რუბრიკები
ოჯახის მკურნალი
კითხვა-პასუხი
გოგრა
გოგრა

გოგრა რომ არ ყოფილიყო, კონკია ალბათ ვერასოდეს მოხვდებოდა მეჯლისზე და ვერც უფლისწულის ცოლი გახდებოდა. მაგრამ ეს მხოლოდ ზღაპარია. სინამდვილე კი ასეთია - გოგრა ფასდაუდებელი, შესანიშნავი პროდუქტია, რომელსაც აქვს უნარი, მრავალი წლის განმავლობაში შეგვინარჩუნოს სილამაზე, ახალგაზრდობა და სექსუალური მომხიბვლელობაც კი! სამწუხაროდ, გოგრისგან, ამ ნაკლებად ჭირვეული ბაღჩეული კულტურისგან, დამზადებული კერძები ჩვენს სუფრას არც ისე ხშირად ამშვენებს. სულ ტყუილად!

უპირველეს ყოვლისა, გოგრა ნამდვილად გემრიელია, ლამაზიც არის (ალბათ იცით, გოგრით ჰელოუინზე სახლებს რთავენ), და რაც მთავარია, ის ძალიან სასარგებლოა! მოამზადეთ მისგან წვნიანები, ფაფები, გარნირები, ბლინები. კარგ კულინარადაც გადაიქცევით და რაც მთავარია, თქვენი ოჯახის ყველა წევრს ჯანმრთელობას გაუუმჯობესებთ. გოგრის ძირითად ღირსებად მიიჩნევა კაროტინისა და ვიტამინების დიდი რაოდენობა. კალათბურთის უზარმაზარი ბურთის მსგავსი ამ ბოსტნეულის რბილობი ასევე შეიცავს დიდი რაოდენობით D ვიტამინს. ბავშვებისთვის ის განსაკუთრებით სასარგებლოა, რადგან აჩქარებს ზრდას, ხოლო მოზრდილებში აუმჯობესებს კალციუმის შეწოვას, ამაგრებს ძვლებს და კბილებს, გარდა ამისა, გოგრაში არის B, ჩ, D, PP, E ჯგუფის ვიტამინები. ისინი ანელებენ დაბერების პროცესს და ეხმარებიან ადამიანს ოპტიმალური წონისა და სექსუალური აქტივობის ნორმის ფარგლებში შენარჩუნებაში. ისევე, როგორც ყველა ნარინჯისფერი ნაყოფი, გოგრაც ანტიდეპრესანტად მიიჩნევა. მიირთვით გოგრა ხშირად და ვერავითარი სევდა და დეპრესია ვერ მოგერევათ!

  • ამ ბოსტნეულს ადვილად ითვისებს ორგანიზმი, ამიტომ გოგრის კერძები რეკომენდებულია სამკურნალო და პროფილაქტიკური კვებისთვის. რადგან ნარინჯისფერი რბილობი არ იწვევს კუჭის წვენის გაძლიერებულ გამოყოფას, ის ხელს უწყობს წყლულის სწრაფ შეხორცებას. გოგრის მინერალური შემადგენლობა (სპილენძის, ფოსფორისა და რკინის ბევრი მარილი) სასარგებლოა სისხლწარმოქმნისთვის, ამიტომაც ის სასარგებლოა ანემიისა და ათეროსკლეროზის პროფილაქტიკისთვის. ამავე დროს პექტინით მდიდარი გოგრა მავნე ქოლესტერინთან შეურიგებელი მებრძოლია.
  • ძალიან სასარგებლოა გოგრა ღვიძლის, თირკმელების, კუჭ-ნაწლავის დაავადებების დროს. ეს ბოსტნეული ერთსა და იმავე დროს კუჭის გამხსნელი და შარდმდენი საშუალებაა.
    ლ გოგრის კერძები ასევე რეკომენდებულია ჰეპატიტის, ქოლეცისტიტის, ნაღველკენჭოვანი დაავადებების, ქრონიკული კოლიტისა და ენტეროკოლიტის გამწვავების სტადიებში, მწვავე და ქრონიკული ნეფრიტისა და პიელონეფრიტის დროს.


