რუბრიკები
ოჯახის მკურნალი
კითხვა-პასუხი
გაფანტული სკლეროზი
გაფანტული სკლეროზი

გაფანტული სკლეროზი არის დაავადება, რომელიც ხასიათდება ცენტრალური ნერვული სისტემის - თავისა და ზურგის ტვინის ნერვების - დეგენერაციით. ჩვეულებრივ, ნერვს ფარავს მიელინის გარსი. ის მნიშვნელოვან როლს ასრულებს ნერვში იმპულსის გატარებასა და ნერვის ჯანმრთელობის შენარჩუნებაში. გაფანტული სკლეროზის დროს ანთების შედეგად მიელინის გარსი ზიანდება და ხდება ნერვების დემიელინიზაცია. შედეგად ფერხდება ნერვში აღგზნების იმპულსის გატარება, ზიანდება თავად ნერვიც. დაავადებას ახასიათებს პროგრესული მიმდინარეობა; ორგანიზმში ირღვევა დაზიანებული ნერვების მიერ რეგულირებულ ორგანოთა ფუნქცია, უარესდება მხედველობა, მეტყველება, სიარული, წერა და მეხსიერება. ამერიკის შეერთებულ შტატებში გაფანტული სკლეროზით დაავადებულია 350 000 კაცი. ჩვეულებრივ, დაავადების დიაგნოსტიკა ხდება 20-50 წლის ასაკში, თუმცა აღწერილია დაავადების შემთხვევები ბავშვებსა და მოხუცებშიც. ცნობილია, რომ დაავადება ორჯერ მეტად არის გავრცელებული კავკასიელებში, ხოლო ახალგაზრდა ქალებს შორის ორჯერ უფრო ხშირია, ვიდრე ახალგაზრდა მამაკაცებს შორის.

რატომ ვითარდება გაფანტული სკლეროზი
გაფანტული სკლეროზის ზუსტი მიზეზი დღემდე უცნობია. უკანასკნელი 20 წლის განმავლობაში მეცნიერები განსაკუთრებულ ყურადღებას უთმობენ მის აღმოცენებაში იმუნური დარღვევებისა და გენეტიკის როლს. როგორც ცნობილია, იმუნური სისტემა უდიდეს როლს ასრულებს ორგანიზმის ნორმალურ ფუნქციობაში. ის ორგანიზმს გენეტიკურად უცხო ნაწილაკებისგან იცავს, რაც მათ საწინააღმდეგო უჯრედების სწრაფი აქტივაციითა და პროდუქციით ხორციელდება. მეცნიერები ვარაუდობენ, რომ გაფანტული სკლეროზის დროს ვირუსული ბუნების უცხო აგენტი აზიანებს იმუნურ სისტემას, რის შედეგადაც ეს უკანასკნელი ნერვის მფარავ მიელინის გარსს უცხოდ აღიქვამს და მის გასანადგურებლად იწყებს ბრძოლას. პროცესს, რომლის დროსაც იმუნური სისტემა ებრძვის საკუთარი ორგანიზმის კომპონენტებს, აუტოიმუნური პროცესი ეწოდება. გაფანტული სკლეროზი აუტოიმუნური დაავადებაა. იმუნური სისტემის ასეთი თავდასხმის შემდეგ მიელინის გარსი შეიძლება ნაწილობრივ აღდგეს, თუმცა ზოგიერთი ნერვი დემიელინიზებული რჩება, ვითარდება დანაწიბურებაც.


