ქალი ნიკოტინდამოკიდებულებას უფრო რთულად უმკლავდება
მოწევისას, ნიკოტინი უპირატესად ფილტვებში ხვდება. მაგრამ ნიკოტინის პლასტირის ან საღეჭი თუთუნის გამოყენებისას, ნიკოტინი კუჭნაწლავის ტრაქტში ხვდება.
13 კვირის განმავლობაში მეცნიერები თაგვებს აძლევდნენ ნიკოტინიან წყალს და ახდენდნენ ცხოველების განავლის ნიმუშების ანალიზს, აკვირდებოდნენ მათი ნაწლავის მიკროფლორის შემადგენლობას. ნიმუშებს ჰყოფდნენ ცხოველების სქესის მიხედვით.
ნერვულ სისტემასთან და სხეულის მასასთან დაკავშირებული ნაერთების ან ბაქტერიული გენების დონე სხვადასხვანაირად იცვლებოდა მდედრებში და მამრებში. მდედრებს განსაკუთრებით უქვეითდებოდათ გლიცინის, სერინისა და ასპარაგინის მჟავის დონე, რამაც შეიძლება დაასუსტოს ნიკოტინის ადიქტიური (დამოკიდებულების გამომწვევი) ეფექტი.
მდედრებს, რომლებიც ნიკოტინს ღებულობდნენ, კუჭ-ნაწლავის ტრაქტში ჰქონდათ ნაკლები ბაქტერია Christensenellaceae. მამრებში, პირიქით, ბაქტერიების დონე მომატებული იყო, რასაც უკავშირებენ უფრო ნაკლებ სხეულის მასის ინდექსს. ამდენად მდედრები არასახარბიელო მდგომარებაში აღმოჩნდნენ.
ლალი ჩხიკვაძე