ხელოვნური ძვალი ინფექციას თავად გაუმკლავდება
მეცნიერები აცხადებენ, რომ თვითმკურნალ იმპლანტატებს ექნებათ ნანოსენსორებიანი საფარი, რომლის მეშვეობითაც ისინი მიკრობებს "იცნობენ" (ანუ მათი სახეობის იდენტიფიცირებას მოახდენენ) და შიდა რეზერვუარიდან საჭირო რაოდენობით შესაბამის პრეპარატს გამოყოფენ. ეს სენსორებივე გააკონტროლებენ მკურნალობის ეფექტურობას და იმპლანტატის მდგომარეობას. აღნიშნულ ინფორმაციას კი "გარეთ" უგამტარო კავშირის მეშვეობით გადასცემენ.
საყურადღებოა, რომ პირველი "ინტელექტუალური" იმპლანტატი, ალბათ 7 წლის შემდეგ გამოჩნდება, რადგან კვლევები ჯერ კიდევ მიმდინარეობს.
თინათინ გოცაძე