არის თუ არა გაფანტული სკლეროზი გენეტიკური დაავადება?
მიუხედავად იმისა, რომ დაავადების მიზეზები ბოლომდე გაურკვეველია, ვარაუდობენ, რომ გენეტიკა მის აღმოცენებაში გარკვეულ როლს ასრულებს. დასავლეთ ევროპაში, ესკიმოსებსა და ზოგიერთ აფრიკულ ტომში დაავადება არ გვხვდება, ხოლო ამერიკელ ინდიელებში, იაპონელებსა და სხვა აზიელ ხალხებში გავრცელება დაბალია. საზოგადოდ პოპულაციაში გაფანტული სკლეროზის აღმოცენების შანსი 1%-ზე ნაკლებია. მაჩვენებელი იმატებს იმ ოჯახებში, სადაც დაავადებაა გამოვლენილი. დაავადებულის ძმას, დას, მშობლებს ან შვილებს გაფანტული სკლეროზის განვითარების 1-3%-იანი ალბათობა აქვთ. ერთკვერცხუჯრედიანი ტყუპისთვის ეს მაჩვენებელი 30%-ს უტოლდება, ხოლო ორკვერცხუჯრედიანისთვის - 4%-ს. ეს სტატისტიკური მონაცემები მოწმობს გენეტიკური ფაქტორის მნიშვნელობას დაავადების აღმოცენების კუთხით. ამავე დროს არსებობს სხვა მონაცემებიც, რომლებიც ადასტურებს, რომ მნიშვნელოვან როლს ასრულებს გარემო ფაქტორიც.


როგორ ვლინდება გაფანტული სკლეროზი
გაფანტული სკლეროზი კლინიკურად შეიძლება სხვადასხვაგვარად გამოვლინდეს. შეტევისას პაციენტი გრძნობს ფიზიკური აქტივობის უეცარ გაუარესებას, რომლის გამოხატულებაც მცირედან მძიმემდე შეიძლება ვარირებდეს. ასეთი შეტევა, რასაც გაფანტული სკლეროზის გამოვლინებას უწოდებენ, ტიპურ შემთხვევებში 24 საათზე მეტხანს გრძელდება და უმეტესად რამდენიმე კვირამდე გასტანს, თუმცა ოთხ კვირას იშვიათად აღემატება. დაავადებულთა 65-80%-ს აქვს დაავადების ფორმა, რომელსაც გამწვავებისა და რემისიის მონაცვლეობა ახასიათებს. ეს არის გაფანტული სკლეროზის ყველაზე ფართოდ გავრცელებული ტიპი. მისთვის დამახასიათებელია შეტევათა სერია, რომელსაც მოსდევს სიმპტომთა სრული ან ნაწილობრივი უკუგანვითარება ანუ რემისია,

You must have Flash Player installed in order to see this player.
სანამ განმეორებითი შეტევა არ აღმოცენდება. გამწვავებათა შორის პერიოდი შეიძლება კვირების განმავლობაში გაგრძელდეს. პირველადად პროგრესული გაფანტული სკლეროზის დროს პიროვნების ფიზიკური აქტივობა თანდათან მცირდება. ეს ფორმა დაავადებულთა 10-20%-ს აღენიშნება. გაფანტული სკლეროზის ასეთი დასაწყისის დროს რემისია შესაძლოა იშვიათი იყოს და პაციენტის ფიზიკური შესაძლებლობები პროგრესულად მცირდებოდეს. ამ დროს საუბრობენ მეორეული პროგრესული გაფანტული სკლეროზის შესახებ. ასეთი ფორმა 10 წლის განმავლობაში პირველადად პროგრესული გაფანტული სკლეროზის 50%-ში ვითარდება, მომდევნო ათწლეულებში კი პირველადად პროგრესული გაფანტული სკლეროზის შემთხვევათა უდიდესი ნაწილი სწორედ ასეთ ფორმად ტრანსფორმირდება. დაავადების ამ ფორმისას პაციენტის შესაძლებლობები პროგრესულად იზღუდება, რასაც თან ახლავს ცალკეული შეტევები. არის გაფანტული სკლეროზის ისეთი შემთხვევებიც, რომელთა დროსაც სიმპტომები სუსტად არის გამოხატული და მათი გამოცნობა ხდება რეტროსპექტულად მრავალი წლის შემდეგ. არსებობს დაავადების ძალიან სწრაფი, ზოგჯერ ფატალური პროგრესირების იშვიათი შემთხვევებიც, რომელთაც ფულმინანტურ გაფანტულ სკლეროზს უწოდებენ. 

