რუბრიკები
ოჯახის მკურნალი
კანის ტიპები და მათი მოვლა
კანის ტიპები და მათი მოვლა

კანი რთული და მნიშვნელოვანი ორგანოა. ის მონაწილეობს სუნთქვასა და ნივთიერებათა ცვლაში, არეგულირებს სხეულის ტემპერატურას, გამოყოფს სეკრეტს, იცავს შინაგან ორგანოებს მიკროორგანიზმებისა და გარემოს მავნე ზემოქმედებისაგან. ჯანმრთელი კანი ერთ-ერთი მნიშვნელოვანი წინაპირობაა ორგანიზმის სიჯანსაღისა. ცხოვრების სწორი რეჟიმი, რაციონალური კვება, სხეულისა და სამოსის სისუფთავე, რეგულარული ვარჯიში - ყოველივე ეს ხელს უწყობს ჯანმრთელობის გაუმჯობესებასა და სიცოცხლის გახანგრძლივებას. ალბათ არ მოიძებნება ადამიანი, რომელსაც არ სურს, ლამაზი, სუფთა, გლუვი, მკვრივი და ელასტიკური კანი ჰქონდეს.

კანის ტიპები
არსებობს კანის 4 ძირითადი ტიპი:  მშრალი, ნორმალური, კომბინირებული და ცხიმიანი. თითოეულ ტიპს თავ-თავისი მახასიათებლები აქვს და თავისებურ მოვლას მოითხოვს. ქალების უმრავლესობას მიაჩნია, რომ იცის, როგორი კანი აქვს, მაგრამ შესაძლოა შეცდნენ - გამწმენდი, მატონიზებელი, დამატენიანებელი კრემები და მაკიაჟი კანზე ისეთ ზემოქმედებას ახდენს, რომ არ არის გამორიცხული,  ცრუ წარმოდგენა შეგვექმნას. კანის ძირითადი სტრუქტურა, ცხადია, ყველას ერთნაირი აქვს. განსხვავება იმაშია, რამდენად ინტენსიურად გამოყოფენ პოხიერი ჯირკვლები ცხიმს და სახის რომელ ნაწილში არიან ისინი უფრო მეტად აქტიურები. კანის ტიპი ასაკთან ერთად იცვლება, თუმცა სწორი ჰიგიენითა და მოვლით მას შეიძლება დიდხანს შევუნარჩუნოთ სიჯანსაღე. იმისთვის, რომ განვსაზღვროთ კანის ტიპი, სახე გულდასმით უნდა გავიწმინდოთ, მაგრამ არა ტონიკით ან დამატენიანებელი კრემით. კანმა რამდენიმე საათი უნდა დაისვენოს კოსმეტიკისგან. შემდეგ ის ყურადღებით უნდა დავათვალიეროთ ბუნებრივ, დღის შუქზე ჩვეულებრივი ან გამადიდებელი სარკის საშუალებით. კანის ტიპი ასე განისაზღვრება:

