ნიახურისა და კიტრის კოქტეილი ორგანიზმის დეტოქსიკაციისთვის
მეტად სასარგებლოა. მიღებული სასმელი (კარგი იქნება თუ ნარევს მომზადებისას პიტნის 2-3 ღეროსაც დაამატებთ) საუკეთესო საშუალებაა იმუნიტეტის ასამაღლებლად, ორგანიზმის დეტოქსიკაციისა და ნივთიერებათა ცვლის ნორმალიზებისთვის. სასურველია მიირთვათ დღის პირველ ნახევარში.
ნიახური მდიდარია A, C, PP და B ჯგუფის ვიტამინებით, კალიუმით, კალციუმით, ფოსფორით, სასარგებლო ორგანული მჟავებითა და ცილით. კალიუმის უხვად შემცველობის გამო ეს მცენარე საუკეთესო პროფილაქტიკური საშუალებაა გულ-სისხლძარღვთა სისტემის პათოლოგიებით დაავადებულთათვის. ნიახურში შემავალი ეთერზეთები აძლიერებს იმუნიტეტს, აცხრობს ქსოვილებში მიმდინარე ანთებით პროცესებს, აუმჯობესებს საჭმლის მონელების ფუნქციას. მცენარეში შემავალი სასარგებლო კომპონენტების წყალობით ნორმალიზდება ნივთიერებათა ცვლა, ორგანიზმიდან გამოიდევენება ჭარბი მარილები, ძლიერდება ტესტოტერონის გამომუშავება. ნიახურის უჯრედისი აუმჯობესებს ნაწლავების პერისტალტიკას. მცენარეს გააჩნია შარდმდენი ეფექტი, შესაბამისად, ეფექტურია თირკმელებისა და შარდის ბუშტის დაავადებათა დროს.
თინათინ გოცაძე