შოკოლადი წონის კლებას აჩქარებს
დიეტის ეფექტურობა დამოკიდებულია რაციონში ბიოლოგიურად აქტიური ნივთიერებების შემცველობაზე. შოკოლადი შეიცავს ფლავონოიდებს. ეს ნაერთები ჯანმრთელობისთვის ძალიან სასარგებლოა.
კვლევაში მონაწილეობა მიიღეს 19-დან 67 წლამდე ასაკის მოხალისეებმა. ისინი სამ ჯგუფად დაყვეს. პირველი ჯგუფი მკაცრად იცავდა ნახშირწყლებით ღარიბ დიეტას; მეორე ნახშირწყლებით ღარიბ დიეტასთან ერთად დღეში 43 გ შავ შოკოლადსაც იღებდა, ხოლო მესამე, საკონტროლო ჯგუფი ჩვეულებრივ იკვებებოდა.
საკონტროლო ჯგუფისგან განსხვავებით, პირველი და მეორე ჯგუფების წევრებმა წონა დაიკლეს, ამასთან, ცდისპირებმა, რომლებიც ყოველდღე მიირთმევდნენ შავ შოკოლადს - 10%-ით მეტი.
სპეციალისტების აზრით, შავი შოკოლადის მიღება თავისთავად არ იწვევს წონის კლებას; ამის პარალელურად აუცილებელია დიეტის დაცვა და ფიზიკური აქტიურობაც.