  • ნორმალური კანი თანაბარი შეფერილობისაა, გლუვი, მკვრივი და სუფთა, ზომიერი და მცირეფორებიანი. ცხიმისა და ტენის შემცველობა მასში დაბალანსებულია და კანი იშვიათად ღიზიანდება. ასეთი ტიპის კანს სწორი მოვლისას ნაოჭები ძალიან გვიან უჩნდება, მასზე არ შეინიშნება გაფართოებული სისხლძარღვები, ფერიმჭამელები. ნორმალური კანი კარგად იტანს წყლითა და საპნით დაბანას, დეკორატიულ კოსმეტიკას და ძალიან იშვიათია. ნორმალური კანის პჰ 5,5-ს უდრის.
  • მშრალი კანი საკმაოდ ხშირად გვხვდება და განსაკუთრებულ მოვლას მოითხოვს, რადგან უარყოფითი ზემოქმედებისადმი მეტისმეტად მგრძნობიარეა და სწრაფად ბერდება. მშრალ კანს აქვს მცირე ზომის ფორები და მკრთალი ელფერი, ახასიათებს ცხიმის დაქვეითებული შემცველობა. არასაკმარისი ან არასწორი მოვლის დროს შრება, იქერცლება და ელასტიკურობას კარგავს. ასეთ კანზე ნაოჭები, განსაკუთრებით - თვალების ირგვლივ, სხვა ტიპის კანთან შედარებით ადრე წარმოიქმნება. კანის სიმშრალე უმეტესად 50 წელს გადაცილებულ, ცხელი ან ცივი მშრალი კლიმატის ქვეყნებში მცხოვრებ ქალებს აღენიშნებათ. კანი შეიძლება გამოუშრეთ იმ ქალებსაც, რომლებიც არ იცავენ მას გარემოს მავნე ფაქტორებისგან, სვამენ საკმაოზე ნაკლებ წყალს და ა.შ. ასეთ დროს კანი უხეშდება და აქერცვლას იწყებს. მშრალი კანის პჰ 3-დან 5,5-მდეა. ზოგჯერ მშრალი კანი განსაკუთრებით მგრძნობიარეა. ამ შემთხვევაში მას მგრძნობიარე კანს უწოდებენ (არ იგულისხმება ალერგიულობა).
  • ცხიმიანი კანი შესახედავად სქელი, უხეში და პრიალაა. მისთვის დამახასიათებელია თვალში საცემად მსხვილი ფორები. ზოგჯერ ასეთი კანი ფორთოხლის ქერქსაც კი მოგვაგონებს. ჭარბი ცხიმი მკვდარ უჯრედებსა და მტვერთან ერთად ცხიმის ჯირკვლებში წარმოქმნის საცობებს - შავ წერტილებს. ცხიმიან კანს ადვილად უჩნდება ფერიმჭამელები, სამაგიეროდ, მშრალ კანზე გვიან ნაოჭდება. ცხიმის
    You must have Flash Player installed in order to see this player.
    სიჭარბე მას გამოშრობისგან იცავს. ცხიმიანი კანი უმეტესად ახალგაზრდებს აქვთ, 35-40 წლამდე. მისი პჰ 6-ის ტოლია.
  • კომბინირებული (შერეული) ტიპის კანი უფრო ხშირად გვხვდება, უმეტესად - ახალგაზრდა და შუახნის ქალებში. კანი შუბლზე, ცხვირსა და ნიკაპზე, ჩვეულებრივ, ცხიმიანია, საფეთქლებზე, ლოყებსა და კისერზე, განსაკუთრებით კი თვალების ირგვლივ - მშრალი. შერეული ტიპის კანი სახის სხვადასხვა ნაწილის სხვადასხვანაირ მოვლას მოითხოვს. თუ სწორად მოვუვლით, ასეთი ტიპის კანს ნაოჭები დიდხანს არ გაუჩნდება. კომბინირებული კანის პჰ სახის სხვადასხვა უბანზე განსხვავებულია და 3-დან (მშრალ უბნებში) 6-მდე (ცხიმიან უბნებზე) მერყეობს. არსებობს კანის ტიპის განსაზღვრის ასეთი მეთოდიც: დაბანიდან 2-3 საათის შემდეგ სახის სხვადასხვა უბანზე მივიდოთ ქაღალდის ხელსახოცი. თუ ხელსახოცზე ცხიმიანი ლაქა გაჩნდა, კანი ამ უბანში ცხიმიანია. კანი ყველაზე უკეთ ასახავს ადამიანის ჯანმრთელობის მდგომარეობას, ამიტომ მისი რეგულარული მოვლა რაც შეიძლება ადრე უნდა დავიწყოთ.

 

 

