სკოლებსა და საბავშვო ბაღებში სასწავლო პროცესი განახლდა
ამის შესახებ "ინტერპრესნიუსს" განათლებისა და მეცნიერების სამინისტროში განუცხადეს.
დღეიდან სასწავლო-სააღმზრდელო პროცესი ჩვეულ რეჟიმს დაუბრუნდა თბილისის საჯარო საბავშვო ბაგა-ბაღებშიც.
როგორც ცნობილია, გარკვეულ საჯარო სკოლებში, ასევე დედაქალაქის ყველა საბავშვო ბაღში სასწავლო პროცესი 3 დღით, გრიპის ვირუსის პრევენციის გამო, დაავადებათა კონტროლის ეროვნული ცენტრის რეკომენდაციის საფუძველზე იყო შეჩერებული. ქვეყნის ზოგიერთ რეგიონში კი სასწავლო პროცესი დიდთოვლობით გამოწვეულმა პრობლემამაც შეაფერხა.
გაცდენილი საათები შაბათის ხარჯზე ანაზღაურდება.