რა ფირმის მოტოციკლეტით დადის ექიმი ჰაუსი?- ყველაზე ხშირად დასმული შეკითხვები ექიმი ჰაუსის შესახებ (ნაწილი პირველი)
რა თქმა უნდა, ამ სიაში პირველ ადგილზე გავიდა შეკითხვა ექიმი ჰაუსის ფეხის ავადმყოფობასთან დაკავშირებით. გთავაზობთ რამოდენიმე მათგანს.
-რა სჭირს ექიმ ჰაუსს ფეხზე?
-ჰაუსს იდიოსინკრეზული ინფარქტი დაემართა მარჯვენა ფეხზე. ინფარქტმა სისხლის მიმოქცევა შეაჩერა ფეხში, რამაც გამოიწვია მუხლის კუნთების დაღუპვა. ეს გახდა ექიმის ფეხის ძლიერი ტკივილების მიზეზი, რამაც მოგვიანებით წამალდამოკიდებულად აქცია ის.
-რა სპეციალობის არიან ექიმები სერიალში?
-გრეგორი ჰაუსი ნეფროლოგიისა და ინფექციური დაავადებების დიაგნოსტიკის დეპარტამენტის ხელმძღვანელია, ექიმი ელისონ ქემერონი- იმუნოლოგი. ექიმი ერიკ ფორმენის სპეციალობაა ნევროლოგი, ექიმი რობერტ ჩეისი ინტენსიური თერაპიის სპეციალისტია. ჯეიმს ვილსონი ონკოლოგიური დეპატრამენტის ხელმძღვანელია, ხოლო ლიზა კადი საავადმყოფოს ადმინისტრატორია, სპეციალობით კი ის ენდოკრინოლოგი და მედიცინის დეკანია.
-რეალურად არსებობს თუ არა საავადმყოფო რომელშიც მოვლენები მიმდინარეობს?
-Princeton Plainsboro Teaching Hospital - საავადმყოფო, სადაც მოვლენები ვითარდება რეალურად არ არსებობს და ის გამოგონილია. შენობა, რომელშიც საავადმყოფოში მიმდინარე მოვლენები არის გადაღებული სინამდვილეში არ არის საავადმყოფო. იგი პრინსტონის უნივერსიტეტი კორპუსები და მისი მიმდებარე ტერიტორიაა.
-რამდენად ზუსტია სერიალში გამოყენებული მედიცინა და დიაგნოზები?
-სხვადასხვა ექიმების განცხადებით, სინამდვილეში სიუჟეტში ასახული საკმაოდ ბევრი ეპიზოდი შეიცავს სამედიცინო უზუსტობას და ბევრი მოვლენა არ შეესაბამება რეალობას.
- რომელი ფირმის მოტოციკლეტი ჰყავს ექიმ ჰაუსს?
-ექიმ ჰაუსს ჰონდას ფირმის მოტოციკლეტი ჰყავს. HONDA, CBR1000RR FireBlade Repsol Replica.
ყოველ სამუშაო დღეს, საღამოს 19:00 საათზე #ჩაუჯექით "ექიმ ჰაუსს" GDS-ზე.