თარიღი : 04-03-2015
ნინი
გამარჯობა მაქვს მშარალი კანი ვარ 16 წლის მაინტერესებს რასმირჩევთ მივმართო კოსმეტოლოგს თუ ღერმატოლოგთან მივიღე ?
თარიღი : 14-05-2014
mariami
მოგესალმებით, ვარ 16 წლის გოგო, ვიცი რომ ამ ასაკში სახის კრემების გამოყენება რეკომენდირებული არ არის, მაქვს შერეული ტიპის კანი არც ძალიან ცხიმიანი, არც ძალიან მშრალი და მაინტერესებს მირჩევთ თუ არა რაიმე ბუნებრივი საშუალების გამოყენებას ან არის თუ არა საჭირო რამის გამოყენება და კიდევ რას მირჩევთ ხელების მოვლისათვის, წინასწარ გმადლობთ.
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
"ოჯახის მკურნალი" ახალ ინოვაციურ პროდუქტს სთავაზობს მომხმარებელს. ვებგვერდზე www.mkurnali.ge კითხვა-პასუხის უფასო სერვისი წლებია არსებობს. მასზე სტაბილურად მზარდი მოთხოვნიდან გამომდინარე მომსახურების დახვეწა და განვითარება გადაწყდა.
ბავშვიან ოჯახში შოკოლადის მსურველი ყოველთვის მოიძებნება. არც უფროსები იტყვიან მასზე უარს, მაგრამ საქმე იმაშია, რომ ბავშვისთვის განკუთვნილი შოკოლადი აუცილებლად ხარისხიანი უნდა იყოს. კაკაოთი დამზადებული ტკბილეული ყველა შოკოლადი როდია და არც ღირს მათი სისტემატურად მიწოდება ბავშვისთვის.
ტელეკომპანია PalitraNews-ი ახალ გადაცემას იწყებს, სახელწოდებით "არცოდნა აკრძალულია".
ამ კატეგორიის სხვა სტატიები
კრემის წასმის წინ, საკმარისია სახის ლოსიონით გაწმენდა - სამწუხაროდ, ჩვენს პირობეში ეს არასაკმარისია.
ნიღაბი გაცრეცილი და უსიცოცხლო კანისთვის

კანის გამაახალგაზრდავებელი ნიღაბი
1/2 ჭიქა ცირცელს დაასხით 1 ჭიქა მდუღარე წყალი და დაჭყლიტეთ ფაფის მასის მიღებამდე. ამის შემდეგ შეურიეთ 1 სუფრის კოვზი ნაღები ან უმი კვერცხის გული. მიღებული მასა დაიტანეთ თანაბრად სუფთა სახის კანზე და გაიჩერეთ 10 წუთით. შემდეგ ჩამოიბანეთ გადადუღებული თბილი წყლით.

კოსმეტოლოგებსა და ვიზაჟისტებს ხშირად ეკითხებიან: რისი ხმარება ჯობს ზაფხულში - პუდრისა თუ ტონალური კრემის?

მაკიაჟი მაქსიმალურად ეფექტური რომ იყოს, კანს განსაკუთრებულად უნდა მოუაროთ. ზაფხულში უმჯობესია ტონალური კრემი ულტრამსუბუქი ტექსტურით. ასეთი საშუალება ცხელი ამინდის შესატყვისია, არ აღიზიანებს კანს, კარგად აირეკლავს შუქს, კანი არ არის ფერმკრთალი და უსიცოცხლო.

ცხიმიანი კანის მოვლა
ცხიმიანი კანი დიდი პრობლემაა, რადგან სწორედ ასეთ კანზე ჩნდება გამონაყარი (ფერიმჭამელები). სახეზე ცხიმოვანი ჯირკვლები ინტენსიურად მუშაობენ და ბევრ ცხიმს გამოიმუშავებენ. ამაში ჰორმონული სისტემაა “დამნაშავე”, კერძოდ, მამაკაცის ჰორმონი ტესტოსტერონი, სწორედ ის ააქტიურებს ცხიმოვანი ჯირკვლების მუშაობას. ცხიმიანი კანის ფორები “იჭედება” საცობებით, ცხიმი გარეთ ვერ გამოდის და ჩნდება ფერიმჭამელები. ცხიმიანი კანი ყოველთვის უფრო ანთებითია, მაგრამ აქვს დადებითი მხარეც - უფრო მეტხანს რჩება ახალგაზრდა. ცხიმი კანს ბუნებრივი დამცველი აპკით ფარავს, რომელიც იცავს მას გარე ფაქტორების მავნე ზემოქმედებისაგან. ცხიმიანი კანის მქონე ქალებს ნაოჭები სხვებზე უფრო გვიან უჩნდებათ.

