ამირან გამყრელიძე - გრიპის ვირუსი არ ცირკულირებს ქვეყანაში, მაგრამ არის გრიპის მსგავსი ვირუსები, რომლებიც იწვევენ სხვადასხვა რესპირატორულ დაავადებებს
მისი განმარტებით, გრიპისა და მისი მსგავსი სხვა ვირუსებისგან თავის დასაცავად რეკომენდებულია გრიპის საწინააღმდეგო აცრის ჩატარება.
„დავადებათა კონტროლის ცენტრს გრიპის ვირუსზე მეთვალყურეობის სერიოზული ქსელი აქვს. ჯერჯერობით, გრიპის ვირუსი არ ცირკულირებს ქვეყანაში, მაგრამ არის გრიპის მსგავსი ვირუსები, რომლებიც იწვევს სხვადასხვა რესპირატორულ დაავადებებს. იმისთვის, რომ მოსახლეობა იყოს უკეთესად დაცული, ჩვენი რეკომენდაციაა, გრიპის საწინააღმდეგო აცრა ჩაიტარონ“, - განაცხადა ამირან გამყრელიძემ დღეს გამართულ პრესკონფერენციაზე.
მისივე თქმით, 15 ოქტომბერი ხელების დაბანის საერთაშორისო დღეა და მისი რეკომენდაციაა, გრიპის ვირუსისგან დასაცავად, განსაკუთრებით ბავშვებმა, ხელები ხშირად დაიბანონ.