5-დან 17 წლამდე ასაკის 4 მლნ ბავშვს შაქრიანი დიაბეტი ტიპი-2 ემუქრება - მკვლევართა შემაშფოთებელი პროგნოზი
მთავარი რისკფაქტორია არასწორი კვება (როგორც რეჟიმი, ასევე რაციონი), ასევე ძილის დარღვევები, ფსიქოლოგიური პრობლემები, მემკვიდრული წინასწარგანწყობა და მშობელთა მავნე ჩვევები.
როგორც სპეციალისტები აღნიშნავენ, სიმსუქნე ბავშვთა ასაკში საფუძველს უქმნის ჯანმრთელობის სერიოზულ პრობლემებს მოზრდილობაში.
შეგახსენებთ აგრეთვე ამ თემაზე მომუშავე მკვლევართა შემაშფოთებელ პროგნოზს: შესაბამის ღონისძიებათა უგულვებელყოფის და სათანადო ზომების მიუღებლობის შემთხვევაში, 2025 წლისთვის 5-დან 17 წლამდე ასაკის დაახლოებით 268 მილიონ ბავშვს ექნება ჭარბი წონა, 12 მილიონს დაერღვევა ტოლერანტობა გლუკოზისადმი, 4 მილიონს კი შაქრიანი დიაბეტი ტიპი-2 განუვითარდება.
ასე რომ, ბავშვთა წონას ადრეული ასაკიდანვე მიაქციეთ ყურადღება!
თინათინ გოცაძე