ახალი რეალითი შოუ - მშობიარობა ბუნებაში გინეკოლოგების გარეშე
გამოცდილებას დიდი მნიშვნელობა აქვს.
ამერიკულ ტელეარხ Lifetime-ზე ახალი რეალითი შოუს ანონსს დიდი გამოხმაურება მოჰყვა. რეალითი შოუში ახალგაზრდა მშობლებს იწვევენ - ორსულებს უარის თქმა მოუწევთ არა მხოლოდ საავადმყოფოზე, არამედ თავშესაფარზეც კი.
"დაბადება ველურ ბუნებაში" - ასე ქვია შოუს. მშობიარეები სამშობიარო ბლოკის ნაცვლად, პირდაპირ ბუნებაში იმშობიარებენ - გარშემო არ იქნება არც ექიმი და არც თანამედროვე ინვენტარი. ადამიანები, რომლებიც შოუს უარყოფითად აფასებენ, აცხადებენ, რომ ეს ძალიან სახიფათო და საშიში მოდაა და ბევრი დედისა და ახალშობილის ჯანმრთელობას საფრთხეში ჩააგდებს. თუმცა, კრიტიკის მიუხედავად, შოუს პროდიუსერები ირწმუნებიან, რომ მშობიარეცა და ახალშობილიც უსაფრთხოდ იქნებიან.
ამასთან, შოუში მონაწილეობის უფლება არ ექნება მშობიარეს, რომელიც პირველ შვილს ელოდება, ისინი "სტაჟიან" ოსრულებს ელიან.