ჯანმოს გენერალურმა დირექტორმა G20 ლიდერები საშიში გლობალური პანდემიის შესახებ გააფრთხილა
როგორც ტედროს ადანომ გებრეიესუსმა აღნიშნა, ვირუსებს საზღვრები ვერ აკავებს და მსოფლიო მასშტაბის პანდემიამ შეიძლება ნებისმიერ მომენტში, ნებისმიერ ადგილზე იფეთქოს. რეგულარული ავიაშეტყობინებების პირობებში, ნებისმიერი ახალი ვირუსის გავრცელება რამოდენიმე საათში შეიძლება მოხდეს. ამით გამოწვეულმა ეპიდემიამ კი, მრავალი ადამიანის დაღუპვა გამოიწვიოს და მსოფლიო ეკონომიკას ტრილიონობით დოლარის ზარალი მიადგეს.
ჯანდაცვის მსოფლიო ორგანიზაციის ხელძღვანელმა „ოცეულის“ წევრი სახელმწიფოების მეთაურებს, მსოფლიოში ჯანდაცვის გაუმჯობესების მხარდაჭერისკენ მოუწოდა. მისი განცხადებით, დღეისათვის პლანეტის 400 მილიონზე მეტ ადამიანს სამედიცინო დახმარების მიღების საშუალება არ აქვს.
ეპიდემიისგან თავდაცვის საუკეთესო საშუალება ჯანდაცვის ძლიერი სისტემების შექმნაა, რაც უმნიშვენლოვანესია ნებისმიერი ქვეყნის მდგრადი განვითარებისთვის.
ლალი ჩხიკვაძე