რუბრიკები
ოჯახის მკურნალი
კითხვა-პასუხი
თერმომეტრი გატყდა
თერმომეტრი გატყდა

თერმომეტრი გატყდა და ოთახში ვერცხლისწყლის პატარა ბურთულები მიმოიფანტა. საშიშია თუ არა ეს? როგორ შევკრიბოთ ვერცხლისწყალი?


საშიშია თუ არა თერმომეტრის ვერცხლისწყალი?
ვერცხლისწყალი ადვილად აქროლადი ნივთიერებაა, ის ორთქლდება. ინტენსიური აორთქლება ხდება მაშინ, როცა ტემპერატურა 18 გრადუსზე მეტია. რაც უფრო მეტად თბილა ოთახში, მით უფრო სწრაფად მიმდინარეობს აორთქლების პროცესი.

ვერცხლისწყლის ორთქლი ადვილად აღწევს ჩვენს ორგანიზმში და დროთა განმავლობაში შესაძლოა სერიოზული ცვლილებები გამოიწვიოს, ცენტრალური ნერვული სისტემისა და თირკმელების დაზიანებაც კი. ვერცხლისწყლით მწვავე მოწამვლის ნიშნებია ძლიერი თავის ტკივილი, სასუნთქი სისტემის ანთება და დარღვევები საჭმლის მომნელებელი სისტემის მხრივ, ადვილად დაღლა, სისუსტე, აპათია. გარდა ამისა, არსებობს ვერცხლისწყლით მოწამვლის ქრონიკული ფორმა, რომლის დროსაც სიმპტომები ასეთი თვალსაჩინო არ არის, მაგრამ ვერცხლისწყლის ორთქლის ორგანიზმში მცირე კონცენტრაციით მოხვედრაც კი შეიძლება თავბრუხვევის, ადვილად დაღლის, ძილიანობის, გაღიზიანებადობის მიზეზად იქცეს. დაგვეთანხმებით, რომ ეს ჩივილები ადვილად შეიძლება აგვერიოს თუნდაც ავიტამინოზში და არც კი მოგვაგონდეს, რომ ცოტა ხნის წინ ოთახში თერმომეტრი გატყდა.


როგორ მოვაგროვოთ დაღვრილი ვერცხლისწყალი

  • პირველ რიგში, შენობიდან უნდა გავიყვანოთ ბავშვები, ფართოდ გავაღოთ ფანჯრები - ასე ორთქლის კონცენტრაციას შევამცირებთ.
  • ოთახის ზღურბლთან დააგეთ კალიუმის პერმანგანატის ხსნარში დასველებული იატაკის ტილო, რათა ფეხსაცმლის ლანჩებით ვერცხლისწყალი მთელ ბინაში არ მიმოფანტოთ. მართალია, ამას იატაკი შეეწირება - პერმანგანატის ხსნარის მუქი კვალი გარანტირებულია, - მაგრამ ეს ჯანმრთელობისთვის საშიში არ არის.
  • სანამ ვერცხლისწყლის წვეთების მოგროვებას დაიწყებდეთ,  მოამზადეთ შუშის ქილა ჰერმეტული სახურავით. აავსეთ წყლით ან კალიუმის პერმანგანატის 0,2%-იანი ხსნარით. შეიძლება გამოიყენოთ იოდიც. იოდი ვერცხლისწყალთან ურთიერთქმედებისას წარმოქმნის არააქროლად ვერცხლისწყლის იოდიდს. ამ ხსნარში უნდა შეგროვდეს ვერცხლისწყალი და თერმომეტრის ნამსხვრევები.
  • სასუნთქი ორგანოები უნდა დავიცვათ სველი ნიღბით, ხოლო ხელები - რეზინის ხელთათმანებით.
  • ვერცხლისწყლის მოსაგროვებლად არ უნდა გამოვიყენოთ ცოცხი, იატაკის ჯაგრისი და მით უფრო - მტვერსასრუტი, რადგან ასე მნიშვნელოვნად გაიზრდება ჰაერში ვერცხლისწყლის კონცენტრაცია.
  • ვერცხლისწყლის ბურთები უნდა შევაგროვოთ ემპლასტროთი ან სკოტჩით. ნაკლებად მოხერხებულია ქაღალდი და პერმანგანატში დასველებული ბამბის ტამპონი. პატარა ნაწილაკები შეიძლება შევაგროვოთ სამედიცინო შპრიცით ან ოყნით.
  • ვერცხლისწყალი შეიძლება შეგროვდეს სპილენძის ფირფიტით ან მავთულითაც. სპილენძი იმ მცირერიცხოვან ლითონთა რიცხვს ეკუთვნის, რომლებიც ვერცხლს კი არ განიზიდავენ, არამედ მიიზიდავენ. ყურადღება უნდა მივაქციოთ, რომ სპილენძი არ იყოს დაჟანგული. ამისთვის ლითონი ოდნავ უნდა გავფხიკოთ ზედა შრის მოსაცილებლად.
  • მას შემდეგ, რაც ვერცხლისწყალს მთლიანად შეაგროვებთ, ადგილი, სადაც იგი დაიღვარა, უნდა დაამუშაოთ კალიუმის პერმანგანატის ხსნარით. მის მოსამზადებლად 2 გრამი პერმანგანატი უნდა გახსნათ 1 ლიტრ წყალში. პერმანგანატით იატაკის დამუშავების პროცედურა რამდენჯერმე უნდა გამეორდეს, ხოლო შუალედებში აუცილებელია იატაკის გაწმენდა საპნიანი და სოდიანი წყლით (1 ლიტრ წყალზე - 50 გრამი საპონი და სოდა).
  • შეიძლება გამოიყენოთ გოგირდის ფხვნილიც. ვერცხლისწყალი რეაქციაში შედის გოგირდთან და არააქროლად და უსაფრთხო ვერცხლისწყლის სულფიდად გარდაიქმნება. ამასთან, კალიუმის პერმანგანატისგან განსხვავებით, გოგირდი არ ტოვებს ზედაპირებზე "წარუშლელ კვალს".
  • შეკრებილი ვერცხლისწყალი, ტილოები, ხელთათმანები, დასვრილი ფეხსაცმელი და ტანსაცმელი უნდა ჩაბარდეს იმ დაწესებულებას, სადაც ვერცხლისწყალს დაამუშავებენ.
    ლ ოთახი, სადაც ვერცხლისწყალი დაიღვარა, რამდენიმე დღის განმავლობაში უნდა ნიავდებოდეს.


