ძაღლები წამლების, სპორტდარბაზისა და ფსიქოლოგის აუცილებლობას ცვლიან
- აქვეითებს სტრესს, ამყარებს დაცულობის გრძნობას.
კვლევებით აღმოჩნდა, რომ ძაღლების პატრონები ფიზიკურად უფრო აქტიურები (ძაღლის სისტემატურად გასეირნება) იყვნენ, რაც განპირობებული იყო კვირაში საშუალოდ 5-6-ჯერ, მინიმუმ 30 წუთის განმავლობაში, დამატებით ფიზიკური დატვირთვით. აღნიშნული დატვირთვა უახლოვდება ჯანდაცვის მსოფლიო ორგანიზაციის რეკომენდაციას, რომელიც გულისხმობს კვირაში მინიმუმ 150- წუთიან ფიზიკურ აქტივობას. გარდა ამისა, ძაღლის პატრონები ფსიქოლოგიურად უფრო კომფორტულად გრძნობდნენ თავს. რეგულარული გასეირნების დროს, მათი დიდი ნაწილი თავს უსაფრთხოდ გრძნობდა. გამოდის, რომ ძაღლის გასეირნებას ორმაგი ეფექტი აქვს: ზრდის ფიზიკური აქტივობის დონეს და ამცირებს სტრესის მაჩვენებლს. შედეგად, მცირდება გულსისხლძარღვთა სისტემის დაავადებებისა და შაქრიანი დიაბეტის განვითარების რისკი.
ლალი ჩხიკვაძე