დაგეხმარებათ დაძინებაში
არომატული და ტკბილი გოგრის ნაჭერი შვებას ჰგვრის ადამიანს "ზღვის დაავადების" დროს, ორსულს ტოქსიკოზისას. გახეხილი ბოსტნეულის ფაფა შესანიშნავი კომპრესია ეგზემის, დამწვრობისა და მუწუკოვანი გამონაყარის დროს. ნედლი, გახეხილი გოგრის პიურე შესანიშნავი საშუალებაა კუჭის შეკრულობის დროს. თირკმელების სამკურნალოდ გამოიყენება არა რბილობი, არამედ უმი გოგირს წვენი 1/2 ჭიქა დღე-ღამეში. ტკბილ ნარინჯისფერ წვენს აქვს დამამშვიდებელი ეფექტი, აუმჯობესებს ძილს. მიიღეთ 1 ჭიქა 3-ჯერ დღეში ჭამამდე. უძილობის შემთხვევაში მიიღეთ 1/2 ჭიქა ღამით. გოგრის დიეტა რეკომენდებულია მათთვის, ვისაც აწუხებს გულის დაავადებები და თირკმელებისგან გამოწვეული შეშუპება. ასეთი პრობლემების დროს ავადმყოფმა 4 თვის განმავლობაში უნდა მიიღოს გოგრა უმი სახით 0,5 კგ დღე-ღამეში

You must have Flash Player installed in order to see this player.
და 1,5 კგ მოხარშული ან შემწვარი სახით. მთელი რიგი დაავადებების დროს ნამდვილი პანაცეაა გოგრის თაფლი. 1 კილოგრამ გასუფთავებულ და გახეხილ გოგრას უმატებენ 200გ შაქარს, ზედმიწევნით აურევენ და დააყენებენ. გამოყოფილ წვენს აცალკევებენ რბილობისგან და დაბალ ცეცხლზე ათბობენ გასქელებამდე. ბოლოს უმატებენ მიხაკსა და დარიჩინს. გოგრის თესლს უძველესი დროიდან იყენებენ ხალხურ მედიცინაში, როგორც ჭიების საწინააღმდეგო საშუალებას, ასევე შარდსასქესო ორგანოების დავადებების სამკურნალო წამალს, განსაკუთრებით შარდის გაძნელებული გამოყოფისას. პარაზიტების წინააღმდეგ ეფექტურია შემდეგი ნარევი: შეურიეთ ერთმანეთს 1 ჭიქა გარჩეული გოგრის თესლი, 2 უმი კვერცხის გული, 1 სუფრის კოვზი თაფლი და 1 ჭიქა ადუღებული წყალი. მიიღეთ დილით უზმოზე, შემდეგ დაიდეთ მარჯვენა გვერდზე ცხელი სათბური და ასე უნდა იწვეთ 2 საათი. 10 დღის შემდეგ პროცედურა უნდა გაიმეოროთ, კიდევ 10 დღის შემდეგ გააკეთეთ იგივე მესამედ და საბოლოოდ. ცისტიტის საწინააღმდეგოდ: 200 გ თესლი დაფქვით ყავის საფქვავში, დაამატეთ 1/2 ლ ადუღებული წყალი, ღამით თერმოსში დატოვეთ, შემდეგ გააცივეთ და მიიღეთ ნახევარი ჭიქა 4-ჯერ დღეში, ჭამის წინ. თუთიით მდიდარი გოგრის თესლის ერთი მუჭი დაიცავს თქვენს საყვარელ მამაკაცს მამაკაცური პრობლემებისგან (კერძოდ, პროსტატიტისგან). ეს პროდუქტი ანელებს წინამდებარე ჯირკვლის ქსოვილის უჯრედების ზრდას, რაც ხელს უწყობს შარდის გამოყოფის გაძნელების თავიდან აცილებას. გოგრის ზეთი შეიცავს ბიოლოგიურად აქტიურ ნივთიერებებს, რომლებიც აღადგენენ ნერვულ სისტემას, ამაღლებენ პოტენციას, ააქტიურებენ იმუნიტეტს. გოგრის ყუნწიც კი სასარგებლოა! მისი ნახარში შესანიშნავი სავლები საშუალებაა კბილის ტკივილის დროს. ხომ დარწმუნდით, რომ გოგრა ნამდვილი სასწაულია!


