პიტნა - სამკურნალო საშუალება
მენთოლი, რომელიც უხვადაა პიტნის ფოთლებში ადგილობრივი ტკივილგამაყუჩებელი საშუალებაა, გააჩნია სპაზმოლიზური და ანტისეპტიკური მოქმედება. გარდა ამისა, პიტნა შეიცავს კაროტინს, ბეტაინს, ფლავონოიდებს.
პიტნის ფოთლების ნაყენი რეკომენდებულია გულ-სისხლძარღვთა დაავადებების დროს, ასტიმულირებს გულის მუშაობას. მას იყენებენ სტენოკარდიის, კუჭისა და ნაწლავების ტკივილის დროს.
პიტნა:
ხელს უწყობს საჭმლის მომნელებელი სისტემის ნორმალურ ფუნქციონირებას.
ამსუბუქებს თავის ტკივილს.
აუმჯობესებს ძილს.
პიტნის ეთერზეთებს, ინჰალაციის სახით, დადებითი ეფექტი აქვთ რესპირატორული დაავადებების დროს. პიტნის ფოთლების ნაყენი რეკომენდებულია გულისრევის და ღებინების დროს. გააჩნია ნაღვლმდენი და სიცხის დამწევი მოქმედება.