რა არ შეიძლება:

  • გატეხილი
    You must have Flash Player installed in order to see this player.
    თუ გაფუჭებული თერმომერტის გადაგდება სანაგვეში და მეტადრე - ფანჯრიდან;
  • მტვერსასრუტის გამოყენება - ცხელ ჰაერთან შეხებისას ვერცხლისწყალი გაცილებით ინტენსიურად ორთქლდება და ამ დროს ჰაერში მისი კონცენტრაცია 100-ჯერ იზრდება. აღარაფერს ვამბობთ იმაზე, რომ ეს მტვერსასრუტი გადასაგდები გახდება;
  • იატაკის მოწმენდა სველი ტილოთი ან მოგვა - ასე იზრდება აორთქლების ზედაპირი, რადგან უმნიშვნელო ზემოქმედებითაც კი ვერცხლისწყალი წვრილ ბურთულებად იყოფა, რომელთა შეკრება გაცილებით ძნელია;
  • ვერცხლისწყლის კანალიზაციაში ჩაშვება - ვერცხლისწყალი მილებში ილექება, რადგან წყალზე 13-ჯერ მძიმეა და მომწამვლელ ზემოქმედებას განაგრძობს.

 

 

თარიღი : 23-02-2017
კატო
ახლა გამიტყდა თერმომეტრი ავგავე, ავწმინდე, ფანჯრებიც გავაღე ფხვნილი დავყარე იატაკზე და რამდენჯერმე კარგად ავხეხე, მერე ისევ ავწმინდე იმედია თავი დავაღწიე უბედურებას, თან ბავშვს ამ ოთახში სძინავს :(
თარიღი : 21-11-2016
Qeti
ჩემმა შვილმა ჩაკბიჩა . გადავირიეთ ყველა პანიკაში ჩავვარდით, ექიმმა კი დაგვცინა რა განერვიულებთ თუ გადაყლაპა კარგად აჭამეთ და გამოვაო.
თარიღი : 28-03-2016
nino-s
ნუ ნერვიულობ, რომ მოწამლულიყო შეატყობდი, მწვავე გულის რევა ექნებოდა , მეტალით მოწამვლამ კიდე ტვინის გასიება იცის და ძლიერი ტავის ტკივილი
თარიღი : 28-03-2016
ანო
უკვე მეორეთ გაგვიტყდა გავანიავე და იატაკი მოვწმინდე მეშინია მეც 1 წლის პატარა მყავს და იმ ოთახში დინავს
თარიღი : 28-06-2015
ნინო
ძალიან ვნერვიულობ, როგორც ბავსჰვი მეუბნება კბილი ცაუკბეჩია ტერმომეტრის თავი და გადამეყლაპაო, მაგრამ ნატეხები იქ ეყარა და ვერცხლისწყლების იქ იყო, კიდევ ტერმომეტრშიც იყო მტელ ზოლზე, რამე მოუვა ბავსჰვს? ძალიან ვნერვიულობ, ვინმემ რამე ტუ იციტ დაწერეტ რა
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
მარადიული ახალგაზრდობის საიდუმლო არა მარტო გენებშია. იმ ქალების მესამედი, რომლებიც ასაკთან შედარებით 10 წლით ახალგაზრდულად გამოიყურებიან, უბრალოდ ცხოვრების სწორ წესს მისდევს. კვლევამ აჩვენა, რომ იმ ქალების 2/3, რომლებიც ხანდაზმულ ასაკში კარგად გამოიყურებიან,
ძილი საიმედოდ დაგვიცავს გრიპისა და გაციებისგან. კარგი ძილი იმუნურ სისტემას აძლიერებს და ორგანიზმი ინფექციას ეფექტურად უმკლავდება.
*კოცნისას სახის 29 კუნთი აქტიურდება, რაც კანის დაბერების კონტროლირების საშუალებას იძლევა;

