იმუნური უჯრედების კავშირი თმის ცვენასთან
თმის ფოლიკულები მუდმივად განახლდება. მას შემდეგ, რაც თმის ღერი გაცვივდება, ფოლიკული კვლავ “უნდა გაიზარდოს“. წინათ ეგონათ, რომ ამ პროცესს მთლიანად ღეროვანი უჯრედები არეგულირებს. თუმცა, წინა კვლევებით არ იყო გათვალისწინებული ის, რომ ღეროვანი უჯრედები თავის მხრივ აქტიურდება T -სუპრესორებით და რომ T-სუპრესორების გარეშე თმა პრაქტიკულად არ იზრდება.
ახალი მონაცემების თანახმად, T -რეგულატორული უჯრედების ფუნქციის მოშლა იწვევს აუტოიმუნურ დარღვევებს, რომლებიც თმის ცვენის პროვოცირებას ახდენს და კეროვანი (ბუდობრივი) ალოპეციის ფორმირებას განაპირობებს, ასევე ერთ-ერთი წამყვანი ფაქტორია სხვა ფორმის ალოპეციის, მათ შორის მამაკაცური ტიპის თმის ცვენის განვითარებაში.
სპეციალისტთა განცხადებით, “წარმოდგენები იმუნური სისტემის უჯრედებზე, როგორც მარტო ინფექციასთან მებრძოლ მარტივ ჯარისკაცებზე, მეტისმეტად მოძველებულია, შესაბამისად, აღნიშნულ უჯრედთა როლი ორგანიზმში მეტად მრავალფეროვანია!”.
თინათინ გოცაძე