაწიეთ თეძოები, ”ოთხზე” გაასწორეთ ფეხები. ვარჯიში გაიმეორეთ 10-15-ჯერ.
3. ხელებზე დაყრდნობა. დაჯექით იატაკზე, ფეხები შეატყუპეთ, თავი აწიეთ, ზურგი გამართეთ. გააკეთეთ მკვეთრი ბრუნი მარცხნივ, მუხლები ოდნავ მოხარეთ და ხელებით დაეყრდენით იატაკს, ფეხებით გააკეთეთ ვერტიკალური ”მაკრატელი” (ანუ მონცვლეობით ამოძრავეთ ფეხები ზემოთ-ქვემით). შემდეგ იგივე ვარჯიში შეასრულეთ მარჯვენა მხარეს. თითოეულ მხარეს შეასრულეთ 5-10 ვარჯიში. ვარჯიშის შესრულების პროცესში ისუნთქეთ თავისუფლად. თავდაპირველად ვარჯიში მოგეჩვენებათ რთული, ამიტომ შეასრულეთ იგი ნელა.
4. დაწექით მუცელზე, თავი გადაწიეთ უკან, ნიკაპით დაეყრდენით იატაკს, ხელები დადეთ ტანის გასწვრივ. ერთის დათვლაზე აწიეთ ხელები (შეკარით მუშტი, იდაყვები გაშალეთ) და მუხლში გაშლილი მარჯვენა ფეხი მაღლა. ამ მომენტში ჩაისუნთქეთ. ”ორზე” დაწიეთ ხელები და ფეხი იატაკზე. ”სამზე” აწიეთ ხელები და მარცხენა ფეხი მაღლა, თან ჩაისუნთქეთ. ”ოთხზე” დაწიეთ ხელები და ფეხი და ამოისუნთქეთ.  ყოველი ვარჯიში 5-10-ჯერ გაიმეორეთ. ნიკაპი ვარჯიშის შესრულების დროს სულ იატაკს უნდა ეხებოდეს. რამდენიმე დღის შემდეგ შეგიძლიათ სცადოთ ორივე ფხის ერთდოულად აწევა.
5. დაწექით მარჯვენა გვერდზე, მარჯვენა ხელი მოხარეთ იდაყვში 90 გრადუსით, ხელისგულები ქვევით, მარცხენა ხელის გულით დაეყრდენით იატაკს წელის რკალის გასწვრივ. ენერგიულად მოაშორეთ იატაკს თეძოები (დაეყრდენით ხელებზე), ამ დროს ტანი და ფეხები ერთ ხაზზე უნდა იყოს გასწორებული, შემდეგ დაწიეთ თეძოები და დაწექით მარცხენა გვერდზე და გაიმეორეთ იგივე ვარჯიში. ვარჯიში გაიმეორეთ 10-10-ჯერ
6. ფეხის წვერებზე სიარული. აიწიეთ ფეხის წვერებზე და იარეთ ისე, რომ ფეხები მუხლებში არ მოხაროთ და თან თეძოები დაჭიმეთ (დაძაბეთ). გააკეთეთ 50-80 ნაბიჯი.
7. დაჯექით იატაკზე, მოხარეთ ფეხები მუხლებში და მიწიეთ ტერფები  თეძოებთან მაქსიმალურად ახლოს. ხელისგულებით უკანა მხრიდან დაეყრდენით იატაკს. ამ მდგომარეობაში ნელ-ნელა მოაბრუნეთ მუხლები მარჯვნივ და მარცხნივ, შეეცადეთ იატაკზე შეხება. გაიმეორეთ ვარჯიში 10-12-ჯერ.
8. დადექით მარცხენა გვერდით სკამის ზურგთან (ახლოს), მოკიდეთ  სკამს მარცხენა ხელი, ეს ვარჯიშის შესრულებას გაგიადვილებთ. მარჯვენა ფეხი ძლიერად გაიქნიეთ წინ, ზემოთ, მარცხნივ. გაიმეორეთ ვარჯიში 10-ჯერ. შემდეგ მეორე გვერდიდან დადექით სკამთან და გაიმეორეთ იგივე ვარჯიში მარცხენა ფეხით.