გოგრის სადილი
4 ულუფისთვის საჭიროა: 1 ცალი საშუალო ზომის გოგრა, 2 წიწილა, 50გ ბრინჯი, 500გ ვაშვლი და ქლიავი, 2-3 ხახვი, 100გ ნაღების კარაქი, ზეთისხილი და მწვანილი მოსართავად, მარილი. მწიფე გოგრას მოვხადოთ "სახურავი" (მივცეთ ღრმა ჯამის ფორმა), კოვზით მოვაცილოთ თესლი და რბილობის ნაწილი. წიწილები მოვამზადოთ, დავჭრათ თანაბარ ნაჭრებად, შევაშროთ, დავაყაროთ მარილი და შევწვათ 1 სუფრის კოვზ ნაღების კარაქთან ერთად, შეწითლებამდე. ხახვი გავასუფთაოთ, დავჭრათ და მოვთუშოთ მეორე ტაფაზე იმავე რაოდენობის კარაქში. ვაშლს ამოვაჭრათ გულები და ქლიავს გამოვაცალოთ კურკები, დავჭრათ მსხვილ ნაჭრებად. მოვხარშოთ ბრინჯი და შევურიოთ ხახვს. გოგრაში მოვათავსოთ ბრინჯი ხახვთან ერთად, შემდეგ - წიწილის ნაჭრები და ბოლომდე შევავსოთ ვაშლითა და ქლიავით, დავუმატოთ 1 სუფრის კოვზი კარაქი, დავახუროთ "სახურავი" (მოჭრილი გოგრის ნაწილი), დავამაგროთ ხის ჩხირებით. გოგრას მოვუსვათ დარჩენილი კარაქი, მოვათავსოთ ფორმაში და შევდგათ ჰაერღუმელში 2-3 საათით 200 გრადუს ტემპერატურაზე. შემდეგ მოვათავსოთ ლანგარზე და თავი მოვხადოთ. ერთი ულუფა - 606 კკალ. ცილები - 19 გ, ცხიმები - 11 გ, ნახშირწყლები - 44 გ.


 

თარიღი : 10-10-2016
ნინა
უკაცრავად გოგრა ბოსტნეულს მიეკუთვნება თუ ხილს?
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
მარადიული ახალგაზრდობის საიდუმლო არა მარტო გენებშია. იმ ქალების მესამედი, რომლებიც ასაკთან შედარებით 10 წლით ახალგაზრდულად გამოიყურებიან, უბრალოდ ცხოვრების სწორ წესს მისდევს. კვლევამ აჩვენა, რომ იმ ქალების 2/3, რომლებიც ხანდაზმულ ასაკში კარგად გამოიყურებიან,
ძილი საიმედოდ დაგვიცავს გრიპისა და გაციებისგან. კარგი ძილი იმუნურ სისტემას აძლიერებს და ორგანიზმი ინფექციას ეფექტურად უმკლავდება.
*კოცნისას სახის 29 კუნთი აქტიურდება, რაც კანის დაბერების კონტროლირების საშუალებას იძლევა;

