რა განსხვავებაა ქალისა და მამაკაცის ტვინს შორის
ქალებს, ტვინის რთული მოწყობის გამო, მამაკაცებთან შედარებით მეტი ძილი სჭირდებათ. როგორც ცნობილია, ცუდი ხარისხის ძილი ან მისი უკმარისობა იწვევს ფსიქოლოგიურ დისტრესს, აგრესიულობის დონის მატებით, დეპრესიითა და მრისხანებით.
მამაკაცებში კი, ძილის ნაკლებობისას, ამგვარი ნეგატიური შედეგი არ აღინიშნება. ექსპერტები ამას ხსნიან ქალის ტვინის ნეირონული კავშირების უნიკალური სქემით. ქალს ერთდროულად რამდენიმე საქმის კეთება შეუძლია და განწყობილია მრავალი ამოცანის გადასაწყვეტად. მას მეტი მოქნილობა და ტვინის რესურსი სჭირდება.
თუ ქალი ღამის განმავლობაში ძალებს ვერ აღიდგენს, ფსიქოლოგიური პრობლემების გარდა, უძილობის ფონზე იზრდება გულსისხლძარღვთა სისტემის დაავადებების განვითარების რისკი და სისხლის შედედების ფაქტორების კონცენტრაცია. ეს კი თრომბოზისა და ინსულტისკენ მიმავალი პირდაპირი გზაა. ქალები, მამაკაცებთან შედარებით უძილობისას, უფრო მეტად იტანჯებიან როგორც ფიზიკურად, ისე ფსიქოლოგიურად.
ლალი ჩხიკვაძე