დეკორატიული კოსმეტიკით გაღიზიანებულ კანს ნუშის ზეთი უხდება
დასველებულ და საგულდაგულოდ გაწურულ ბამბის ქსოვილის ხელსახოცზე დაასხით 20-25 მლ ნუშის ზეთი, დაიფინეთ სახესა და კისერზე, ზემოდან კი პირსახოცი გადაიფარეთ. გაიჩერეთ 20-30 წუთი. ამ ნიღბის გაკეთებას თვეში 1-2-ჯერ გირჩევთ.
კანისთვის კარგია ასევე შემდეგი შემადგენლობის ნიღაბი: 2-3 ს. კ. შვრიის ფქვილს დაასხით ცხელი წყალი – იმდენი, რომ არაჟნისმაგვარი მასა მიიღოთ. დაამატეთ 5-10 მლ ნუშის ზეთი, 2-3 წვეთი ლიმონის, ვარდის, სანდალოზის ან 1-2 წვეთი სანდალოზის, ფორთოხლის, პაჩულისა და ვარდის ხის ეთერზეთები.
თუ გაუხეშებული, მოდუნებული კანი გაქვთ, 1 ს. კ. ნუშის ზეთს დაამატეთ თითო წვეთი ლიმეტის, ვარდისა და სანდალოზის ეთერზეთები და სახეზე გადაისვით. შეგიძლიათ შეურიოთ იმავე ოდენობის ლავანდის, ვარდის, ლიმონისა და კვიპაროსის ეთერზეთები. გაითვალისწინეთ, რომ ნუშის ზეთი ნიღბების სახით უნდა გამოიყენოთ და არა ყოველდღიურად, როგორც დამატენიანებელი საშუალება. იხილეთ აგრეთვე "ნუში ნაოჭებისა და ცელულიტის სამკურნალოდ"