რუბრიკები
ინფექციური სნეულებები
საკვებისმიერ ბოტულიზმს უმეტესად შინ მომზადებული კონსერვები იწვევს: მწვანე ლობიო, ბადრიჯანი, შებოლილი ხორცი... უფრო იშვიათია, თუმცა მაინც გვხვდება ზეთში დაკონსერვებული ნივრით, წიწაკითა და პომიდვრით მოწამვლაც.
კომენტარი არ გაკეთებულა
ბაქტერიოფაგებს (ფაგებს) (ბერძნ. “ფაგოს” - შთანთქმა) უწოდებენ იმ ვირუსებს, რომლებიც შერჩევით ანადგურებენ ბაქტერიულ უჯრედებს. ფაგები ვირუსების ყველაზე მრავალრიცხოვანი ჯგუფია. დღეისათვის შესწავლილია 100-მდე ბაქტერიული გვარის მიმართ სპეციფიკური 4000-მდე ბაქტერიოფაგის იზოლატი, ყველაზე სრულად კი - ბაქტერიოფაგი ტ4. ხშირად ბაქტერიოფაგები ბაქტერიების შიგნით მრავლდება და მათ ლიზისს იწვევს.

აივ ინფექცია/შიდსი კლინიკურად პირველად ამერიკის შეერთებულ შტატებში აღწერეს 1981 წელს, როდესაც ჰომოსექსუალ მამაკაცთა შორის ზედიზედ იქნა დიაგნოსტირებული იშვიათი დაავადებების - პნევმოცისტური პნევმონიისა და კაპოშის სარკომის - რამდენიმე შემთხვევა. ეს დაავადებები მანამდე მხოლოდ იმუნოკომპრომეტირებულ პირებში იყო აღწერილი. 1982 წელს აშშ-ის დაავადებათა კონტროლისა და პრევენციის ცენტრმა ოფიციალურად დაარეგისტრირა შიდსი როგორც ახალი დაავადება.

უიპლის დაავადება არის იშვიათი ბაქტერიული ინფექცია, რომელიც უმეტესად საჭმლის მომნელებელ სისტემას აზიანებს. იგი არღვევს საჭმლის მონელების ნორმალურ პროცესს, საკვების გადამუშავებას, ცხიმისა და ნახშირწყლების დამუშავებას და საკვები ნივთიერებების შეწოვას, იწვევს ტვინის, გულის, სახსრების, თვალების დაზიანებას. სათანადო მკურნალობის გარეშე დაავადების პროგნოზი მძიმეა, შესაძლოა, ფატალურიც კი აღმოჩნდეს, თუმცა ანტიბიოტიკოთერაპიით შესაძლებელია განკურნება.

არსებობს ინფექციები, რომელთა გადატანის შემდეგ ადამიანის ნერვული სისტემის უჯრედებში ინფექციის გამომწვევი ვირუსი სამუდამოდ იდებს ბინას, მთვლემარე მდგომარეობაში გადადის, არახელსაყრელ პირობებში (ემოციური სტრესი, იმუნოდეფიციტი, ქიმიათერაპია) აქტიურდება და ახალ ინფექციურ დაავადებას აპროვოცირებს. სწორედ ასეთი მექანიზმით ვითარდება შემომსარტყვლელი ჰერპესი - ჰერპეს ზოსტერი, რომელიც ორგანიზმში მთვლემარე ჩუტყვავილას ვირუსის რეაქტივაციის შედეგია.

ვენერული დაავადებები (ანუ სქესობრივი გზით გადამდები ინფექციები, სგგი) ადამიანის ორგანიზმში მოხვედრილი დაავადების წარმომშობი ბაქტერიების ცხოველქმედების შედეგია. ეს ინფექციები უმთავრესად სქესობრივი გზით ვრცელდება. ასევე არ არის გამორიცხული, გადაედოს ინფიცირებული დედისგან ნაყოფს მუცლად ყოფნის პერიოდში ან ნებისმიერ სხვა ადამიანს დაბინძურებულ ნივთებთან მჭიდრო კონტაქტით. ორგანიზმში მოხვედრილი მიკრობები აზიანებენ შარდსასქესო სისტემას, არღვევენ მის ფუნქციას. სქესობრივი გზით გადამდები დაავადებები უფრო სერიოზული პრობლემაა, ვიდრე უბრალო დისკომფორტი და ტკივილი.  როგორც ქალებისთვის, ისე მამაკაცებისთვის ძირითად საფრთხეს წარმოადგენს ამ დაავადებათა გართულებები, რომელთაგანაც ყველაზე აქტუალური, ძნელად დიაგნოსტირებადი და სამკურნალო უნაყოფობაა. მამაკაცებში სქესობრივი გზით გადამდები დაავადებებით გამოწვეულ უშვილობაზე გვესაუბრება უროლოგიის ეროვნული ცენტრის უროლოგი, მედიცინის მეცნერებათა კანდიდატი ალეკო ხელაია.

დიდი მრავალფეროვნების მიუხედავად, ვაქცინები პირობითად შეიძლება ორ ძირითად ჯგუფად - ცოცხალ და ინაქტივირებულ ვაქცინებად - დაიყოს. ცოცხალია ვაქცინა, რომელიც შეიცავს დაავადების გამომწვევ დასუსტებულ, ცოცხალ შტამებს. ინაქტივირებული ვაქცინა დაავადების მკვდარ, ინაქტივირებულ გამომწვევებს შეიცავს. უკანასკნელ წლებში შექმნილია სინთეზური მოლეკულური და გენური ინჟინერიის შედეგად წარმოებული ახალი თაობის ვაქცინები.


ცოცხალი ვაქცინები
ცოცხალი ვაქცინებია წითელა, პოლიომიელიტი, ტუბერკულოზი, ყბაყურა. მათში შემავალი მიკროორგანიზმთა შტამები ორგანიზმში მოხვედრის შემდეგ გამრავლებას იწყებენ და ვაქცინური ინფექციური პროცესი ვითარდება. ვაქცინური ინფექცია უმეტესად კლინიკური სიმპტომების გარეშე მიმდინარეობს და მყარი იმუნიტეტის ფორმირებას იწვევს.

კაცობრიობა ცოფს უძველესი დროიდან იცნობს. ჩვენს წელთაღრიცხვამდე I საუკუნეში კორნელიუს ცელსიუსმა უწოდა ამ დაავადებას “ჰიდროფობია” - სახელი, რომელიც დღემდე იხმარება. ცოფი უკურნებელი დაავადებაა. მისი კლინიკური გამოვლენის შემდეგ ავადმყოფის გადარჩენა, სამწუხაროდ, შეუძლებელია. სპეციფიკური თერაპია არ არსებობს. ავადმყოფს ცალკე პალატაში ათავსებენ და სიმპტომურად მკურნალობენ. დროული ვაქცინაცია ამ დაავადების პროფილაქტიკის ერთადერთი საშუალებაა. ცოფის ვაქცინის შექმნა მეცნიერების ტრიუმფი იყო, რამაც ლუი პასტერი იმ ადამიანად აქცია, რომელსაც სიცოცხლეშივე დაუდგეს ძეგლი. ცოფის აცრის საჭიროებაზე, დანიშნულებასა და გვერდით მოვლენებზე გვესაუბრება “რეფერალური ჰოსპიტალი 2012”-ის ქირურგი-რაბიოლოგი ვახტანგ ნიკოლაძე.

ნაჩვენებია მე-5 გვერ 16 - დან