*კოცნისას პარტნიორებს შორის ხდება ნივთიერებათა ცვლა, რაც ორგანიზმის იმუნიტეტს ამაღლებს;
ამ კატეგორიის სხვა სტატიები
მეცნიერებმა დაასახელეს ის სასმელები, რომლებიც წყურვილს არ კლავს და თან ორგანიზმისთვის მავნებელია. ტკბილ გაზიან სასმელებს, ისევე, როგორც რძიან კოქტეილებს, პაკეტებში ჩამოსხმულ წვენებსა და ენერგეტიკულ სასმელებს ორგანიზმისთვის (დიდი რაოდენობით შაქრის, გემოს გამაძლიერებლებისა და სხვადასხვა არომატიზატორების შემცველობის გამო)
ექსპერტები ზეითუნის ზეთის აქტიური მოხმარებისკენ მოგვიწოდებენ. ის ამცირებს ალცჰაიმერის მარკერებს - ბეტა-ამილოიდურ ჩანართებსა და ნეიროფიბრილარული გორგლების მოცულობას. ეს დაავადება ასევე დაკავშირებულია ინსულინთან. თუ შაქრის დონე მომატებულია, შეიძლება ტვინი დაზიანდეს.
მოგეხსენებათ, ჭარხალი ხალხურ მედიცინაში არტერიული წნევის ნორმალიზებისთვის უძველესი დროიდან გამოიყენება. ბრიტანელმა მკვლევარებმა აჩვენეს, რომ ჭარხლის წვენი მეტად ეფექტურია არტერიული წნევის დასაქვეითებლად. ისინი ჭარხლის წვენის თვისებებს რამდენიმე წლის განმავლობაში საფუძვლიანად სწავლობდნენ.
ჰარვარდისა და ორეგონის უნივერსიტეტების მიერ ჩატარებულმა კვლევებმა აჩვენა, რომ ცირკადული რითმები აიძულებს ადამიანებს საღამოს ჭამონ ტკბილი, მარილიანი და სახამებელის შემცველი საკვები.
ჯანსაღი კვების საკითხებზე მომუშავე ექსპერტები გვირჩევენ, რაც შეიძლება ბევრი კიტრი მივირთვათ. ჯერ ერთი იმიტომ, რომ ეს პროდუქტი ორგანიზმს ჭარბად მიღების შემთხვევაშიც კი არ ვნებს (პირიქით, ძალიან სასარგებლოა) და მეორეც, ის კალორიებს არ გვმატებს.
ზეითუნის ზეთის სასარგებლო თვისებები ოდითგანაა ცნობილი. ის აუმჯობესებს მეხსიერებას და ხელს უშლის დემენციის განვითარებას.
22 ნოემბერი 2016
ცნობილია, რომ სტრესმა შეიძლება წონის მატება გამოიწვიოს. მიზეზი მხოლოდ ამ მდგომარეობისთვის დამახასიათებელ გაძლიერებულ მადაში არ არის. იცვლება თავად სხეულის მუშაობის მექანიზმი.
11 ნოემბერი 2016
საშინაო საქმეები სპორტდარბაზში ვარჯიშის შემცვლელია. სპეციალისტებმა დათვალეს რამდენი კალორიის დაწვაა შესაძლებელი ჩვეული საშინაო საქმიანობის დროს. ასე მაგალითად, საწოლის გასწორებისას ადამიანი წვავს 70 კალორიას, რაც ერთი ორცხობილას ეკვივალენტია.
ადამიანთა უმრავლესობას, გამოსასვლელ დღეებში სადილობამდე უყვარს ლოგინში კოტრიალი, რის შემდეგაც თავს დამძიმებულად და მოდუნებულად გრძნობს.
სტაფორდშირის უნივერსიტეტის მეცნიერების მიერ ჩატარებულ ექსპერიმენტში 3 წლამდე ასაკის 60 ბავშვი მონაწილეობდა.
1. შვრია - რეგულარული მიღებისას, ასუფთავებს ნაწლავებსა და ღვიძლს.