შენობიდან შუშის ჩამოვარდნის შედეგად 6 მოზარდი დაშავდა, ერთის მდგომარეობა მძიმეა
კლინიკაშია მოთავსებული, 3 კი „ამტელ ჰოსპიტალში“.
თვითმხილველების ინფორმაციით, ბარათაშვილის ქუჩაზე, შენობიდან შუშა იმ დროს ჩამოვარდა, როცა სკოლის მოსწავლეები მის გასწვრივ მიდიოდნენ. ”ხმაურზე რომ გამოვედით, დავინახეთ დასისხლიანებული ბავშვები. განსაკუთრებით მძიმე იყო ერთი ბავშვის მდგომარეობა, რომელსაც ჭრილობები სახის არეში ჰქონდა. სხვა ბავშვებსაც ჰქონდათ დაზიანებები ხელებზე, ფეხებზე და სახეზე. ჩემმა შვილმა გამოიძახა სასწრაფო დახმარება და ვიდრე ექიმები მოვიდოდნენ, ვცდილობდით ბავშვებისთვის მინის ნამსხვრევები მოგვეცილებინა”, - განაცხადა თვითმხილველმა.
ინგოროყვას კლინიკაში მოთავსებული ერთ-ერთი ბავშვის მდგომარეობა მძიმეა, მას ამ წუთებში თავზე ოპერაცია უტარდება. დანარჩენი ორის მდგომარეობა კი დამაკმაყოფილებელია.