რა იწვევს ყურებში ხმაურს
• გოგირდის საცობი;
• შუა ყურის სხვადასხვა ეტიოლოგიის ანთება (მწვავე და ქრონიკული ჩირქოვანი ოტიტი, ფურუნკული, სოკოვანი დაზიანება - ოტომიკოზი), ოტოსკლეროზი (სასმენი ძვლების უმოძრაობა);
• შიგნითა ყურის სასმენი ნერვის ანთება (კოხლეარული ნევრიტი).
გარდა ამისა, ყურებში ხმაური თან სდევს თავის ტვინში მდებარე სმენის ცენტრის დაზიანებას, სიმსივნეს, მენინგიომას, კეთილთვისებიან აკუსტიკურ ნევრიომას (რეტროკოხლეარულ პათოლოგიებს), სხვადასხვა ვირუსულ დაავადებას - ადენოვირუსს, წითურას, წითელას, ყბაყურას. განსაკუთრებით აუტანელია ტინიტუსი ოტოსკლეროზის დროს. ყველა ჩამოთვლილი დაავადებისას ტინიტუსი სასმენი ორგანოს მორფოლოგიური დაზიანების მაჩვენებელია. არსებობს გადაღლის ტინიტუსიც, რომელიც ფუნქციური ხასიათისაა.
წყნარ, მშვიდ გარემოში ხმაურმა შესაძლოა მოიმატოს. მას ზოგი ხეების შრიალს ამსგავსებს, ზოგი - ზღვის ტალღების ხმას, ზოგი - ჭრიჭინას ჭრიჭინს და ა. შ. განსხვავებულია ხანგრძლივობაც: ზოგჯერ ხანმოკლეა, ზოგჯერ ხანგრძლივი, ზოგჯერ კი მუდმივი.
საწყისი კვლევისათვის უნდა მიმართოთ ყელ-ყურ-ცხვირის ექიმსა და ნევროლოგს.
მეტი ინფორმაციის მისაღებად შეგიძლიათ წაიკითხოთ ინტერვიუ აუდიოლოგიის ცენტრის ხელმძღვანელთან, პროფესორ ზურაბ ქევანიშვილთან "ხმაური ყურებში: ცივილიზაციის დაავადება"
იხილეთ აგრეთვე "ხმაური ყურებში"