გარდა ამისა გირჩვეთ http://www.biogimnastika.ru/ex3.htm საიტზე იხილოთ თქვენთვის საინტერესო ვარჯიშები.
კომენტარები
დაამატეთ კომენტარი
მსგავსი კითხვები
ხშირად ადამიანები რეალობისან შორს არსებულ მოვლენებზე შფოთავენ. მიჩიგანის უნივერსიტეტში დაამტკიცეს, რომ თუ ქაღალდზე ჩამოვწერთ შფოთვის გამომწვევი საგნებისა თუ მოვლენების სიას, შეიძლება სტრესისა და შფოთვის დონის დაქვეითება.
დემოგრაფიული უსაფრთხოების საზოგადოების დირექტორი, ირინა მედვედევა საზოგადოებაში მიმდინარე ცვლილებებს და კონკრეტული საკითხისადმი ახალგაზრდების დამოკიდებულებებს სამედიცინო შეფასებას აძლევს და ქცევის გარკვეულ მომენტებს შიზოფრენიასთან აკავშირებს.
სამედიცინო ჟურნალში Pediatrics გამოქვეყნდა ამერიკელ მეცნიერთა, კერძოდ, სენტ ლუისში არსებული ვაშინგტონის უნივერსიტეტის მკვლევართა დასკვნა, ქათმის კვერცხის სასარგებლო თვისებებზე. როგორც სტატიაშია აღნიშნული, ქათმის კვერცხს განსაკუთრებული მნიშვნელობა აქვს მოზარდი ორგანიზმისათვის.
05 სექტემბერი 2017
ამერიკელ ექსპერტთა განმარტებით, ინტერნეტდამოკიდებულება მჭიდრო კავშირშია გაღიზიანებადობასთან, განგაშისა და შფოთვის სინდრომთან, აკვიატებულ ფიქრებსა და ქცევებთან. გარდა ამისა, ის უარყოფითად აისახება ადამიანის ჯანმრთელობის მდგომარეობასა და ადამიანებთან ურთიერთობაზე.
07 აგვისტო 2017
ამბობენ, რომ პარტნიორის შერჩევისას ქალსა და მამაკაცს შორის ის განსხვავებაა, რომ, როგორც წესი, ქალი უფრო რაციონალური, მოხერხებული და გარკვეულ საკითხებში ცბიერიც არის მამაკაცთან შედარებით. თუმცა ზოგიერთ შემთხვევაში შეიძლება პირიქითაც მოხდეს, მაგრამ მაინც იშვიათად...

მეცნიერებმა აღმოაჩინეს, რომ ღამის ცვლაში მუშაობა ცირკადული რითმების მარეგულირებელი ჰორმონ მელატონინის გამომუშავებას თრგუნავს. ამის გამო ირღვევა თავისუფალი რადიკალებით დაზიანებული დნმ-ის რეპარაციის პროცესი და იზრდება კიბოს მაპროვოცირებელი მუტაციის წარმოქმნის რისკი.
ამერიკელი მედიკოსების განცხადებით, საღეჭი რეზინის (კევის) წყალობით შესაძლოა ბევრ პაციენტს ეშველოს, მაგალითად, მათ, ვისაც მუცლის ღრუს ოპერაცია ჩაუტარდათ, ასევე, ქალბატონებს, რომლებსაც საკეისრო კვეთა გაუკეთდათ.
ბევრი ცუდ მეხსიერებას პრობლემად მიიჩნევს, თუმცა გულმავიწყობასაც აქვს თავისი პლუსები. მეცნიერების აზრით, მეხსიერების ფუნქცია ყველაფრის კი არა, მხოლოდ ფასეული ინფორმაციის შენახვაა. ამიტომ რაღაცის დავიწყება უბრალოდ აუცილებელია.