საშიში მიმი - ეს არ უნდა გააკეთოთ!
და მის მძიმე შედეგებს ჯერაც იმკის ამერიკის მოსახლეობა. მიმის შინაარსი ამგვარი იყო: "სარეცხის საშუალების - ტაიდის - დოზირებული პაკეტები ისეთი გემრიელია, რომ უნდა შევჭამოთ." ამ გაუაზრებელ ხუმრობას აყვნენ ინტერნეტმომხმარებლები და თითქმის ყოველდღიურად ვრცელდებოდა ახალ-ახალი ფოტოები, თუ თითქოსდა როგორ მიირთმევდნენ ისინი გემრიელ პაკეტებს. ვრცელდებოდა ამ პაკეტებით გამომცხვარი პიცის თუ შაურმის ფოტოებიც.
შედეგი კი ის არის, რომ იანვარში სარეცხი საშუალებით მოწამლულთა რაოდენობა უკვე 86-ია, ეს გაცილებით მეტია იმ რაოდენობაზე, რაც მთელი 2017 წლის განმავლობაში დაფიქსირდა ამერიკაში. არის მცირეწლოვანი ბავშვების გარდაცვალების რამდენიმე შემთხვევაც. საშიშროება იმდენად სერიოზულია, რომ იუთუბმა და ინსტაგრამმა აკრძალა თავიანთ გვერდებზე ასეთი ვიდეოების გავრცელება.
ქიმიური საშუალებებით მოწამვლა არის ორგანიზმის ერთ-ერთი უმძიმესი დაზიანება და ძალიან ხშირად სავალალო შედგებით მთავრდება.
ეს ისტორია კიდევ ერთი გაფრთილებაა დედებისათვის, რომ უნდა ვაკონტროლოთ, რა ინფორმაციას იღებენ ჩვენი შვილები ინტერნეტიდან, მეტად ვეკონტაქტოთ მათ და ემოციები, რომელთაც ისინი გვიზიარებენ აუცილებლად ყურადღებით მოვისმინოთ.
ნუ გავიხუმრებთ ბავშვებთან გაუაზრებლად. და კიდევ, ბავშვებისგან მოვაშოროთ ყველა ისეთი საშუალება, რომელიც პოტენციური საწამლავია!