საქართველოს ზოგიერთ რაიონში დღეს იწვიმებს
გარემოს ეროვნული სააგენტოს ინფორმაციით, 24 - 25 ოქტომბერს დასავლეთ საქართველოში თბილი და უნალექო ამინდია მოსალოდნელი, ჰაერის ტემპერატურა +23, +28 გრადუსამდე მოიმატებს. აღმოსავლეთ საქართველოში 24 ოქტომბერს ზოგან წვიმა და ნისლია მოსალოდნელი, ჰაერის ტემპერატურა +14, +19 გრადუსამდე დაიკლებს, ხოლო 25 ოქტომბერს +20, +25 გრადუსამდე დათბება.
26 – 27 ოქტომბერს საქართველოში (ძირითადად ქვეყნის დასავლეთ ნაწილში) დროგამოშვებით იწვიმებს. 28 ოქტომბერს გამოიდარებს, 29 ოქტომბრიდან კი ისევ ნალექიანი ამინდია მოსალოდნელი.