უნიკალური სპრეით მედიკამენტი პირდაპირ ტვინს მიეწოდება
უნიკალური სპრეი შექმნეს. ის წარმატებით გადის ჰემატოენცეფალურ ბარიერს და ჯანმრთელი ქსოვილებისთვისაც უსაფრთხოა.
როგორც მეცნიერები აცხადებენ, სპრეის გამოყენება შესაძლებელი იქნება სხვადასხვა დაავადების სამკურნალოდ, მათ შორის - თავის ტვინის სიმსივნური პათოლოგიების.
პრეპარატის მიწოდების ახალი მეთოდი მკვლევარებმა კალიებზე გამოსცადეს. ექსპერიმენტებით დადასტურდა, რომ სპრეის ოქროს ნანონაწილაკები მწერების ტვინში 30-60 წამში აღწევს და რაც მთავარია, სხვა ჯანმრთელ ქსოვილებზე გავლენას არ ახდენს.
სპეციალისტები სპრეის გამოცდას ახლა ადამიანებზე გეგმავენ.
თინათინ გოცაძე