ცნობილია, რომ ზამთარი კანისთვის რთული პერიოდია, ამიტომ განსაკუთრებულად ვუვლით მას. აღმოჩნდა, რომ კანს ზაფხულშიც არანაკლები დატვირთვა აქვს: მზის მომატებული აქტიურობა, სიცხე, ქარი, ზღვა, ქალაქის მტვერი, რომელიც ილექება კანზე. გარე ფაქტორები აშრობს კანს, ხოლო ულტრაიისფერი გამოსხივება ააქტიურებს თავისუფალი რადიკალების გამომუშავებას, რომლებიც აბერებს მას.

ზედმეტი მზისგან დასაცავად კანი სქელდება, უხეშდება და ცხიმოვანი ჯირკვლების მუშაობაც აქტიურდება. თუ ამ დროს შევებრძოლებით ცხიმის გამოყოფას, კანი გამოშრება.

1. ხარისხიანი სუნამო მზადდება მხოლოდ ნატურალური კომპონენტებისაგან და არავითარი "ქიმია"

თანამედროვე პარფიუმერია ნატურალური და სინთეზური ნივთიერებების ნარევია. სრულად ნატურალური სუნამო 2000-იან წლებში აღადგინა ამერიკელმა პარფიუმერმა ამანდა აფტელმა. მსოფლიოში მსგავსი პროდუქცია ძალზე ცოტა იყიდება: ნატურალურ კომპოზიციებს აქვს სპეციფიკური სუნი, არ აქვს მოცულობითი შლეიფი და სერიოზული მდგრადობა.

23 ოქტომბერი 2016
ასაკთან ერთად ადამიანებს სულ უფრო მეტად ერღვევათ ძილის პროცესი. მოხუცებულთა უმრავლესობა, ჩვეულებრივ, უძილობას უჩივის.
18 ოქტომბერი 2016
მეცნიერებმა 16 000 ადამიანის მონაწილეობით ჩატარებული 16 კვლევის შედეგები გააანალიზეს. მათ მოხალისეებში დნმ-ის მეთილირების დონე შეაფასეს.
დანიშნულების მიხედვით გამოყოფენ საყოფაცხოვრებო, სპორტულ, სპეციალურ სამუშაო, საბავშვო, სამხედრო, სამკურნალო და სხვა ფეხსაცმელს.

ფეხსაცმელი უნდა პასუხობდეს ჰიგიენურ პრინციპებს:

1) ჰქონდეს დაბალი თბოგამტარობა, უზრუნველყოს ფეხსაცმლის სივრცის მიკროკლიმატი, მისი ვენტილაცია;

ჭარბი წონის გამო ადამიანი მომხიბვლელობას რომ კარგავს და ვეღარც სასურველ სამოსს იხდენს, მყისვე დიეტას მიმართავს. სწრაფი შედეგის ეშხით, ამ დროს უმთავრესია, ზიანი არ მიადგეს ჯანმრთელობას.

საშიში
შიმშილი: წონის დაკლების ყველაზე ექსტრემალური და მავნე ხერხია - სრულიად არაფრის ჭამა; შიმშილი - ეს არის ძლიერი სტრესი ორგანიზმისთვის, რომელსაც ნებისმიერი დაავადების გამოწვევა შეუძლია. ძალიან ხშირად, “სადაც წვრილია, იქ წყდება”, ანუ თუ ორგანიზმში რაიმე სუსტი ადგილია, ის ზიანდება.

დაავადებული სახსრების მოვლა, სხვა პათოლოგიათა მსგავსად, რამდენიმე რჩევის გათვალისწინებასა და საჭირო ღონისძიებათა პერიოდულ თუ მუდმივ გატარებას გულისხმობს, რაც არც ისე ძნელია.

იკვებეთ ორგანიზმის სასიკეთოდ
სახსრების დაავადებებისას ერიდეთ მწარე, მჟავე და მლაშე კერძებს. ეცადეთ, მენიუ მცენარეული საკვებითა და ვიტამინებით გაამდიდროთ. განსაკუთრებით სასარგებლოა მწვანე ჩაი, ვაშლი, ქლიავი, ლიმონი, მოცვი და ქაცვი.