ექიმი - დაჭრილი სპეცრაზმელის მდგომარეობა კრიტიკულია, მიმდინარეობს სასიცოცხლო ფუნქციების ხელოვნურად ჩანაცვლება
ხელმძღვანელმა, ექიმ- რეანიმატოლოგმა კონსტანტინე მუმლაძემ ჟურნალისტებს განუცხადა. მისი თქმით, მიმდინარეობს სასიცოცხლო ფუნქციების ხელოვნური ჩანაცვლება.
„პაციენტი მოყვანილია სასწრაფო დახმარების ბრიგადის მიერ შემთხვევის ადგილიდან. შემოსვლისას მდგომარეობა იყო კრიტიკული, ქალა-ტვინის მძიმე ტრავმა, ქალას სარქვლის ძვლების მრავლობითი მოტეხილობითა და დაზიანებით, სისხლდენით. პაციენტი შეყვანილი იქნა საოპერაციოში. ამჟამად მდგომარეობა კრიტიკული რჩება. მიმდინარეობს სასიცოცხლო ფუნქციების ხელოვნური ჩანაცვლება“, - განაცხადა კონსტანტინე მუმლაძემ.
ექიმის ინფორმაციით, პაციენტს ჩაუტარდა ქირურგიული ოპერაცია. მდგომარეობა რჩება მძიმე, კრიტიკული.
ბერი გაბრიელ სალოსის გამზირზე სპეცოპერაცია უკვე რამდენიმე საათია მიმდინარეობს. პერიოდულად ისმის სროლის ხმა. ადგილზე ისევ მობილიზებული არიან სპეცრაზმელები, ასევე სამართალდამცავი სტრუქტურების სხვადასხვა ქვედანაყოფები.
ადგილზე რჩება სპეცტექნიკაც და ბინიდან, სადაც სავარაუდოდ ტერორიზმში ეჭვმიტანილი პირები იმყოფებიან, კვლავ ძლიერი კვამლი გამოდის. სავარაუდოდ მიმდინარეობს შტურმი.