 



თარიღი : 05-04-2017
Amirani
Gamarjobat. Me gapantuli sklerozi damidginda 2010 wels saqartveloshi da da mere ukrainashi qalaq xarkovshi. Macuxebs ra tqma unda magram magram ishviatad. Ver vcherdebi mzeze da saertod sicxeshi. Mkurnalobis kursi gaviare marina janelidzis danishnulebit da jerjerobit uketesad vgrdznob tavs.
თარიღი : 06-10-2016
597348008
გამარჯობა, მეც მაქვს გაპანტული სკლეროზი, ვიყავი პროგრამაში ნევროლოგიის ინსტტუტში.. ვიეთებდი "კოპაკსონს" და რამოდენიმე დგეა შეწყდა პროგრამა .. საკმაოდ ძვირი ჯდება მკურნალობა ამიტომ უნდა შეიქმნას ჯგუფი და ჯანდაცვის სამინისრტოში მოვთხოვოთ დაფინანსება. გაკეტდეს პროგრამაა ასენტი დააავადებული ხალხის დასახმარებლად.. ჩემი სახელია zura garibashvili შეგიძლიათ დამამატოთ facebook ზე რომ ერტიანი დზალებით ვებრძოლოთ ამ დააავადებას..
თარიღი : 20-07-2016
გამარჯობათ ეს დაავადება დამიდგინეს და საზღვარგარეთ წამოვედი მინდა აქ გავაგრდძელო მკურნალობა მაგრამ საბუთზე უარს მეუბნებიან რადგან მითხრეს რომ ჩემ ქვეყანაშიც არის წამალი და შემიდძლია მკურნალობა ჩემთანაც . ძალიან მაინტერესებს რა პროგრამებია და არ წამლს იგე
გამარჯობათ ეს დაავადება დამიდგინეს და საზღვარგარეთ წამოვედი მინდა აქ გავაგრდძელო მკურნალობა მაგრამ საბუთზე უარს მეუბნებიან რადგან მითხრეს რომ ჩემ ქვეყანაშიც არის წამალი და შემიდძლია მკურნალობა ჩემთანაც . ძალიან მაინტერესებს რა პროგრამებია და არ წამლს იგებთ ძალიაან გთხოვთ დამეხმარეთ გარკვევაში
თარიღი : 24-04-2016
გაფანტული სკლეროზი
მმეც დამიდგინეს გაფანტულის სკლეორიზი ვაპირებ პროგრამაში ჩართვას მაგრამ რამდენად ეფექტურია ეგ მაინეტერსე4ბს
თარიღი : 15-03-2016
571545472
ძალიან გთხოვთ დამეხმაროთ 17 წლის ვარ, ახლახან დედა გარდამეცვალა, დამიდგინეს გაფანტული სკლეროზი, დამერღვა მხედველობა, ვის მივმართო რომ მკურნალობა არ დამიგვიანდეს და ნორმალური იყოს, მოკლედ ექიმების ძიებაში ვარ, ძალიან გთხოვთ იქნებ ვინმე მირჩიოთ ერტი გადასხმა გავიკეთე მეცხრე საავადმყოფოში მაგრამ ორ კვირაში ისევ გამიმეორა და უფრო გამიუარესდა მხედველობა გთხოვთ მომწეროტ ან ზარი გამომიშვით, მადლობას გიხდით წინასწარ
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ცურვა განსაკუთრებით სასარგებლო და მნიშვნელოვანია მათთვის, ვისთვისაც სპორტის ძალისმიერი სახეობები უკუნაჩვენებია.
ექიმების რჩევით, კონდენციონერების გამოყენება მინიმუმამდე უნდა შევზღუდოთ. საქმე ეხება საშიშ ბაქტერიას - ლეგიონელას.
კომპანიის წამყვანი თანამშრომელი სამსახურში არ გამოცხადდა, თანაც არავისთვის დაურეკავს, რომ გაეფრთხილებინა კომპანიის ხელმძღვანელი.
ამ კატეგორიის სხვა სტატიები
