რუსთავში მშობიარობის დროს 28 წლამდე ასაკის ქალი გარდაიცვალა
ექიმებმა ჩვილის გადარჩენა შეძლეს, 28 წლის ქალი კი გარდაიცვალა.
შინაგან საქმეთა სამინისტროს ინფორმაციით, სისხლის სამართლის საქმე 116-ე მუხლით აღიძრა, რაც გაუფრთხილებლობით სიცოცხლის მოსპობას გულისხმობს. დანიშნულია შესაბამისი ექსპერტიზები.
კლინიკა ,,რუსთავის" სამშობიარო განყოფილების მედპერსონალი ამჟამად დაკითხვაზე იმყოფება.
რას ნიშნავს სანაყოფე წყლებით ემბოლია, რაც შეიძლება მშობიარის სიკვდილის მიზეზი გახდეს?
ფილტვის არტერიისა და მისი ტოტების სანაყოფე წყლებით ემბოლია უმეტესად მშობიარობისთანავე ვითარდება. იგი იშვიათი, მაგრამ ძალიან შაშიში სამეანო პათოლოგიაა, რომელიც შესაძლოა მშობიარის უეცარი სიკვდილის მიზეზი გახდეს. ამ დროს დედის სიკვდილის ალბათობა მაღალია (80%).
ამნიონური სითხე სანაყოფე გარსების გასკდომის შემდეგ შეიძლება შევიდეს დედის ორგანიზმში საშვილოსნოს ღია ვენური სისხლძრღვებიდან. ასეთი პირობები შეიძლება საკეისრო კვეთის, პლაცენტის ხელით მოცილების, პათოლოგიური მშობიარობის პლაცენტის ნაადრევი აცლის დროსაც განვითრედეს.
სანაყოფე სითხის გადასვლა დედის ღია სისლძარღვებში ხორციელდება საშვილოსნოში ჰიდროსტატიკური წნევის მატების ან დედის ვენურ სისტემაში წნევის დაქვეითების ხარჯზე.
ამნიომნური სითხის მოხვედრა დედის სიხლისმიმოქცევაში იწვევს ანაფიალქიურ შოკურ რეაქციას, შემდგომში ვითარდება დვს სინდრომი.