News
29 მათგანს ყურადღების დეფიციტისა და ჰიპერაქტივობის სინდრომი ჰქონდა. კვლევის მონაწილეებს ჩაუტარდათ ტესტი მახსოვრობაზე. მეცნიერები აკვირდებოდნენ ბავშვებს და ექსპერიმენტს ვიდეოზე იწერდნენ. ყურადღების დეფიციტისა და ჰიპერაქტივობის სინდრომის მქონე ბავშვებმა, რომლებიც ტესტირების პროცესში მოძრაობდნენ, უკეთესი შედეგები მიიღეს, ვიდრე მშვიდად მსხდომებმა. მეცნიერებმა დაასკვნეს, რომ ყურადღების დეფიციტისა და ჰიპერაქტივობის სინდრომის მქონე ბავშვებისთვის აუცილებელია მოძრაობა, რათა ისწავლონ. ეს მათ ინფორმაციის გადამუშავებასა და ათვისებაში ეხმარება.
როგორ ავამაღლოთ ძილის ხარისხი
ცნობილია, რომ გაჯეტებიდან გამომავალი ცისფერი სინათლე არღვევს ძილის ბიოლოგიურ რიტმს. ის თრგუნავს მელატონინის - დაძინების ხელშემწყობი ჰორმონის - გამომუშავების პროცესს. ამ საკითხის შესასწავლად შვედ მეცნიერთა მიერ ჩატარებულ კვლევაში 13-მა მოზარდმა მიიღო მონაწილეობა. ერთი კვირის განმავლობაში ბიჭები საღამოობით ნარინჯისფრად დაფერილ ლინზებს ატარებდნენ, - ასეთი შეფერილობის მინა ცისფერ სინათლეს ბლოკავს, - ძილის წინ კი რამდენიმე საათის განმავლობაში უყურებდნენ ელექტრომოწყობილობის ეკრანს ასეთი სათვალით. მოზარდები აღნიშნავდნენ, რომ ამ სათვალის ტარებისას უფრო მეტად ერეოდათ ძილი, ვიდრე გამჭვირვალემინებიანის ტარებისას. ექსპერტთა თქმით, ცისფერი სინათლე ხანში შესულებზე ასე ძლიერ არ მოქმედებს - ბროლის გაყვითლებისა და სხვა ასაკობრივი ცვლილებების გამო თვალები უფრო და უფრო მეტ ცისფერ სინათლეს ფილტრავს. რამდენიმე ხნით ადრე ჩატარებულმა კვლევამ, რომელშიც 18-დან 68 წლამდე ასაკის 20 ადამიანი მონაწილეობდა, აჩვენა, რომ ქარვისფერი ლინზები გაცილებით აუმჯობესებს ძილის ხარისხს, ვიდრე ყვითელი, რომელიც მხოლოდ ულტრაიისფერ გამოსხივებას ბლოკავს.