ნეიროფიზიოლოგთა განცხადებით, ტკივილი თავის ტვინს მოცულობაში ამცირებს. ძირითად დარტყმას განიცდის თალამუსი - ტვინის სტრუქტურა, რომელიც გადაწყვეტილებათა მიღებასა და ადამიანის სოციალურ ქცევაზეა პასუხისმგებელი.
შვეიცარიაში თურმე ყოველი 100 ათასი ადამიანიდან ცამეტს სამწვერა ნერვის ნევრალგია აწუხებს. აღნიშნული ნერვი პასუხისმგებელია სახის, თავის კანისა და პირის ღრუს მგრძნობელობაზე. დაავადება ხასიათდება მწვავე, აუტანელი ტკივილით სახისა და კბილების არეში.
ბევრი ცუდ მეხსიერებას პრობლემად მიიჩნევს, თუმცა გულმავიწყობასაც აქვს თავისი პლუსები. მეცნიერების აზრით, მეხსიერების ფუნქცია ყველაფრის კი არა, მხოლოდ ფასეული ინფორმაციის შენახვაა. ამიტომ რაღაცის დავიწყება უბრალოდ აუცილებელია.
კანადელი მეცნიერების განმარტებით, სხვადასხვა მუსიკალურ ინსტრუმენტზე დაკვრა ასაკოვან ადამიანებთან ნეიროდეგენერაციული პროცესების განვითარებას აფერხებს.
საიტზე Medikforum გაჩნდა სტატია იმის შესახებ, რომ პარკინსონის დაავადება გამოვლენამდე 15 წლით ადრე შეიძლება დიაგნოსტირდეს. ამ დასკვნამდე სპეციალისტები მივიდნენ ახალი კვლევის საფუძველზე, რომელმაც აჩვენა, რომ ძილის მძიმე დარღვევათა მქონე პირებთან (კერძოდ 80 %-თან) საბოლოოდ ეს პათოლოგია იჩენს თავს.
ამერიკელმა ნეიროფიზიოლოგებმა თავის ტვინის საინტერესო ასაკობრივი ცვლილებები გამოყვეს. აღნიშნულ ცვლილებებს ადამიანის თავის ტვინი დაბერების კვალად განიცდის. როგორც მეცნიერებმა გაარკვიეს, ასაკთან ერთად თავის ტვინის რუხი ნივთიერების სიმკვრივე იმატებს, ხოლო მისი მოცულობა რამდენადმე მცირდება.
20 ივლისი 2017
დილით უზმოზე, ჭამამდე 30-40 წუთით ადრე, სასარგებლოა 1 ჭიქა წყლის მიღება. ეს პროცედურა მოამზადებს კუჭ-ნაწლავს შემდგომი დატვირთვისთვის, დააქვეითებს მადას, ორგანიზმიდან გამოდევნის ტოქსინებს და შლაკებს. დღის განმავლობაში სასურველია დალიოთ არანაკლებ 2 ლიტრი წყალი.
29 ივნისი 2017
კანადელი მეცნიერების განმარტებით, სხვადასხვა მუსიკალურ ინსტრუმენტზე დაკვრა ასაკოვან ადამიანებთან ნეიროდეგენერაციული პროცესების განვითარებას აფერხებს.
ადამიანთა უმრავლესობას, გამოსასვლელ დღეებში სადილობამდე უყვარს ლოგინში კოტრიალი, რის შემდეგაც თავს დამძიმებულად და მოდუნებულად გრძნობს.
ამერიკელი მკვლევარები ამტკიცებენ, რომ ლუდი და არაქისი ვარჯიშის შემდეგ ადამიანს აღდგენაში ეხმარება. ინტენსიურმა ფიზიკურმა დატვირთვამ შეიძლება გამოიწვიოს ჯანმრთელობისთვის საშიში გაუწყლოება. ლუდისა და არაქისის მიღება ხელს უწყობს სითხის მარაგის შევსებას.
ამერიკელი ფსიქოლოგების განცხადებით, ინტერნეტის გავრცელებამ განსაკუთრებულად გაზარდა აზარტული თამაშების მიმართ მიდრეკილი ადამიანებს რიცხვი. საგანგაშოა ის, რომ ამ ადამიანებს უფრო მეტად აქვთ გამოხატული ემოციური დარღვევები