რა უნდა გაითვალისწინონ ორსულებმა თვითმფრინავით ან სხვა ტრანსპორტით მგზავრობისას
გათვალისწინებული ორსულობის მიმდინარეობა და ორსულის ჯანმრთელობის მდგომარეობა. ამიტომ გირჩევთ, ახვიდეთ აღრიცხვაზე ქალთა კონსულტაციაში, ჩაიტაროთ ყველა გამოკვლევა და მხოლოდ ამის შემდეგ გადაწყვიტოთ კონსულტაციის ექიმთან ერთად, შეიძლება თუ არა თქვენთვის ფრენა.
მგზავრობისთვის ოპტიმალური ვადაა ორსულობის მეორე ტრიმესტრი. პირველ და ბოლო თვეებში უმჯობესია უარი თქვათ ხანგრძლივ, დამღლელ მგზავრობაზე. მგზავრობის წინ აუცილებლად კონსულტაცია გაიარეთ ექიმთან.
• თუ ორსულობა ნორმალურად მიმდინარეობს, ორსულობის 20 კვირამდე მგზავრობა შესაძლებელია ნებისმიერი ტიპის ტრანსპორტით.
• 26-28 კვირის შემდეგ მგზავრობა თვითმფრინავით სასურველი არ არის, ხოლო 36 კვირის შემდეგ კი სხვა ტიპის ტრანსპორტითაც კი.
აფრენისა და დაფრენისას ატმოსფერული წნევის მკვეთრი ცვალებადობის გამო ორსულებისთვის ფრენა არცთუ სასურველია - გულ-სისხლძარღვთა სისტემას ძლიერი დატვირთვა ადგება. თუ მაინც თვითმფრინავს ამჯობინებთ, ეცადეთ, ფრენა არ გრძელდებოდეს 3-4 საათზე მეტხანს. 28-30 კვირის შემდეგ კი, სასურველია, საერთოდ ერიდოთ ხანგრძლივ ფრენას.
სხვათა შორის, ავიაკომპანიები ჩასხდომისას ორსულებს სთხოვენ საბუთს ორსულობის ვადის შესახებ. 36 კვირიდან ფრენა ყველა ავიაკომპანიის წესებით აკრძალულია.