გაჯეტებით გატაცებამ შეიძლება სახესა და კისერზე ნაადრევი ნაოჭების გაჩენა გამოიწვიოს
აღნიშნულ სინდრომს მეცნიერებმა "tech neck" უწოდეს. სპეციალისტების თქმით, ადამიანები, რომლებიც ხშირად იხრებიან თავიანთი ელექტრონული მოწყობილობებისკენ, ნაოჭების ნაადრევი გაჩენის რისკის ქვეშ იმყოფებიან.
ტექსტური შეტყობინებების წერის დროს უხერხული მდგომარეობა იწვევს ზურგის, კისრის, ბეჭების, თავის ტკივილს. თუ ადამიანი ხშირადაა წინ გადახრილი, არაბუნებრივი პოზის გამო, ცვლილებები ხდება ხერხემალში, მყესებსა და კუნთებში. ასევე გაჯეტების ხშირი გამოყენებისას იჭიმება კისრის კუნთები. ექიმები გვირჩევენ, შეძლებისდაგვარად, იშვიათად გამოვიყენოთ ელექტრული მოწყობილობები.
ლალი ჩხიკვაძე