5 მაისი მეანის საერთაშორისო დღეა
ორ ათეულ წელზე მეტია 5 მაისი ითვლება მეანის საერთაშორისო დღედ.
ამ დღის აღნიშვნის იდეა ნიდერლანდებში 1987 წელს კონფერენციაზე გაჟღერდა მეანთა საერთაშორისო ასოციაციის მხრიდან. ოფიციალური დღესასწაულის სტატუსი ამ დღეს მხოლოდ 1992 წელს მიენიჭა და 50-ზე მეტ ქვეყანაში აღინიშნება.
მეანის დღის აღნიშვნის მიზანია მეანის სამუშაოს შესახებ მოსახლეობის ინფორმირება. ამ პროფესიის მნიშვნელობის შეფასება ძნელია, რადგანაც სწორედ მეანზე, მის გამოცდილებაზე, ცოდნასა და უნარზეა დამოკიდებული დედისა და ჩვილის ჯანმრთელობა.
მეანები ეხმარებიან ქალებს, უწევენ მშობიარეებს აუცილებელ სამედიცინო დახმარებასა და მორალურ მხარდაჭერას. გარდა მაღალი პროფესიონალიზმისა, მეანს უნდა გააჩნდეს პასუხისმგებლობა, კეთილშობილება, თანადგომის გრძნობა.
ამ დღის ფარგლებში ეწყობა შეხვედრები, კონფერენციები, სემინარები.
ლალი ჩხიკვაძე