რას უქადის მამაკაცს მჯდომარე ცხოვრების წესი - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

რას უქადის მამაკაცს მჯდომარე ცხოვრების წესი

პოტენციის დაქვეითება

კარგი პოტენციისთვის აუცილებელია, მცირე მენჯის არეში გამუდმებით ცირკულირებდეს სისხლი. ჯდომისას ირღვევა სისხლის მიმოქცევა, რამაც შესაძლოა შეგუბებითი პროცესები გამოიწვიოს, ხოლო მუდმივი ჯდომის პირობებში ანთებითი პროცესების განვითარებაც კია მოსალოდნელი. სწორედ ამიტომ არის აქტუალური პოტენციის დაქვეითების პრობლემა მჯდომარე ცხოვრების წესის დროს.

პროსტატიტი

პროსტატიტი, წინამდებარე ჯირკვლის ანთება, მამაკაცთა დაავადებაა, რადგან ეს ორგანო მხოლოდ მამაკაცს აქვს. შარდვის გაძნელება, შორისის არეში წვა, პოტენციის დაქვეითება, ორგაზმის შესუსტება, სწრაფი ეაკულაცია (სპერმის გამოყოფა) - ეს პროსტატიტის სიმპტომების არასრული ჩამონათვალია.

ხერხემლის დაავადებები

წელის არის ოსტეოქონდროზი

ოსტეოქონდროზისა და პროსტატიტის კავშირი შემთხვევითი არ არის. ხერხემლის წელის არის მწირი მოძრაობის პირობებში წარმოიშობა შეგუბებითი პროცესები, რომლებიც ვრცელდება ქვემოთ, სასქესო ორგანოებისკენ. ამიტომ არის, რომ არცთუ იშვიათად პროსტატიტი წელის არის ოსტეოქონდროზის მომდევნო ეტაპი ხდება.

სკოლიოზი

არასწორად ჯდომის შემთხვევაში სკოლიოზი მალევე იჩენს თავს. უნდა გვახსოვდეს, რომ ჯდომისას ხერხემალი უფრო მეტად იტვირთება, ვიდრე დგომისას.

შეკრულობა და ბუასილი

პროსტატიტის შედეგი შესაძლოა იყოს ქრონიკული შეკრულობა. შორს წასულ შემთხვევაში შეკრულობა შესაძლოა გართულდეს ბუასილით და ეს მდგომარეობა გაცილებით რთული სამკურნალოა.

ჭარბი წონა

ბევრი ვერც კი წარმოიდგენს, რომ ჭარბი წონა პოტენციის დაქვეითებისა და ჰორმონული ბალანსის დარღვევის მიზეზად იქცევა. საქმე ის არის, რომ ცხიმოვან ქსოვილში წარმოიქმნება ესტროგენი - ქალის სასქესო ჰორმონი, რომელიც მამაკაცის ჰორმონის, ტესტოსტერონის, საპირისპიროა. ასე რომ, ღიპი არც ისე უვნებელია და მისი მოცილება აუცილებელია.

კუნთების ტონუსის დაქვეითება

სათანადო დატვირთვის არარსებობის შემთხვევაში კუნთები ატროფირდება და კარგავს ტონუსს. განსაკუთრებით საშიშია გულის კუნთის ატროფია (გულის კუნთი მთელი ორგანიზმის ცხოველქმედებას განაგებს). დასუსტებული გულის კუნთი ხშირად იქცევა გულ-სისხლძარღვთა დაავადებების, მათ შორის - ათეროსკლეროზის, სტენოკარდიის და სხვათა, მიზეზად. ბუნებრივია, გაგიჩნდებათ კითხვა, როგორ შეამციროთ მჯდომარე ცხოვრების წესის საზიანო მოქმედება. ამისთვის საათში ერთხელ ათი წუთით შეისვენეთ და ეცადეთ, ამ ხნის განმავლობაში რაც შეიძლება მეტი იმოძრაოთ. თუ სამუშაო მაგიდიდან ადგომა შეუძლებელია,შეასრულეთ ე.წ. კეგლის ვარჯიშები: დაჭიმეთ ბოქვენ-კუდუსუნის კუნთები ისე, თითქოს ანუსს შიგნით სწევთ. ეს საუკეთესო ვარჯიშია პროსტატიტის პროფილაქტიკისთვის და კარგი პოტენციის შესანარჩუნებლად. იგი აძლიერებს სასქესო ორგანოებში სისხლის მიმოქცევას და თავიდან გვაცილებს სისხლის შეგუბების საფრთხეს. ვარჯიში უნდა შესრულდეს ყოველდღე, ერთ ჯერზე - 30-ჯერ. თუ შეძლებთ, შეასრულეთ ეს ვარჯიშებიც:

1. მენჯის ტრიალი - წრიულად აბრუნეთ მენჯი ჯერ ერთ, შემდეგ მეორე მხარეს. ეს ვარჯიში არეგულირებს მცირე მენჯის ღრუში სისხლის მიმოქცევას და ხელს უშლის შეგუბებითი პროცესების განვითარებას.

2. ბუქნები - ამ ვარჯიშს ტონუსში მოჰყავს კუნთები და აძლიერებს სისხლის მიმოქცევას სასქესო ორგანოებში.

3. ტორსის დახრა მარჯვნივ და მარცხნივ - ამ ვარჯიშს ტონუსში მოჰყავს ზურგის კუნთები და აუმჯობესებს მოქნილობას.

4. დახრები წინ - დაიხარეთ წინ და ხელებით შეეხეთ იატაკს. ამ ვარჯიშს ტონუსში მოჰყავს ზურგის კუნთები და აუმჯობესებს მოქნილობას.

გახსოვდეთ, ცხოვრების მჯდომარე წესმა შესაძლოა გამოუსწორებელი ზიანი მიაყენოს თქვენს ჯანმრთელობას, ამიტომ უყურადღებოდ ნუ დატოვებთ ჩვენს რჩევებს, იყავით ჯანმრთელი!