დღეის მდგომარეობით, საქართველოში ე.წ. ღორის გრიპის ლაბორატორიულად დადასტურებული 245 შემთხვევა ფიქსირდება. - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

დღეის მდგომარეობით, საქართველოში ე.წ. ღორის გრიპის ლაბორატორიულად დადასტურებული 245 შემთხვევა ფიქსირდება.

ქვეყნის მასშატაბით არსებულ ეპიდსიტუაციაზე დაავადებათა კონტროლისა და საზოგადოებრივი ჯანმრთელობის ეროვნულ ცენტრში, ცენტრის ხელმძღვანელმა ამირან გამყრელიძემ თანამშრომლებთან ერთად პრესკონფერენცია გამართა.

მისი ინფორმაციით, საქართველოში გრიპის გავრცელების ინტენსივობა 100 000 მოსახლეზე 357-ს შეადგენს.

დღეის მდგომარეობით, ლაბორატორიულად დადასტურებულია გრიპის 255 შემთხვევა, მათ შორის, 245 H1N1-ით, ხოლო 10 H3N2-ით არის გამოწვეული.

ლეტალურად დასრულდა 8 შემთხვევა. ამირან გამყრელიძე ყველა მათგანს თანმდევ დაავადებასა და ექიმთან დაგვიანებით მისვლას უკავშირებს.

"გუშინ შეჯამდა იანვრის მეოთხე კვირის მონაცემები. მესამე კვირასთან შედარებით, გრიპით ავადობის ზრდის ტენდენციის შემცირება გვაქვს. თუ მეორე კვირიდან მესამე კვირაში 100 000 მოსახლეზე გვქონდა ნახტომისებური ზრდა, 90 ერთეულით, 248-დან 332-მდე, მეოთხე კვირაში 332-დან მხოლოდ 25 ერთეულით, 357-მდე გაიზარდა. ზრდის ტენდენცია შემცირებულია, იგივე ტენდენცია გვაქვს ჰოსპიტალიზაციის მაჩვენებელში", - აღნიშნა ამირან გამყრელიძემ.

დაავადებათა კონტროლის ეროვნული ცენტრის ხელმძღვანელი მოსახლეობას სანიტარულ-ჰიგიენური ნორმების დაცვისკენ მოუწოდებს და გრიპის პირველივე სიმპტომების დაწყებისთანავე, სამედიცინო დაწესებულებებისთვის მიმართვას ურჩევს.

ცენტრის ხელმძღვანელმა დღესვე ჟურნალისტებს სხვა ქვეყნების სიტუაციური კონტროლის ანალიზი წარუდგინა და აღნიშნა, რომ ზოგიერთ ქვეყანაში საქართველოსთან შედარებით, მდგომარეობა საგრძნობლად უარესია.

"ამ მხრივ, რეგიონში შეიძლება ვთქვათ, რომ დამშვიდებულად გამოვიყურებით, თუმცა გრიპის სეზონი გრძელდება, თებერვლის პირველ კვირაშიც, ალბათ ზომიერი მატება გვექნება მაგრამ ვფიქრობთ, არ გადავაჭარბებთ ეპიდემიურ ზღურბლს", - დასძინა ამირან გამყრელიძემ.