ექიმების მოთხოვნით, გიორგი მახარაძე ისევ თურქეთში გაემგზავრა
ინფორმაცია ამის თაობაზე სოციალურ ქსელში მისმა ნათესავმა, რეჟისორმა მარიკა ქაცარავამ გაავრცელა.
შეგახსენებთ, რომ გიორგი მახარაძეს რამდენიმე თვის წინ სიმსივნის დიაგნოზი დაუსვეს. მას თურქმა ექიმებმა ქიმიოთერაპიის კურსი დაუნიშნეს.
მარიკა ქაცარავამ "რეიტინგთან" საუბრისას განაცხადა: "გიორგიმ ქიმიოთერაპიის ორი კურსი ჩაიტარა. თურქი ექიმების მოთხოვნით, ქიმიოთერაპიის კურსის დასრულების შემდეგ ის ისევ გაემგზავრა "აჩიბადემის" კლინიკაში.
თურქი ექიმები პირადად ნახავენ, რა შედეგი გამოიღო ქიმიოთერაპიამ და როგორ მიდის მკურნალობა".