*კოცნისას პარტნიორებს შორის ხდება ნივთიერებათა ცვლა, რაც ორგანიზმის იმუნიტეტს ამაღლებს;
ამ კატეგორიის სხვა სტატიები
გერმანელი მეცნიერები აფრთხილებენ მშობლებს, ნუ მიაჩვევენ ბავშვებს მობილურ მოწყობილობებს. მათ გასართობად და გასაჩუმებლად სხვა საშუალებები გამოიყენონ, რადგან ე.წ. სმარტფონები დიდ ზიანს აყენებს ბავშვების როგორც მენტალურ, ასევე ფიზიკურ განვითარებას.
კემბრიჯის უნივერსიტეტისა და კომპანია Mars-ის თანამშრომლები დარწმუნდნენ იმაში, რომ შინაური ცხოველები ბავშვის სოციალური უნარების ჩამოყალიბებასა და ემოციურ მდგომარეობაზე დადებითად მოქმედებს. მეცნიერებმა დაადგინეს რომ ძაღლი, სხვა ცხოველებთან შედარებით, ოჯახში უფრო ნაკლებ კონფლიქტს იწვევს.
დიდი ხანია ინტერნეტ-სივრცეში არსებობს ვირტუალური თამაშები, რომლებშიც ხშირ შემთხვევაში ჩადებულია აგრესიული ქცევები, სისასტიკე, მკვლელობები, სხვადასხვა იარაღის გამოყენება, ამ თამაშებში მოზარდები საათობით დასდევენ მსხვერპლს დაჭრისა და მოკვლის მიზნით.
თანამედროვე ბავშვებს ხანდაზმულობისას ჯანმრთელობასთან დაკავშირებული ბევრი პრობლემა შეაწუხებს.
განვითარებული ქვეყნების მოსახლეობის სიცოცხლის ხანგრძლივობა 1930 წლიდან გაიზარდა. თუმცა სპეციალისტები თანამედროვე ბავშვების ჯანმრთელობის მდგომარეობას „შენელებული მოქმედების ბომბს“ უწოდებენ.
არ იჩხუბოთ, მით უმეტეს, ბავშვების თანდასწრებით, ეს შვილებზე მეტად მტკივნეულად მოქმედებს, - ამის შესახებ სრულიად საქართველოს კათოლიკოს-პატრიარქის, უწმინდესისა და უნეტარესის, ილია მეორის მიერ დაწერილ წინასიტყვაობაშია ნათქვამი, რომელიც პერიოდულ ჟურნალში “ბედნიერი ოჯახი” დაიბეჭდა.
კვლევებმა აჩვენა, რომ სახლში შინაური ცხოველების არსებობა ამცირებს ბავშვებში ალერგიისა და სიმსუქნის განვითარების რისკს. მეცნიერებმა ბავშვების ორგანიზმში ამ დაავადებებისგან დამცავი მეტი ბაქტერია აღმოაჩინეს.
22 ნოემბერი 2016
ცნობილია, რომ სტრესმა შეიძლება წონის მატება გამოიწვიოს. მიზეზი მხოლოდ ამ მდგომარეობისთვის დამახასიათებელ გაძლიერებულ მადაში არ არის. იცვლება თავად სხეულის მუშაობის მექანიზმი.
11 ნოემბერი 2016
საშინაო საქმეები სპორტდარბაზში ვარჯიშის შემცვლელია. სპეციალისტებმა დათვალეს რამდენი კალორიის დაწვაა შესაძლებელი ჩვეული საშინაო საქმიანობის დროს. ასე მაგალითად, საწოლის გასწორებისას ადამიანი წვავს 70 კალორიას, რაც ერთი ორცხობილას ეკვივალენტია.
ადამიანთა უმრავლესობას, გამოსასვლელ დღეებში სადილობამდე უყვარს ლოგინში კოტრიალი, რის შემდეგაც თავს დამძიმებულად და მოდუნებულად გრძნობს.
სტაფორდშირის უნივერსიტეტის მეცნიერების მიერ ჩატარებულ ექსპერიმენტში 3 წლამდე ასაკის 60 ბავშვი მონაწილეობდა.
1. შვრია - რეგულარული მიღებისას, ასუფთავებს ნაწლავებსა და ღვიძლს.